1-7 de abrili
SALMOS 23-25
Pirekua 4 ka kómarhikua | Uandakuecha para ueenani (1 min.)
1. “Tata Diosï Jeoba jindeesti juchiiti karichi Eranguti”
(10 min.)
Tata Diosï Jeobajtsïni arhistachisïndi ambe úni (Sl 23:1-3; w11-S 1/5 páj. 31 párr. 3).
Tata Diosï Jeobajtsïni kuájchakusïndi (Sl 23:4; w11-S 1/5 páj. 31 párr. 4).
Tata Diosï Jeobajtsïni íntsaasïndi publikasioniichani enga ísïika enajkijtsïni tʼirerani jarhajki (Sl 23:5; w11-S 1/5 páj. 31 párr. 5).
Ísï eska karichi eranguti ma na jorhenaka kuidariuani karichiichani, Tata Diosï Jeobajtu májkueni sési kuidariuasïndi imeeri marhuariichani.
KURHAMARHIKUARHI JE: “¿Nénarini kuidarisïni Tata Diosï Jeoba?”.
2. Jukaparhakua ambe
(10 min.)
Sl 23:3. ¿Nákiiskiksï ima ‘xanharuecha [...] enga jurhimbikua jingoni úkuarhijka ambe ma’, ka ambejtsïni jarhuataa parachi no jurajkuani indeni xanharuechani? (w11-S 15/2 páj. 24 párr. 1-3).
¿Ambe jukaparhakua ambejtsï jorhenguarhiski Biblieri arhintskuarhu i semaneeri?
3. Biblieri arhintskua
(4 min.) Mt 26:1-19 (th jorhenguarhikua 5).
4. Ueena je uandontskuarheni
(3 min.) NANI UÉJKISÏ AIANHPINI. Arhikunta je ambakiti tekstu ma imani kʼuiripuni enga uandanhiani jaka juchaari planeta jimbo (lmd jorhenguarhikua 2 puntu 5).
5. Pʼorhembinta je
(4 min.) KʼUMANCHIKUECHARHU. Imani kʼuiripuni enga jiókuarhika foietuni ¡Méntkisï tsípikua jingoni ireka je!, exera je na engachi jorhentpijka Biblieri ambe (lmd jorhenguarhikua 9 puntu 3).
6. Jesúsiiri chúxapati uaani
Pirekua 54
7. Sïpakuarhikuasïngachi imeechani engachi no míchakuantajka
(15 min.) Para kúnguarhikua jingoni exeni.
Engaksï karichiicha míchakuntajka imani enga eranguajka, nirasïndiksï chúxapani joperuksï sïpakuarhikusïndi imani engaksï no míchakuntajka (Jn 10:5). Ka juchajtuchi solu Tata Diosï Jeobani ka Jesúsinkusï míchakuntajka. Indeechaksï ísïisti komueska karichi erangutiicha ka juchachi jindeeska indeecheeri karichiicha engajtsïni sési kuidarijka, ka juchachi jatsiska para mintsinharhiani (Sl 23:1; Jn 10:11). Joperu juchachi sïpakuarhikuasïnga imeechani engachi no míchakuantajka ka engajtsïni chkuanderakua ambe jingoni uéjka támisï páni parachi nóteru mintsikania Tata Diosïni (2Pe 2:1, 3).
Génesis kapitulu 3 jimbo uandantasïndi ambe enga úkuarhipka jiáni enga ueenapka kurhaakuarhini ima bosi engaksï kʼuiripuecha no méni kurhaani japka. Jiániispti enga Satanási Eba jingoni uandontskuarhepka ka ísï úspti enajki imeeri amigu jémbeepi, joperu no xarhatakuspti né enga meru jindeepka. Satanási chkuanderakua ambe arhispti Tata Diosï Jeobaeri ambe ka eska no uékasïreenga ambakiti ambe íntsaani, ka Eba jakajkukuspti. Tátsekua Ebani ka imeeri familiani kánikua no sési nikuspti.
Iásïjtu Satanási jánguarhintaxati parachi jucha ueenani eratseni sini ísïiski o nómbe ambe engajtsïni Tata Diosï Jeoba arhijka ka imeeri organisasioni. Úrasïndi notisia ambe, no iámindu ambe uandantasïndi o méntku no sáni pʼikuarhenhisïndi chkuanderani. Engachi ma repentku ueenaska ini jásï ambe kurhaani, jatsiskachi para jirejiresï kéndikuni. Nóchi jatsiska para jima pakarani kurhaani nomasi para míteni ambe uandanhaxaki, ísï úni kánikua peligrosuesti nájkirukachi ma ratujku kurhauaka indeni ambe. Satanási namunitu ambejkusï arhipti Ebani para enganiariini (Gé 3:1, 4, 5). Joperu iásï, enga japiringa nema engajtsïni xénchajka ka no uékani eskachi no sési ambe úkuarhinchaaka ka uékantsïni exerani inde jásï informasioni enga chkuanderakua ambe uandajka Jeobaeri organisasioniiri ambe, ¿ambechi uaa?
Jatsiku je BIDEUNI Sïpakuarhikua imeechani engari no míchakuantajka. Ka kurhamarpi je:
¿Ambe úspi Korali jiáni enga ambamba, enga no Testigueka, imani informasioni uékeenga exerani enga chkuanderakua ambe uandeenga Jeobaeri kúnguarhikueri ambe?
8. Biblieri jorhenguarhikua kúnguarhikua jingoni
(30 min.) bt kap. 8 párr. 1-4 ka rekuadru enga páj. 69, 70 jimbo jaka.
