Nájkirukaksïni máru kʼuiripuecha jamberi no sési pʼikuastaaka, jarhasti nema enga no méni ísï uáka. ¿Néski?

Rei Dabidi uandaspti: “Nájkirukarini juchiti táti o juchiti nándi jurajkuska, Jeobarini imani jingoni paati” (Salmo 27:10).

Jeoba jindesti “Táti enga pʼamojpijka ka Diosï enga uinhaperpintajka iámindu ambe jimbo. Ima jindesti engajtsïni uinhaperantajka para iámindu juchari miskuarhitechani jimbo” (2 Korintu 1:3, 4).

“Jurajkua je iámindu chári pendientichani imani jingoni, jimboka ima pendienti pásïnga chánksïni jimbo” (1 Pedru 5:7).

Uákajtsï sánderu jorhenguarhini eska Tata Diosï uandanhiasïnga parajtsï cha sési jarhani jorhenguarhikua 08 jimbo librueri Tsípikua jingoni ireka je, engaksï Jeobaeri testiguecha úka. Ístu jarhasti ixú www.pr418.com.