ANDISÏ JUKAPARHAKUE. Jatsiskachi para jurhimbikua ambe jorhentpini imeri ambe enga Tata Diosï eratsitini jaka úni, ísï eska na úpka Jesusi (Jn 18:37). Ka nájkirukachi irekani jaka ini parhakpinirhu enga kánikua chkuandekua ambe jaka ka nani enga no jurhimbikua jingoni úkuarhijka ambe ma, jatsiskachi para tsípini jurhimbikua jimbo, méntkisï jurhimbitku uandani ka imani ambe eratsini enga jurhimbitiika (1Ko 13:6; Flp 4:8).

NÉNA ÚNI

• Jatsiskachi para jánguarhintani no kurhaani o uandantani chisme ambe (1Te 4:11).

• Nochi jatsiska para tsípini enga nema no sési ambe nitamakuarhiaka.

• Jatsiskachi para sési jásï ambe eratsini ka ambe enga marhuauaka.

ENGAJTSÏ EXEAKIA BIDEUNI JU JE UÉKPERANI MÁTERU KA MÁTERUNI JINGONI: UÉKPERAKUA NO TSÍPISÏNDI ENGA NEMA NO SÉSI ÚJKA SOLU ENGA NEMA JURHIMBITKU JÁMAJKA, EXEA JE ARHINI KURHAMARHIKUECHANI:

• ¿Andijtsïsï uandapirini eska Lisi tsípisïrenga enga nema no sési ambe uénga?

• ¿Ambe úspi Alisia para nóteru inderi ambe uandontskuarhinia ka sési jásï amberi uandontskuarhini?

• ¿Ambe ka amberichi úpirini uandontskuarhini enga marhuauaka?