15-21 de eneru
JOB 36, 37
Pirekua 147 ka kómarhikua | Uandakuecha para ueenani (1 min.)
1. Andichisï mintsikajki eska jauaka tsípikua para méntkisï
(10 min.)
Tata Diosï Jeoba para méntkisï irekasïndi (Job 36:26; w15-S 1/10 páj. 13 párr. 1, 2).
Jimboka Tata Diosï Jeoba jánhastiiska ka uinhapitiini, úsïndi eska no méni kʼamakurhiaka tsípikua (Job 36:27, 28; w20.05 páj. 22 párr. 6).
Tata Diosï Jeobajtsïni jorhendasïndi ambe engachi jatsika para úni parachi tsípikua para méntkisï jatsini (Job 36:4, 22; Jn 17:3).
Mintsikani eska jauaka tsípikua para méntkisï jarhuatasïndijtsïni orhepani uérani engachi no sési nitamakuarhini jarhajka (Eb 6:19; w22.10 páj. 28 párr. 16).
2. Jukaparhakua ambe
(10 min.)
-
Job 37:20. ¿Néna aianhperanhasïreeni ambe ma imani lugariicha jimbo enga Biblia uandaajka? (it-1-S páj. 519).
-
¿Ambe jukaparhakua ambejtsï jorhenguarhiski Biblieri arhintskuarhu i semaneeri?
3. Biblieri arhintskua
(4 min.) Mt 6:1-18 (th jorhenguarhikua 2).
4. Ueena je uandontskuarheni
(3 min.) AIANHPINI JIMEESÏSÏ ENGA UÁNIKUA KʼUIRIPU JÁMAJKA. (lmd jorhenguarhikua 3 puntu 3).
5. Pʼorhembinta je
(4 min.) KʼUMANCHIKUECHARHU. (lmd jorhenguarhikua 2 puntu 5).
6. Uandanta je ambe engajtsï jakajkujka
(5 min.) Arhijtsïkperata. ijwfq 57 párr. 5-15. Títulu: ¿Ambeksï úkuarhinchaspi Jeobaeri testiguecha Holocausto jimbo? (th jorhenguarhikua 18).
Pirekua 49
7. Uétarhisïndi t’uini mítenia ambe úni enga uétarhiaka tratamientu ma o operasioni ma
(15 min.) Para kúnguarhikua jingoni exeni, orhejtsïkuti ma nitamataraati.
Tata Diosï Jeobaeri organisasionijtsïni mámaru ambe íntskusti enga iurhiriiri ambe uandajka ka engajtsïni jarhuatajka kurhajchani Tata Diosïiri leini (Úk 15:28, 29). ¿Úraaxakijtsï?
Documento de instrucciones médicas (tarjeta DPA) ka Tarjeta de identidad (ic): Ini tarjeteecha jimbo arhisïndi na enga exejka pasienti iurhirini ka ambe enga uéjka eska úkuarhiaka indeni jingoni. Aianhpiriicha engaksï itsï atakuarhikia uaatiksï kurhakuni tarjeta DPA ma imani erachini enga publikasionicheeri ambe exejka, ka para imeecheeri sapiicha, Tarjeta de identidad ma. Jatsiskachi para méntkisï kaani jarhani ini tarjeteechani. Engajtsï no kámani jaka ini tarjeta ma ojtsï no aktualisariini jarhani, jánguarhinta je kókuani ísï úni.
Para uarhiiticha engaksï sapini ma erokuarhini jaka (S-401) ka Jarhuajperata para imeecha engaksï uétarhinchajka operasioni ma o kimioterapia ambe (S-407): I dokumentuechajtsïni jarhuatasïndi míteni náki tratamientu sánderu sési jaua parachi intsïnhani ka ístu uandasïndi iurhiriiri ambe. Arhia je orhejtsïkutiichani eskaksïni íntskuaka imani dokumentuni engajtsï chá uétarhinchani jaka, pori ejemplu, engajtsï uétarhinchani jaka operasioni ma, tratamientu ma para kanseri o engajtsï embarasada jaka.
Grupu enga Jarhuataajka Testiguechani engaksï uétarhinchajka Tratamientu ma (GJT): Ini grupurhu, jarhastiksï orhejtsïkutiicha engaksï sési jorhendakata jaka paraksï sési aianguani doktoriichani ka aianhpiriichani néna enga jaka iurhiriiri ambe. Íksï erachiicha uaati uandontskuarhikuni chaari doktorini para exerani ambe enga úpiringa úni o náki tratamientuksïni uaa íntskuni parajtsï no jatantani iurhiri. Ka enga kʼuaniska, jarhuataatiksïni doktorini ma exentani engaksïni uaaka jarhuatani parajtsï no jatantani iurhiri. Íksï erachiicha jingontku jarhasïndi paraksï jarhuajpeni ka ísïksï úsïndi chúrikua ka jurhiakua mándani semana. Enga ma repentku uétarhiaka parajtsï ospitalirhu jarhani, operarinksïni, o parajtsï tratamientu ma intsïnhani para kanseri ka enga ísï xarharapiringa enajki no ma problema japirini iurhiri jimbo, chá jánguarhinta je kókuani uandajpaani ini erachiichani. Ka imeecha engaksï embarasada jaka ístuksï jatsisti para ini erachiichani uandajpaani. Engajtsï uétarhinchaska ambe ma, arhi je orhejtsïkutini ma eskaksïni íntskuaka i grupueri (GJT) informasioni parajtsï chá úni uandajpaani.
Jatsiku je BIDEUNI ¿Néna jarhuajpesïni Grupu enga Jarhuataajka Testiguechani engaksï uétarhinchajka Tratamientu ma? Ka kurhamarpi je:
¿Nénajtsïni uaa jarhuatani grupu GJT engachi uétarhinchaaka tratamientu ma o engachi operarinhaaka?
8. Biblieri jorhenguarhikua kúnguarhikua jingoni
(30 min.) bt kap. 4 párr. 9-12 ka rekuadru enga páj. 38 jimbo jaka.
