¿Andiksïsï kʼuiripuecha xáni kurhunhpijki?
Parhakpinirhu, kʼuiripuechaksï mámaru ambe jimbo kurhunhperanhasïndi. ¿Andi? Parachi úni míteni, jatsiskachi para kurhanguni ambe arhikuekasïni kurhunhpini, andiksïsï kʼuiripuecha kurhunhpijki ka andisï iápurisï kurhunhperanhajki.
¿Ambe arhikuekasïni kurhunhpini?
Kurhunhini nemani o uánikua kʼuiripuechani, arhikuekasïndi mintsita jingoni ikiakuani ka no ma ratujku ikiakuni jarhani.
¿ANDIKSÏSÏ KʼUIRIPUECHA KURHUNHPIJKI?
Kʼuiripuechaksï niárasïndi kurhunhpini mámaru ambe jimbo. Úpirindi jindeeni jimbokaksï máteru nanisï anapueska o máteru jásï raseni, nájkirukaksï no ma ambe no sési uaaka. Jamberiksï ísï exeajti enajkiksï no ambarhati kʼuiripue, no sési úrinksï o eratsenksï eskaksïni no méni uaaka mójtakurhini. Oksï menusi uaani, o eratsenksï eska imeechani jimbo uánikua problemecha jarhaska. Ka ístu uánikuechaksï kurhunhpisïndi jimbokaksï no sési kánhaska o no jurhimbikua jingoni, o jimbokaksï no sési jásï ambe nitamakuarhispka.
¿ANDISÏ IÁPURISÏ KURHUNHPERANHAJKI?
Ménichani, kʼuiripuechaksï niárasïndi kurhunhiani máteruechani nájkirukaksï no míteauaka. Pori ejemplu, máru kʼuiripuechaksï úpirindi no sési ambe eratseni máteruecheri jimbokaksï imeecheri familiaricha o amiguecha ísï exeasïnga. Ka inde ambe úsïndi eska iápurisï kʼuiripuecha kurhunhpiaka.
Míteni ini ambe jarhuatasïndijtsïni kurhanguni andiksïsï kʼuiripuecha kurhunhpijki. Joperu paraka nóteru kurhunhperanhaakia, uétarhisïndi míteni na enga ueenakuarhika ka Biblia uandantasïndi indeni ambe.
BIBLIA UANDASÏNDI ANDIKSÏSÏ KʼUIRIPUECHA KURHUNHPIJKI
NÓKSÏ KʼUIRIPUECHA UEENASPTI KURHUNHPINI. Satanasi o Noambakiti ánjeli ma enga no kurhajchapka Tata Diosïni, ima ueenaspti kurhunhpini. Ka ísï niáraspti uándikpiti úkuarhini. Jimboka ima jindeeska “ma chkuanderari ka taati jémba chkuanderaricheri”, úsïndi eskaksï kʼuiripuecha kurhunhpiaka ka eskaksï atajpini jámaaka (Juanu 8:44; 1 Juanu 3:11, 12). Biblia jorhentpisïndi eska Noambakiti no sáni pʼamojpisïnga, eska kánikua no sési jámasïnga ka eska kánikua ikiaxaka (Job 2:7; Jaŋaskuecha [Apocalipsis] 12:9, 12, 17).
JIMBOKACHI KʼUIRIPUECHA IMPERFEKTUESKA, ÍSÏ JIMBOCHISÏ KURHUNHPIJKA. Adáni enga jindeepka orheta acheeti, májkueni úspti eska Satanasi ka indeni ambe jimbo iámindu kʼuiripuechachi pekadoriska ka imperfektueni (Roma 5:12). Ka Adániri orheta uájpa, Kaíni, kurhunhisïreendi imeeri ermanu jémba Abelini ka uándikuspti (1 Juanu 3:12). Ísïisti, iámindu kʼuiripuechachi xénchpesïnga ka pʼamojpini, peru jimbokachi kérikuarhiska pekaduni, inde ambe úsïndi eskachi sáno iámindu kʼuiripuechachi jandiajku pendienti pákuarhiaka, enbidia pʼikuarheraaka ka eskachi kʼéramakuarhiaka. Iámindu i ambe úsïndi eskachi kʼuiripuecha kurhunhpiaka (2 Timoteo 3:1-5).
NO JAIAPANHEANTANI MÁTERU KʼUIRIPUECHANI ÚSÏNDI ESKACHI KURHUNHPIAKA. Engaksï kʼuiripuecha no sáni pʼamojpijka ka no sési kámpinksï, úsïndi eska sánderu kurhunhperakua jauaka. Ka jimboka parhakpini “Noambakitiri juramukua jimbo jarhaska”, pauani pauani kʼuiripuechaksï no sési kámberasïndi, no sési arhijperani, menusi újpini ka no sési ambeksï niátani (1 Juanu 5:19).
Peru Biblia no solujtsïni arhisïndi andiksïsï kʼuiripuecha kurhunhpijki, sino ístujtsïni arhisïndi ambe uaa eskaksï kʼuiripuecha nóteru kurhunhpiakia.
