Enga no Tata Diosï kulpa jatsika, jiájkani ¿né kulpa jatsiski? ¿Andiksïsï xáni uánikua kʼuiripuecha jaki engaksï uarhini jaka jimbokaksï no jatsiska tʼirekua o andiksïsï xáni uánikua pobricha jaki? ¿Andiksïsï xáni uánikua guerrecha úkuarhijki, pʼamenchakuecha ka desastresi naturalicha? Tata Diosïri Karakata, Biblia, uandasïndi eska jarhaska tanimu ambe engaksï jimbo kʼuiripuecha kómu nitamakuarhijka:

1. No uandanhiani máteruecha jimbo, jukari uékani jatsikuarheni ka kurhunhperakua. “Kʼuiripu juramukusïndi máteru kʼuiripuni solu para no sési ambe úkuni” (Eclesiastés 8:9). Mémindu, kʼuiripuechaksï no sési kaasïndi máteruechani ka nóksï uandanhia imeechani jimbo.

2. Jima jarhani engachi no jatsipiringa para jarhani ka enga úkuarhijka ambe ma engachi no erokuarhini jarhajka. Biblia ístu uandasïndi eska uánikua kʼuiripu no sési nitamakuarhisïnga, “jimboka méntkisï úkuarhisïnga o jarhasïnga ambe ma enga ma no erokuarhijka” (Eclesiastés 9:11). I ambe arhikuekasïndi eskaksï aksidenticha úkuarhisïnga jimbokachi jima jarhasïnga ka ima jandora engachi no jatsipiringa para jarhani, o jimbokachi no eratseparini úsïnga ambe ma o jimbokachi no sési úsïnga.

3. Noambakitisï juramuni jati parhakpinirhu. Biblia sési uandasïndi né enga úni jaka eskaksï kʼuiripuecha kómu nitamakuarhiaka, uandasïndi: “Iámindu parhakpini anapuecha Noambakitiri juramukua jimbo jarhasti” (1 Juanu 5:19). Noambakiti, espiritu uinhapiti máesti enga ueenakuarhu ambakiti ánjeli máepka, peru enga no ‘jaiapanhentapka ambe enga ísïika’ (Juanu 8:44). Máteru ánjelichaksï imani jingoni úkuarhisti paraksï úni imani ambe engaksï imeecha uéjka ka ísïksï niárasti demoniu úkuarhini (Génesis 6:1-5). Desde jiáni uératini engaksï nóteru kurhajchapkia Tata Diosïni, Satanasi ka imeeri demoniuechaksï úxati eskaksï kʼuiripuecha kánikua no sési ambe uaaka ka iásïksï sánderu no sési jásï ambe úraaxatia. Noambakiti kánikua ikiaxati ka ‘kʼarhaaxati iámindu parhakpini anapuechani’, jimbosï Biblia uandajti: “Lastima chá engajtsï parhakpinirhu ka kʼéri japondarhu irekani jaka” (Jaŋaskuecha [Apocalipsis] 12:9, 12). Satanasi kánikua no sési útspisïndi, no sési kámpisïndi ka kánikua sési pʼikuarherasïndi enga exeajka kʼuiripuechani no sési nitamakuarhini jarhani. Imasï kulpa jatsiti engaksï kʼuiripuecha kómu nitamakuarhijka, no Tata Diosï.

ERATSENTA JE INI AMBE: Nema enga noambakika ka enga no pʼamojpijka, imajkusï úpirindi úni eskaksï kʼuiripuecha kómu nitamakuarhiaka. Perujtsïni Biblia arhisïndi eska Tata “Diosï jindeeska uékperakua” (1 Juanu 4:8). Ísï jimbo, nóchi jatsiska nisikiera para eratseni eska Tata Diosï enga jurhimbitiika úsïnga no sési jásï ambe o no jurhimbikua jingoni (Job 34:10).

Joperu jamberijtsï chá kurhamarhikuarhijka: “¿Káni kʼamajkua Tata Diosï no sési jásï ambe enga Satanasi úni jaka?” Ka sési jarhasti engajtsï ísï kurhamarhikuarhijka. Eskachi na exekia Tata Diosï kurhunhisïndi no sési jásï ambe ka no sési pʼikuarhenhisïndi enga exejka eskachi kómu nitamakuarhini jarhasïnga. Imeeri Karakatajtsïni arhisïndi eskachi aiangukuarhiaka ambe engajtsïni no sési pʼikuastajka, jimboka ima uandanhiasïnga juchantsïni jimbo (1 Pedru 5:7). Máteru jorhenguarhikua jimbochi exeaka ambe ka ambe jarhaski enga xarhatajka eskajtsïni Tata Diosï kánikua xénchasïnga ka eska jatsiska uinhapikua para kʼamajkuni kómu nitamakuani ka no sési kámberakua ambeni. *