Tata Diosï aiakuspti profeta Abraanini eska imeri máechakua desendienti jimbo, újchakuraapiringa iámindu echerirhu anapu iretechani (Génesis 22:18). ¿Néspi ima desendienti?

Sáno dosi mili uéxurhini nitamastia enga Tata Diosï uinhapikua íntskupka Jesusini para milagruechani uáni. Ima milagruechaksï xarhataspti eska Jeoba, Jesusini úrapiringa para újchakuraani iámindu iretechani ísï eska na aiakupka Abraanini (Galasia 3:14).

Ima milagruecha enga Jesusi uápka, úspti eskaksï kʼuiripuecha mítepiringa eska Jesusi jindespka ima profeta enga Tata Diosï erakupka para újchakuraani kʼuiripuechani. Ístuksï xarhataspti na enga Tata Diosï úraaka Jesusini sánderu orhepani parajtsïni újchakurani para méntkisï. Ju je exeni na engaksï ima milagruecha xarhatapka na enga jásïka Jesusi.

Xénchpesïrendi ka ambakerantaaspti pʼamenchatichani.

Ma xanhari, kʼuiripu ma enga lepra pʼamenchani japka kómarhispti Jesusini eska, enga uékapiringa, ambakerantapiringa. Jesusi pʼarhispti ka arhispti: “Uékasïnga”. Ka acheeti sóntku ambakintaspti (Markusʌ 1:40-42).

Intsïmpitispti ka tʼireraaspti kʼuiripuechani.

Jesusi no uékasïrendi eskaksï kʼuiripuecha kʼarhimani japiringa. No ma xanharijku, tʼireraaspti uánikua kʼuiripuechani milagru ma jimbo, úparini eska namunitu kurhinda ka máru kuruchechaksï uánikua úkuarhintapiringa (Mateu 14:17-21; 15:32-38). Iáminduechaksï sési tʼirespti ka útasï kánikua tʼirekua pakaraspti.

Pʼamojpisïrendi ka tsítantaaspti uarhirichani.

Enga Jesusi exepka eska uarhiiti tsïndi ma uarhiranchaspka imeri máechakua uájpani enga kánguarhienga ka eska nóteru nemani jatsispkia né enga kuidaripiringa ini uarhiitini, Jesusi “lastima úspti [o mintsita jingoni pʼamojkuspti]” ka tsítantaspti uájpani (Lukasʌ 7:12-15).