¿Ambejtsïni jorhendasïni profetecha Tata Diosïri ambe?
Ióntki, Tata Diosï úraaspti profetechani para jukaparhakua ambe aianguani kʼuiripuechani. Ambe enga Tata Diosï arhiapka profetechani, xarhatasïndi ambe engachi jatsika para úni parajtsïni ima újchakurani. Ju je exeni ambe engachi jorhenguarhijka ima amberi engaksï tanimu profetecha uandapka.
PROFETA ABRAANI
Tata Diosï no nema jingoni sánderu kuetsapisïndi ka uékasïndi iáminduechani újchakuraani.
Tata Diosï aiakuspti profeta Abraanini: “Iámindu echerirhu anapu familiauechaksï újchakuranhaati tʼunguini jimbo” (Génesis 12:3).
¿Ambechi jorhenguarhisïni? Eskajtsïni Tata Diosï kánikua xénchasïnga ka eska uékasïnga újchakuraani iámindu familiechani engaksï imani kurhajchajka (acheetichani, uarhiitichani ka sapiichani).
PROFETA MOISESI
Tata Diosï pʼamojpitisti ka újchakuraasïndi imechani engaksï jánguarhintajka sánderu sési míteni.
Ima enga iámu ambe újka úni, íntskuspti Moisesini uinhapikua para milagruechani uáni. Nájkiruka ísïpka, útasï Moisesi arhispti Tata Diosïni: “Jorhendaarini chíti xanharuechani parakakini uáka míteni ka ísïrini seguirini jarhani jaiapanhintani” (Éxodo 33:13). Tata Diosï kánikua jaiapanhintaspti ambe enga ima kurhakupka ka újchakuraspti úparini eska jánhastipiringa ka jarhuataspti paraka sési mítepiringa Tata Diosïni. Por ejemplu, Moisesi jorhenguarhispti eska juchari Kuerajpiri jindeska “Tata Diosï pʼamojpiti ma ka enga sési kámpijka” (Éxodo 34:6, 7).
¿Ambechi jorhenguarhisïni? Eskajtsïni Tata Diosï újchakuraaka iáminduechani (acheetichani, uarhiitichani ka sapiichani) engachi jánguarhintaaka para sánderu sési míteni imani. Imeri Karakata jimbojtsïni arhisïndi nénachi jatsiski para marhuakuni ka eskajtsïni uékaxakaia újchakurani.
PROFETA JESUSI
Jesusi pʼamojpitispti ka ambakerpintaspti iámindu jásï pʼamenchakua jimbo.
Tata Diosïjtsïni újchakuraati para méntkisï engachi jorhenguarhiska ambe enga Jesusi úka ka jorhentpini ixú echerirhu.
Tata Diosïri Karakatajtsïni uánikua ambe aiangusïndi Jesusiri ambe ka ambe enga jorhentpipka. Tata Diosï íntskuspti uinhapikua Jesusini para milagruechani uáni, komu ambakerantaani sieguechani, imechani engaksï no uénga kurhaani ka imechani engaksï no uénga xanharani. Asta tsítantaaspti máru uarhirichani. Ini ambe úparini, Jesusi xarhataspti ambe enga Tata Diosï uáka juchantsïni jimbo sánderu orhepani. Jesusijtsïni jorhendasti ambe engachi uáka úni parachi jatsiani ini kóntperatechani: “I jindesti tsípikua para méntkisï, eskaksïni mítiaka tʼun[guini] engari tʼujku jindeka Diosï engari sési jimboeka, ka ístu Jesukristuni engari tʼu axaka” (Juanu 17:3).
Jesusi pʼamojpitispti, sési kámpisïrendi ka xénchpeni. Acheeticha, uarhiiticha, uátsïcha, tumbiicha ka sapiichaksï jiókuarhispti úni ambe enga ima xénchperakua jingoni arhiapka: “Jorhenguarhi je na engani ji újka engani kaxumbitika ka no teparakuarhini juchiti mintsitarhu, ka ísïksï mintsikuastanhaati chári almecha” (Mateu 11:29). Jiánisï anapu acheetichaksï no sési kaasïrendi uarhiitichani, peru Jesusi méntkisï sési kaaspti ka janhanharhikua jingoni.
¿Ambechi jorhenguarhisïni? Eska Jesusi kánikua xénchasïrenga kʼuiripuni ka ambakiti ejemplujtsïni ma exerasti na engachi jatsika para kámberani iáminduecha.
JESUSI NO TATA DIOSÏSTI
Tata Diosïri Karakata jorhentpesïndi eska “solu máechakua Diosï” jarhaska ka eska tata Jesukristu jindespka imeri uandakua pári (1 Korintu 8:6). Jesusi uandaspti eska Tata Diosï sánderu kʼéri ambeska eska ima ka eska Tata Diosï axaspka Echerirhu (Juanu 11:41, 42; 14:28). *
^ párr. 17 Engajtsï uéjka sánderu míteni tata Jesukristueri ambe, exe je parti 8 ka 9 foietueri La fe verdadera, la puerta a una vida feliz, enga pájinarhu www.pr418.com jimbo jaka.
