KRISTIANUECHERI IREKUA
Jorhenguarhi je néna sánderu sési aianhpeni: Jorhenda je chári estudiantini prepararikuarhini
ANDISÏ JUKAPARHAKUE. Enga estudianti prepararikuarhiska, sánderu fásiliuati para kurhanguni ka miántani ambe engachi jorhendajka. Inde ambe uáti eska uékaaka sánderu sési marhuakuni Jeobani. Enga itsï atakuarhiakia, ístu uétarhinchaati prepararikuarhini para tánguarhikuecha ka para aianhpini, ísï úparini, uáti jingontku jarhani (Mt 25:13). Jimajkani, jorhenguarhini estudiarini ka pʼindeni estudiarini, para méntkisï marhuakuati. Desde uénakuarhu, jatsiskachi para jarhuauani juchari estudiantichani paraksï pʼindeni prepararikuarini para estudiu bíbliku.
NÉNA ÚNI
-
Ambakiti ejemplu máe je (Ro 2:21). Prepararikuarhi je mándani estudiu jimbo, estudiantini eratsiparini (km 11/15 páj. 3). Exera je chári publikasionini na enga markadu jaka.
-
Arhi je eska prepararikuarhiaka. Engajtsï uaxastaakia estudiu ma, arhi je eska preparasioni jindeska ma parti estudiueri ka explikariku je na enga xáni marhuakuaka. Arhistaku je néna uá arhutani tiempu para prepararikuarhini. Máru erachichaksï kuánetasïndi estudiantini imecheri publikasionini enga markadu jakaia engaksï estudiarini jauaka paraka exeaka na enga sánderu jarhuatajka ísï. Felisitari je enga prepararikuarhiska.
-
Jorhenda je prepararikuarhini. Máru aianhpirichaksï arhutasïndi primeru estudiu engaksï íntskuaka, para jorhendani estudiantini néna prepararini jorhenguarhikua ma.