Uánikuechachi exeskia na enga no sáni jurhimbikua jingoni kámberanhajka ka na engaksï no sési kaajka ambakiti kʼuiripuechani. ¿Niáraa ma jurhiatikua enga kʼamakurhiaka i ambe? Biblia mókuntasïndi ini kurhamarhikuani ka ístu uandasïndi ambe engachi jatsika para úni.

Exe je na enga Salmo 37 mókuantajka arini kurhamarhikuechani engaksï xáni jukaparhakueka:

• ¿Ambechi jatsiski para úni engajtsïni nema no sési kámaaka? (Bersikuluecha 1 ka 2).

• ¿Ambeksï úkuarhinchaa no sési úriicha? (Bersikulu 10).

• ¿Nénaksï irekaa kaxumbitiicha sánderu orhepatini? (Bersikuluecha 11 ka 29).

• ¿Ambechi jatsiski para úni iásï? (Bersikulu 34).

Tata Diosïiri uandakuecha engaksï Salmo 37 jimbo jaka, sésiksï uandasïndi eska imeecha engaksï ʻmintsikajka Tata Diosï Jeobani ka engaksï no jurajkujka imeeri xanharuniʼ, ambakiti irekuaksï ma jatsiaka sánderu orhepatini. Jeobaeri testiguechaksïni tsípikua jingoni jarhuataati Biblieri ambe jorhenguarhini ka arhistachinksïni ambe engajtsï jatsika para úni chá ka chaari familia parajtsï úni ambakiti irekua ma jatsini sánderu orhepatini.