MÁJKUENI KAA JE IÁMINDUECHANI
1 | Májkueni kaa je iáminduechani
Biblia uandasïndi:
‘Tata Diosï no nani kʼuetsapesïndi, sino jaiapanheantasïndi nákinterku ma nasioni anapu kʼuiripuni enga janhanharhijka imani, ka sési úniʼ (UKUECHA [HECHOS] 10:34, 35).
¿Ambe arhikuekasïni?
Tata Diosï Jeoba * nójtsïni jusgarisïndi seguni nani engachi anapueuaka, na engachi jásï raseuaka, kolorini o juchaari pʼindekuechani jimbo. Sánderu sési, imani ambe exesïndi enga sánderu jukaparhakueka, ambe engachi eratsejka ka ambe engachi pʼikuarherajka. Biblia uandasïndi: “Kʼuiripu imani ambejkusï exejti ambe enga imeeri éskuecha exejka, peru Tata Diosï Jeoba mintsitanisï exejti” (1 Samuel 16:7).
Uaakajtsï ini ambe úni:
Nájkirukachi no uaaka míteni ambe engaksï kʼuiripuecha eratsejka, uaakachi májkueni kaani ísï eska Tata Diosï Jeoba. Jánguarhintsï je míteni mándani kʼuiripuni enbesi dejtsï eratseni eskaksï iáminduecha májkueni jásïiska. Engajtsï kuenta íntskukuarheska eskajtsï no sési exeasïnga máru kʼuiripuechani imeecheri rasa jimbo, o jimbokaksï máteru nanisï anapueska, kurhaku je Tata Diosï Jeobani eskaksïni jarhuataka parajtsï no ísï pʼikuarherani ni ísï eratseni (Salmo 139:23, 24). Mintsika je eska imaksïni jarhuataaka ísï úni (1 Pedru 3:12).
^ Tata Diosï arhinhasïndi Jeoba (Salmo 83:18).
“No méni sési pájperaxapka kʼuiripu ma jingoni enga urapitipiringa [...]. Iásï kʼóruni kuenta úkuarhisïrengia familia ma jingoni enga interu parhakpinirhu anapueka” (TITUS).
Jamberijtsï ístu uéjka ini ambe míteni
¡TSÍNHARHI!
¿Chájtujtsï menusi újpisïnia?
¿Náki jindeski máru ambe enga xarhatajka eska menusi újperanhasïnga?
