“Jaue ixú parhakpinirhu chíti juramukua”, máru uandakuecha engaksï uánikua kʼuiripuecha úraajka
¿Ménisïjtsï kómarhiskia eska janoaka ixú parhakpinirhu Tata Diosïri Reinu? Desde iónisïa, uánikua kʼuiripuechaksï ísï úsïndi. ¿Andi? Jimboka Jesusi arhiaspka imeri chúxapatichani eskaksï kurhajkuarhipiringa: “Jaue ixú parhakpinirhu chíti juramukua”.
Uénani jámani, Jesusiri chúxapatichaksï no kurhangusïrendi ambe enga ima xáni arhiani japka Reinueri ambe. Ma xanhariksï kurhamarhispti: “Tata, ¿tʼuri iásïtki íntsantaua juramukua Israeli anapuechani?”. Peru jamberi ísku pakataapti ambe enga Jesusi mókukuantapka (Ukuecha 1:6, 7). Jiájkani, ¿nóchi uá míteni ambeski Tata Diosïri Reinu ka na jatini uénaa juramuni Echerirhu? Jo, uákachi míteni.
I rebista mókuantaasïndi arini kurhamarhikuechani:
¿Andichisï uétarhinchajki Tata Diosïri Reinuni?
¿Né jindeski Rei, Tata Diosïri Reinurhu?
¿Na jatini uénaa juramuni Echerirhu?
¿Ambe uá Tata Diosïri Reinu kʼuiripuechani jimbo?
¿Andichisï jatsi para iásï uénani Tata Diosïri Reinu jingoni kuenta úkuarhini?
¿Ambeski Tata Diosïri Reinu?
Jamberijtsï ístu uéjka ini ambe míteni
JUKAPARHAKUA AMBE ENGA BIBLIA JORHENTPIJKA
¿Ambeski Tata Diosïri Reinu?
Enga Jesusi eianhpini jámapka, sánderu Tata Diosïri Reinueri ambe uandaspti ka eska máteru ambeeri. Imeri chúxapatichaksï iónisï kurhajkuarhistia eska juuaka inde Reinu.
