KRISTIANUECHEERI IREKUA
Orhejtsïkutiichaksï uinhamu ánchikuarhisïndi paraka Tata Diosï Jeobaeri ireta sési jauaka
Uánikua kʼuiripuechaksï no sési exeasïndi imeechani engaksï juramukua jatsika. ¿Andi? Jimbokaksï jarhaska máru engaksï úrajka imeeri juramukuani paraksï imeechajku sési uéranchani, nájkirukaksï no sési úkuauaka máteruechani (Miq 7:3). ¡Peru Tata Diosïiri iretarhu kánikua ménderueniisti! Tata Diosï Jeoba jorhendaasïndi orhejtsïkutiichani néna sési úrani juramukuani para jarhuataani máteruechani (Est 10:3; Mt 20:25, 26).
Orhejtsïkutiichaksï no ísïisti eska i parhakpini anapu kʼuiripuecha engaksï no sési úrajka imeeri juramukuani. Iámindu ambe engaksï orhejtsïkutiicha újka jindeesti jimbokaksï xénchasïnga Tata Diosï Jeobani ka erachiichani (Jn 21:16; 1Pe 5:1-3). Orhejtsïkutiichaksï ísï úsïndi ambe ma eska Jesúsi na arhistakuajka ka jarhuataasïndiksï iámindu erachiichani paraksï sési pʼikuarherani Tata Diosï Jeobaeri familiarhu ka paraksï no jarharini imani. Méntkisïksï jingontku jarhasïndi paraksï uinhaperaantani Tata Diosï Jeobaeri marhuariichani. Ka enga no sési ambe úkuarhijka oksï pʼamenchani jarhani, jimaksï jarhasïndi paraksï jarhuataani. Engajtsï jarhuajperata uétarhinchani jaka, uandontskuarhi je chaari kúnguarhikuarhu anapu orhejtsïkuti ma jingoni (Snt 5:14).
ENGAJTSÏ EXEAKIA BIDEUNI ORHEJTSÏKUTICHA ENGAKSÏ SÉSI KUIDARIUAJKA ERACHICHANI, MÓKUANTA JE ARINI KURHAMARHIKUECHANI:
-
¿Néna marhuakuspi Marianani orhejtsïkutiicheeri jarhuajperata?
-
¿Néna marhuakuspi Elíasini orhejtsïkutiicheeri jarhuajperata?
-
Ini bideuni exeparini, ¿nájtsï exesïni chá ambe engaksï orhejtsïkutiicha xáni újka?
