Iáminduechachi niárasïnga ménisï kómu pʼikuarherani. Kómu pʼikuarherani, no arhikuekasïndi eskachi nóteru mintsikasïngia Tata Diosï Jeobani. Imajtu ménisï niárasïndi kómu pʼikuarherani (Gé 6:​5, 6). ¿Peru ambechi uaa úni engachi jukari kómu pʼikuarherani jauaka o engachi méntkisï kómu pʼikuarherani jauaka?

Kómarhi je Tata Diosï Jeobani paraksïni jarhuatani. Ima uandanhiasïndi na engachi pʼikuarherajka. Ka sési mítesïndi engachi kómu pʼikuarherani jarhajka o engachi tsípini jarhajka. Ima kurhangusïndi andichisï ísï eratsejki o andichisï ísï pʼikuarherajki (Sl 7:9b). Peru ambe enga sánderu jukaparhakueka, jindeesti eskajtsïni Tata Diosï Jeoba uaaka jarhuatani engachi kómu pʼikuarherani jauaka o engachi depresioni kámaaka jimboka ima meru uandanhiasïnga juchantsïni jimbo (Sl 34:18).

Kuidari je chaari mentini. Engachi chkétakuarhitini pʼikuarherani jarhajka, inde ambe úsïndi eskachi kánikua kómu pʼikuarheraaka, peru ístu úpirindi úni eskachi nóteru sési pájperapiringia Tata Diosï Jeoba jingoni. Jimbosï xáni jukaparhakueti eskachi kuidariuaka juchaari mintsitani, enga arhikuekajka na engachi jásïika, o ambe engachi eratsejka ka ambe engachi pʼikuarherajka (Pr 4:23).

ENGAJTSÏ EXEAKIA BIDEUNI JUCHAARI ERACHICHAKSÏ PÍNANDIKUA JATSISTI NÁJKIRUKAKSÏ DEPRESIONI KÁMAJKA, MÓKUANTA JE ARINI KURHAMARHIKUECHANI:

• ¿Ambe ka ambe úski Nikki para úni orhepani uérani nájkiruka depresioni kámajka?

  Mókuntskua

• ¿Néna kuenta íntskukuarheski Nikki eska jatsispka para doktori jingoni nirani? (Mt 9:12).

  Mókuntskua

• ¿Ambe xáni úski Nikki paraka Tata Diosï Jeoba jarhuatapiringa?

  Mókuntskua