ERANHASKA je eskaksïni nema istoria ma aianguxaka nanakeri ma enga pireripka ka kánikua mítekateni, jamberijtsï kánikua tsitijka imeri pirekua ma. Aiangusïndiksïni eska ima sapichuetini kánikua tsitisïrenga pireni, jánguarhintasïrenga ka eska sánhani arhispka sánderu sési pireni. Tátsekua, máteru nani ísï nirasïrendia pireni, kʼuínchikuecharhu ísï ka niáraspti uápurisï mítekateni. Peruksïni tátsekua aiangusïndi eska niáraspka jatirini ka últimu uarhini.

I ambe meru ísï úkuarhispti peru ima nanaka uarhistia. Ka májkueni kʼamarhukupirindi maestru ma, doktori ma o máteru kʼuiripu enga mítekateka. Nájkiruka jiáni enga tsípiti japka uánikua ambe úpka, seguru eskachi kurhamarhikuarhipiringa, ambeteru úpirini enga no niárapiringa jatirini ni uarhini.

Xáni no sési engachi iáminduecha jatsiaka para indeni ambe nitamakuarhini (Eclesiastés 9:5). Na uéjkichi xáni jánguarhintani, no ma ambechi úsïnga úni parachi no jatirini ni uarhini. Ístuchi úpiringa uarhini engachi marepentku no sési ambe úkuarhinchapiringa o kʼéri pʼamenchakua ma jimbo. Eska na arhijka Biblia, ísïskachi komueska “xúmu enga ma ratitu xarharajka, ka tátsekua” nóteru jarhania (Santiagu 4:14).

Máru kʼuiripuechaksï eratsisïndi eska no nema mítiska ambe enga úkuarhiaka juchari tsípikua jingoni ka eska ískueska irekani, jimboksïsï uandajti: Ju je “tʼireni ka itsïmani, jimbokachi pauani uarhiaka” (1 Korintu 15:32). Peru ¿a no eska engaksï ísï uandajka, míteskaksï eskaksï niáraaka uarhini? Iáminduechachi niárasïnga kurhamarhikuarhini, andichisï irekani jaki, sánderia jiáni engachi no sési ambe nitamakuarhijka. ¿Nanichi uá exentani mókuntskua?

Uánikua kʼuiripuechaksï jirinhantasïndi mókuntskuani siensiarhu. Sientifikuecha ka doktorichaksï jánguarhintaxati úni eska kʼuiripu sánderu ióni irekaaka. Nájkiruka ísïka, jarhastiksï kurhamarhikuecha engaksï nótki mókukuarhintajka, komu andichisï niárajki jatirini ka uarhini ka sini niáraa ma jurhiani nóteru jarhania uarhikua. Máteru artikuluechaksï iri ambe uandaati ka mókuntaatiksï arini kurhamarhikuani: ¿ini ambe jimbojkuchisï kueraanha?