JUKAPARHAKUA AMBE BIBLIAERI | MATEU 25
“Jingontku ja je”
Nájkiruka Jesusiri ilustrasioni 10 iurhitskiricheri, jindepka para imeri chúxapaticha engaksï erakukateka, ima ambe enga jorhentpipka marhuakuasïndi iámindu kristianuechani (w15-S 15/3 páj. 12-16). “Jingontku ja je jimbokajtsï no mítiska na jatini ka ambe jándusï jungua” (Mt 25:13, TDU). ¿Úpirintsï explikarini Jesusiri ilustrasionini?
-
Tembucha (nobiu) (b. 1): Jesusi.
-
Iurhitskiri jánhaskaticha o engaksï preparadu japka (b. 2): Kristianu erakukatecha engaksï preparadu jaka para kumplirini kʼamakʼamasï imecheri ánchikuarhitani ka engaksï meremerexejka komueska erajkutarakuecha asta kʼamarhukuni jamberi (Flp 2:15).
-
Uandanhaspti: “¡Tembucha janoxatiia!” (b. 6, TDU): Xarharapirindi eska Jesusi juramuxakaia auandarhu.
-
Iurhitskiri no jánhaskaticha (b. 8): Kristianu erakukatecha engaksï uérajka kúmani Nobiuni, peru engaksï no jingontku jarhajka ka jurajkunksï.
-
Iurhitskiri jánhaskatichaksï no uékasïndi intsïmpini aseiti (b. 9): Engaksï niáraakia míndakata jarhania, nóteru jauatia tiempu paraksï ambakiti erakukatecha jarhuataani imechani engaksï jurajkuaka Jesusini.
-
“Tembucha niántaspti” (b. 10): Jesusi janosïndi para juisiu ma íntspini jimajkani enga kʼamarani jámaakia grani tribulasioni.
-
Iurhitskiri jánhaskatichaksï inchasïndi nobiu jingoni tʼirekua boderirhu ka puerta míkuarhisïndi (b. 10): Jesusi tánantaasïndi auandarhu, imani erakukatechani engaksï no méni jurajkuka, peru imecha engaksï jurajkuka, tsïtasïndiksï kóntperatani para auandarhu nirani.
