ANDISÏ JUKAPARHAKUE. Ísï eska na úkuarhijka uánikua ambe jingoni, redesi sosialichaksï uáti marhuani oksï peligrosueni. Máru kristianuechaksï mejori no úraasïndi, máteruechaksï úraasïndi para uandontskuarhini imeri familiaricha ka amiguecha jingoni. Peru Satanasi uékasïndi eskachi no sési úrauaka para no sési uandanhani juchari ambe ka nóteruchi Jeobaeri amiguenia. Peru Bibliaeri prinsipiuechajtsïni jarhuataati para ísï eska Jesusi, exeanchi peligruechani ka nochi no sési ambe úkuarhinchani (Lu 4:4, 8, 12).

PELIGRUECHA

• Jukari tiempu úrani. Jukari ióni jarhani redesi sosialicharhu ka Internetirhu, uáti eskachi imani tiempu tsïtaaka engachi úpiringa úrani para Jeobaeri ambe.

  Bibliaeri prinsipiuecha: (Ef 5:15, 16; Flp 1:10)

• No sési jásï ambe exeni. Imajenichani exeani engaksï probokatibueka, uáti úni eska nema pʼindeaka pornografia exeni o ísku jándikua ambe niátani. Arhintani apostatecheri informasioni o pájinecha Internetiri, uáti eskachi nóteru jakajkuakia Jeobani.

  Bibliaeri prinsipiuecha: (Mt 5:28; Flp 4:8)

• Komentariuechani karhataani o fotuechani engaksï no sési jaka. Juchari mintsitajtsïni enganiarisïndi, jimbosï nema úpirindi komentariuechani o fotuechani karhataani redesi sosialicharhu engaksï no sési jaka. Peru enga ísï úpiringa, no sési uandanhapirindi imeri ambe o chkerapirindi máteruecheri jakajkuani.

  Bibliaeri prinsipiuecha: (Ro 14:13; Ef 4:29)

ENGARI EXEAKIA BIDEUNI MÍMIXEKUA JINGONI ÚRAA REDESI SOSIALICHANI, EXE AMBERI UÁ PARARI NO ARINI AMBE ÚKUARHINCHANI: