29 de juliu a 4 de agostu de 2024
SALMO 69
Pirekua 13 ka kómarhikua | Uandakuecha para ueenani (1 min.)
1. Salmo 69 tʼuini uandasïreendia máru ambe enga Jesúsi nitamakuarhipiringa
(10 min.)
Ísku jatinksï kurhunhispti Jesúsini (Sl 69:4; Jn 15:24, 25; w11-S 15/8 páj. 11 párr. 17).
Jesúsi mintsita jingoni uékasïreendi eskaksï kʼuiripuecha ísï kómarhipiringa Tata Diosï Jeobani eska na jindeeka (Sl 69:9; Jn 2:13-17; w10-S 15/12 páj. 8 párr. 7, 8).
Jiáni enga Jesúsi kánikua no sési pʼikuarhenhini japka, íntskusptiksï binu enga kʼameri jingoni jeuetakata japka (Sl 69:20, 21; Mt 27:34; Lu 22:44; Jn 19:34; g95-S 22/10 páj. 31 párr. 4; it-2 669).
ERATSENTA JE: ¿Andisï Tata Diosï Jeoba kararkuarhiapi máru profesiechani engaksï Mesíasiiri ambe uandajka Karakateecharhu engaksï Ebreu jimbo Karanhaka?
2. Jukaparhakua ambe
(10 min.)
-
Sl 69:30, 31. ¿Nénajtsïni jarhuatasïni i karakateecha parachi sánderu sési kómarhini Tata Diosïni? (w99-S 15/1 páj. 18 párr. 11).
-
¿Ambe jukaparhakua ambejtsï jorhenguarhiski Biblieri arhintskuarhu i semaneeri?
3. Biblieri arhintskua
(4 min.) Lu 14:1-14 (th jorhenguarhikua 2).
4. Tekaanta je: Ambe enga úpka Jesúsi
(7 min.) Para kúnguarhikua jingoni exeni. Jatsiku je BIDEUNI, ka exe je foietuni Xénchaa je kʼuiripuechani jorhenguarhikua 8 puntu 1, 2.
5. Tekaanta je: Májkueni ú je eska Jesúsi
(8 min.) Para kúnguarhikua jingoni exeni foietuni Xénchaa je kʼuiripuechani jorhenguarhikua 8 puntu 3-5 ka “Ístu arhinta je”.
Pirekua 134
6. Ambe enga kúnguarhikua uétarhinchajka
(5 min.)
7. Ambe engaksïni jarhuataaka sánderu tsitini familieri jorhenguarhikuani
(10 min.) Para kúnguarhikua jingoni exeni.
Eneruni 2009 uératini, uandanhaspti eska Biblieri jorhenguarhikua kúnguarhikua jingoni ka Jorhentperakua engajtsïni jorhendajka néna úni Tata Diosïri ánchikuarhitani ka ístu Tánguarhikua serbisiueri, iásïksï májku kʼéri úkuarhipiringia mismu jurhiatikua jimbo. I ambe jarhuataapirindi familiechani paraksï mándani semana jatsini familieri jorhenguarhikuani ia sea inchatiru o chúrikua. Uánikuechaksï agradesidu jarhasti jimbokaksï iásï sánderu sési míteskia Tata Diosï Jeobani ka ístuksï sánderu májku kʼéri jarhastia imeecheeri familia jingoni (Dt 6:6, 7).
Ari ambe kánikua jarhuataati imani enga familiani orhejtsïkujka paraksï iáminduecha tsitini familieri jorhenguarhikuani:
-
Jánguarhinta je méntkisï jatsini. Uanda je na jatintsï ka ambe jandorajtsï uaa jatsini familieri jorhenguarhikuani mándani semana ka enga ma repentkujtsï no úpiringa ima jurhiatikua jatsini, exe je ambejtsï úpirini úni.
-
Preparari je ambe engajtsï exeaka. Kurhamarhi je chaari uarhiitini ambejtsï úpirini exeni o jamberi chaari uájpeechani. No uétarhisïndi eskajtsï kánikua tiempu paaka parajtsï prepararikuarhini, sánderia enga chaari familia ima mismu ambe uéjka úni mándani semana.
-
Exe je ambe enga chaari familia uétarhinchajka. Uájpeechaksï sánhani arhisïndi máteru ambe uétarhinchani ka tsitini. Ambe engajtsï exeaka, jarhuataatiksïni parajtsï sánderu andarhierani Tata Diosï Jeobani.
-
Xénchperakua jingoni ú je ka eskaksï iáminduecha agustu pʼikuarheraaka. Jiáni enga sési jánhaskuarhiaka, uaakajtsï uérakua estudiariini. Ístu mintsikuarhi je sáni enga nema uékaska. Ka engajtsï exeska eska uétarhisïnga sési peentani ambe ma familiarhu, asï úra je indeni tiempuni para xukaani.
-
Ístu ú je máteru ambe. Pori ejemplu, uaakajtsï prepararikuarhini ma parti jingoni para tánguarhikua ma, o bideu ma exeni enga jw.org jimbo jaka, ka ístu exeni néna aianhpini. Nájkiruka familieri jorhenguarhikuarhu sánderu jukaparhakueka paraksï iáminduecha Biblieri tema ma exeni, ístujtsï uaaka arhutani sáni tiempu paraka mándani familiarhu anapu jandiajku jorhenguarhiaka Biblieri ambe.
Kurhamarpi je:
-
¿Ambejtsï úskia parajtsï ísï úni eskachi na exekia?
8. Biblieri jorhenguarhikua kúnguarhikua jingoni
(30 min.) bt kap. 13 párr. 8-16 ka rekuadru enga páj. 119 jimbo jaka.
