Tata Diosï újchakuraasïndi imechani engaksï kurhajchajka
Profeta Moisesi uandaspti eskajtsïni Tata Diosï újchakuraaka engachi úska ambe engajtsïni ima juramuchijka (Deuteronomio 10:13; 11:27). Kurhajchasïngachi Tata Diosïni no jimbokachi chésïnga eskajtsïni kastigariuaka. Tata Diosï máesti enga sési jásï ambe xarhatatspijka jimbochisï xénchajka. Ka kurhajchasïngachi jimbokachi xénchasïnga ka nóchi uékasïnga úni ambe ma enga no sési pʼikuastaaka. “Jimboka para Diosïni uékani, jindeska eskachi uáka eska imajtsïni na juramuchijka” (1 Juanu 5:3).
Peru, ¿náki kóntperatechanchi jatsiasïni engachi kurhajchajka Tata Diosïni?
1. KURHAJCHANI TATA DIOSÏNI ÚSÏNDI ESKACHI JÁNHASTIUAKA
“Ji, Jeoba, chíti Tata Diosïska, Ima engakini jorhendajka parari sési jarhani, Ima engakini arhini jaka nani engari ísï xanharaaka” (ISAÍAS 48:17).
Jeoba, juchari Kuerajpirijtsïni sési mítesti ka íntskusïndijtsïni jarhuajperata engachi uétarhinchajka. Engachi uéjka eskajtsïni imeri konsejuecha jarhuataaka ambakiti ambe erakuni úni, jatsiskachi para Bibliarhu exeni ambe uékasïni Tata Diosï eskachi uáka ka ísïchi úni.
2. KURHAJCHANI TATA DIOSÏNI ÚSÏNDI ESKACHI TSÍPIKUA JINGONI IREKAAKA
“Sánderuksï tsípisïndi imecha engaksï kurhandijka Diosïri uandakuani ka únksï eska na arhijka” (LUKASɅ 11:28).
Ini jurhiatikuecha jimbo, uánikua kʼuiripu tsípikua jingoni irekasïndi jimboka úsïnga ambe enga Tata Diosïri Karakata uandajka. Ju je exeni ejemplu ma: España anapu acheeti ma enga sóntku ikiauenga, no sési kaasïrendi máteruechani asta imeri témbani. Ma jurhiani, arhintaspti ambe enga profeta Moisesi karapka na enga jásïpka Jose, enga Jakobu uájpepka. Atarantasptiksï Joseni para jántspirini ka ísku jatinksï ónhaspti kárselirhu. Nájkiruka indeni ambe nitamakuarhini japka, ima kʼuiripu máespti enga no ikiauenga, sési pʼikuatspisïrendi ka pʼamojpini (Génesis, kapitulu 37 a 45). España anapu acheeti uandasïndi: “Eratsentani Joseri ejempluni, ústi eskani jánguarhintapiringa sési kámpini, ambakiti ambe úni máteruecha jimbo ka pʼíngukuarhini. Ísï jimbo, iásï tsípikua jingoni irekasïnguia juchiti familia jingoni”.
Tata Diosïri Karakatarhu, exeantasïngachi máteru konsejuechani engajtsïni arhijka néna kaani máteruechani. Ju je sánderu míteni íri ambe máteru jorhenguarhikuarhu.
