KRISTIANUECHERI IREKUA
Asï ú je ini ambe engajtsï estudiu ma úni jauaka
Jukari uandani. Asï eratsi je eskajtsï cha jatsiska para eianguni iámindu ambe. Jesusi uásïrendi kurhamarhikuechani para kʼuiripu úni jánhaskani nákispi mókuntskua (Mt 17:24-27). Kurhamarhikuechaksï úsïndi eska estudianti no kuantantaaka ka eskajtsï mítiaka ambe jakajkusïni ka sini kurhangusïni informasionini (be-S páj. 253 párr. 3, 4). Engajtsï kurhamarhikua ma uáka, tekanta je ka erokuarhi je para chári estudiu mókuntani. Enga no mítiaka mókuntskuani, asï arhi je; sánderu sési, úkua je máteru kurhamarhikuechani para jarhuatani jánhaskani nákiski mókuntskua (be-S páj. 238 párr. 1, 2). Asï xáni sóntku uanda je níjtu xáni iatsitakuarhu, para estudianti úni kurhanguni ambe enga apenasi jorhenguarhini jaka (be-S páj. 230 párr. 4).
Úni eska úkua jukaaka kurhanguni. Asï iámindu ambe uéka je eianguni engajtsï xáni mítika temeri ambe (Jn 16:12). Imani ambejku arhi je enga jukaparhakueka párrafurhu (be-S páj. 226 párr. 4, 5). Uánikua ambe arhini, nájkiruka jukaparhakua ambeuaka, úsïndi eska nóteru kurhangukuarhiakia ambesï sánderu jukaparhakue (be-S páj. 235 párr. 3). Enga estudianti kurhangukia ambe enga jukaparhakueka, seguiri je exeni máteru párrafuni.
Imani informasionintku exeni enga jima jaka. Ambe engachi uéjka jindesti mintsitarhu niáratspeni, no solu arhintani (Lu 24:32). Úra je Tata Diosïri Karakateri uinhapikuani, úrapariani imani textuechani engaksï jukaparhakueka jorhenguarhikuarhu (2Ko 10:4; Eb 4:12; be-S páj. 144 párr. 1-3). Úraa je ilustrasionichani engaksï kurhangukuarhiaka (be-S páj. 245 párr. 2-4). Exe je ambe nitamanchaxaki mándani estudianti, ambe jakajkusïni ka ú je estudiuni seguni eska na uétarhinchaaka. Uákajtsï arini kurhamarhikuechani úkuani: “¿Nájtsï exesïni ambe engajtsï iásï jorhenguarhika? ¿Ambejtsïni jorhendasïni Jeobaeri ambe? ¿Nénaksïni uá marhuachini úni ambe enga arhijka i konseju?” (be-S páj. 238 párr. 3-5; páj. 259 párr. 1).