KRISTIANUECHERI IREKUA
Jurhimbiti kristianuechaksï mítinhantasïndi uékperakua jimbo: Ju je no juchari ambe jimbojku pendienti páni ni sóntku no sési exeni ambe ma
ANDISÏ JUKAPARHAKUE. Jesusi uandaspti eskaksï jurhimbiti kristianuecha mítinhantapiringa uékperakua jimbo (Jn 13:34, 35). Parachi xarhatani ima jásï uékperakua enga Jesusi xarhatapka, jatsiskachi para uandanhiani máteruecha jimbo ka nochi sóntku no sési exeni ambe ma (1Ko 13:5).
NÉNA ÚNI
-
Orheta, ju je exeni nákiski problema ka ambe úkuarhia engachi no pʼíngukuarhiska enga nema uandaaka o úni ambe ma engajtsïni ikiataaka (Pr 19:11).
-
Miántani eska no nema perfektueska ka eskachi ménisï uandasïnga o úni ambe ma engachi jimbo tátsekua arrepentirikuarhijka.
-
Sóntku sési péntani ambe ma.
ENGAJTSÏ EXEAKIA BIDEUNI JU JE UÉKPERANI MÁTERU KA MÁTERUNI JINGONI: UÉKPERAKUA NO IMERI AMBE JIMBOJKU PENDIENTI PÁSÏNDI KA NI SÓNTKU NO SÉSI EXENI AMBE MA, EXEA JE ARINI KURHAMARHIKUECHANI:
-
¿Ambe úspi Danieli enga Tomási kurhamarhini japka ambe ma?
-
¿Ambe jarhuataspi Tomásini para no niárani arhirperata ambe jarhani?
-
¿Néna jarhuajpispi enga Tomási iatsitakuarhu mókuntapka?
¿Néna marhuakusïni kúnguarhikuani engachi no sóntku no sési exejka ambe ma?