Jeoba arhispti Jeremiasini eska aianguapiringa judiuechani eskaksï kʼamajkunhapiringa jimbokaksï mirikurhispka Jeobani (Jer 13:25). ¿Andiksïsï israelitecha niárapi mirikurhini Jeobani? Israelitechaksï nóteru jatsisptia pájperakua ma Jeoba jingoni. Familieri orhejtsïkutichaksï no úxapti ambe enga Jeoba arhiapka Deuteronomio 6:5-7 jimbo.

Familiecha engaksï uinhapiti jatsika imecheri pájperakua Jeobani jingoni, jarhuajpisïndiksï para kúnguarhikuajtu uinhapiti jarhani. Familieri orhejtsïkutichaksï uáti jarhuatani imeri familiani paraksï no mirikurhini Jeobani, méntkisï jatsiparini familieri jorhenguarhikua ma enga marhuakuauaka (Sl 22:27). Engajtsï exeakia bideuni Íksï uandakuecha jatsisti para chíti mintsitarhu jarhani: Entrebistecha para familiauecha, mókuanta je arini kurhamarhikuechani:

• ¿Nénaksï úski máru familiecha orhepani uérakuani ójkutakuechani para jatsini familieri jorhenguarhikua?

• ¿Náki kóntperatechanksï intsïnhaaski engaksï no jurajkuka familieri jorhenguarhikuani?

• ¿Náki ójkutakuechani jatsiski parani orhepani uérakuani parani úni jatsini familieri jorhenguarhikua?