Ambe enga jurhimbitkueka ima amberi enga sánderu orhepani úkuarhiaka
¿Ménisïjtsï kurhamarhikuarhiski ambechi úkuarhinchaa sánderu orhepani? Bibliarhu arhisïndi eskachi no ióni jimbo uánikua ambe exeaka engajtsïni ísku pakataaka ka enga mójtakuaka juchari irekuani.
Jesusi uandaspti nénachi úpirini míteni eska Tata Diosïri Reinu “janoxamkia” (Lukasʌ 21:31). Aparte de máteru ambe, ístu uandaspti eska japiringa kʼérati guerrecha, kʼérati jenchekuecha, kʼarhingua ka kʼérati pʼamenchakuecha, meru ísï eskachi iásï na exeni jaka (Lukasʌ 21:10-17).
Ístu, Biblia uandasptia eskaksï “últimu jurhiatikuechani jimbo”, engaksï útasï parhakpini anapuecha juramuni japiringa, kʼuiripuecha sánderu no sési ambe úpiringa. Arhinta je indeni profesiani enga 2 Timoteo 3:1-5 jimbo jaka. ¿A no eskaksï kʼuiripuecha meru ísï jámasïnga ka úni eska inde profesia na uandajka?
¿Ambe arhikuekasïni iámindu i ambe? Eska no ióni jimbo, Tata Diosïri Reinu uánikua ambe uáka paraksï kʼuiripuecha sánderu sési irekani ixú Echerirhu (Lukasʌ 21:36). Bibliarhu, Tata Diosï aiatspisïndi eska ambakiti ambe uáka para Echeri ka para kʼuiripuecha. Ju je exeani máru ejempluechani.
AMBAKITI GOBIERNU MA
Jesusi “intsïnhasti juramukua, tʼíntskua, ka gobiernu ma parakaksï kʼuiripuecha iámindu iretecharhu anapuecha, nasionicha, ka mámaru jásï idioma uandaricha, iáminduechaksï imani marhuakupiringa. Imeri juramukua, juramukua máesti enga jindeka para méntkisï, enga no méni kʼamakurhiaka, ka imeri gobiernu no méni kʼamajkunhaati” (DANIEL 7:14).
Ambe arhikuekasïni. Eska Tata Diosï Reinu ma uaxastaska enga interu parhakpini juramuaka ka enga sánderu kʼéri ambeka eska na uéjki máteru juramukua ka eska Jesusi jindeska juramuti. Tsípikua jingonchi irekaaka para méntkisï enga Tata Diosïri Reinu juramuni jauakia.
NÓTERU MÉNI PʼAMENCHANIA
“No nema enga jima irekaaka, uandaati: ‘Pʼamenchaxaka’” (ISAÍAS 33:24).
Ambe arhikuekasïni. Eskachi uáka iámindu ambe úni jimbokachi nóteru méni pʼamenchakia. Uákachi ióni irekani ka nóchi uarhini.
PÍNANDIKUA INTERU PARHAKPINIRHU
“Úsïndi eskaksï guerrecha kʼamakurhiaka iámu parhakpinirhu” (SALMO 46:9).
Ambe arhikuekasïni. Eska méntkisï pínandikua jauaka ka eskachi nóteru méni kómu nitamakuarhiakia guerra jimbo.
ECHERIRHU, SOLU AMBAKITI KʼUIRIPUECHAKSÏ IREKAATI
“No sési úrichaksï nóteru jauatia, [...] peru echeri kaxumbiticheriuati” (SALMO 37:10, 11).
Ambe arhikuekasïni. Eskaksï no jauaka no sési úricha, solu kʼuiripuecha engaksï uékaaka Tata Diosïni kurhajchani.
IÁMU ECHERI PARAISU MÁEUATI
“Úauatiksï kʼumanchikuechani ka jimaksï irekaati; ka niáraatiksï ubasï jatsikuni ka akuatiksï frutani” (ISAÍAS 65:21, 22).
Ambe arhikuekasïni. Eska interu parhakpini sési jásï jardini máeuaka. Tata Diosï kumpliriuati ambe engachi kurhakujka: eska úkuarhiaka ambe enga ima uéjka “ixú parhakpinirhu” (Mateu 6:10).
