Enga acheeti o uarhiiti ísku jándikua ambe niátajka
KʼUIRIPU MA niárasïndi kánikua no sési pʼikuarherani enga uámba o témba ísku jándikua ambe niátajka. Ísïsti, máruksï úsïndi puákuntani imeri acheetini o uarhiitini enga moantajka ka ménderuksï uénasïndi sési irentani. * Peru nájkiruka temungurhiri orhepani uéraaka o engaksï jurajperaaka, ima enga no kulpa jatsika méntkisï kánikua no sési pʼikuarherasïndi. ¿Ambe uá jarhuataani paraksï orhepani uérani engaksï no sési pʼikuarherani jauaka?
BIBLIAERI KARAKATECHA ENGAKSÏNI UÁKA JARHUATANI
Nájkiruka ima kʼuiripu kánikua no sési pʼikuarherani jarhajka enga uámba o témba enganiarijka, sési pʼikuarherantasïndi enga Bibliani arhintajka. Ísï úparini, kuenta íntskukuarhisïndi eska Tata Diosï exesïnga enga nema uerajka ka eska kurhangukusïnga na enga xáni no sési pʼikuarherajka (Malaquías 2:13-16).
“Engani uánikua uandanhiatechani jatsiapka, uinhaperantaspkarini ka sésirini pʼikuastantani” (Salmo 94:19).
Bill miásïndi: “Engani arhintenga ini karakatani, eranhaskasïrenga na engarini Jeoba uékperakua jingoni sési pʼikuastantani jarhaenga, ísï eska na úpiringa táti pʼamojpiti ma”.
“Imani engakini no méni jurajkujka, tʼujturi no méni jurajkusïnga” (Salmo 18:25).
Carmen enga acheeti jemba ióni enganiaripka, uandasïndi: “Juchiti acheetirini enganiarispti, peruni mítispka eska Jeoba méntkisï jíndeni jingoni japiringa ka eskarini no méni no sési pʼikuastapiringa”.
“Asï pendienti jatsi je ni ma ambe jimbo, sino Diosïni kómarhi je, ka kurhakuntsï ambe engajtsï uétarhinchajka [...], ka ísï Diosïri pínandikua enga no nema újka jánhaskani, kuájpiauati chári mintsitechani” (Filipusʌ 4:6, 7).
Sara uandasïndi: “Someni arhintaspka ini karakatani. Engani sánderu kómarhienga, sánderuni pʼikuarherasïrenga Tata Diosïri pínandikua”.
Iámindu i kʼuiripuecha engachi xáni uandaaka, ménisïksï eratsispti eskaksï nóteru úpiringia seguirini, peru Jeobanksï mintsikaspti, ka Biblia sési pʼikuastantaaspti. Bill arini ambe uandasïndi: “Jiáni enga ísï xarharenga enajki nóteru ambe ma japia, mintsikani Tata Diosïni, ústi eskani uékapiringa seguirini irekani. Nájkirukani ma tiempu ísï pʼikuarherapka enajkini terunhikua ísï jámani japi tsimani juátechani jimbo enga pápkʼandika, Tata Diosï jíndeni jingoni jarhaspti” (Salmo 23:4).
^ Engajtsï uékajka sánderu mítini íri ambe, exea je artikuluechani “Cuando el cónyuge es infiel” rebistarhu ¡Despertad! del 22 de abrili de 1999, páj. 3, 4, 5 al 8 ka 9 al 11.
Jamberijtsï ístu uéjka ini ambe míteni
AIANHPIRI
¿Tata Diosï kurhangutspisïni?
Biblia uandasïndi eska Tata Diosï sési míteska ambe engachi jimbo nitamakuarhini jarhajka, ambe engachi eratsejka ka ambe engachi pʼikuarherajka ka kurhanguchisïndijtsïni.
