1, 2. a) ¿Ambe xarhatasïni eska kʼuiripu jánguarhintasïnga libertadi jatsini? b) Peru ¿ambe niárasïni úkuarhini?

IÁSÏ, kánikua uandanhasïndi libertadiri ambe ka eskachi iáminduecha májkueni járhati derechu jatsiaska. Uápurisï, kʼuiripu uékasïndi libreeni para nóteru no sési kánhania, para nóteru menusi únhania o pobreeni. Máteruksï uékasïndi libreeni paraksï uandani ambe engaksï eratsijka, úni ambe engaksï sánderu sési exejka ka irekani néna engaksï uékaaka. Iáminduechaksï uékasïndi libertadi.

² Para konseguirini, marchechaksï únhasïndi ka asta uarhiperanhasïndi. Peru enbesi de konseguirini ambe enga uékanhajka, masi úsïndi sufririnhani ka asta uarhinhani. Ka i ambe xarhatasïndi eska ísïska ambe enga rei Salomoni karapka: “Kʼuiripu juramukusïndi máteru kʼuiripuni solu para no sési ambe úkuni” (Ecl. 8:9).

3. ¿Ambechi uá úni parachi agustu irekani ka meruchi felisiini?

³ Disipulu Santiagu uandaspti ambe engamindu uétarhijka para agustu irekani ka felisi. Uandaspti eska kʼuiripu felisi ma imaeska enga “sési eratsinta[j]ka indeni ambakiti jorhenguani  enga pʼímutantpijka, ka méntku jauenani patsani” (Sant. 1:25). Jeobasï íntspiti indeni ambakiti jorhenguani ka ima sánderu sési mítisti ambe engachi uétarhinchajka parachi agustu irekani ka meruchi felisiini. Íntskuspti Adani ka Ebani ambe engaksï xáni uétarhinchenga paraksï felisiini ka ístu jurajkuaspti paraksï meru libreeni.

4. ¿Na jásï libertadiksï jatsispi Adani ka Eba? (Exe je dibujuni enga uénakuarhu jaka).

⁴ Génesis kapitulu 1 ka 2 arhisïndi eska Paraisurhu no jarhaspka pobresa, ni ambe ma engaksï jimbo úpiringa chéni o no sési kánhani. Adani ka Eba imani jásï libertadiksï jatsispti enga iásï kʼuiripu no újka jatsini. Nóksï jatsispti para uandanhiani tʼirekua jimbo, ánchikuarhita, pʼamenchakua ni uarhikua jimbo (Gén. 1:27-29; 2:8, 9, 15). Jiájkani, ¿arhikuekasïni i ambe eskaksï Adani ka Eba kʼamakʼamasï librespka? Ju je exeni.

5. Nájkiruka kʼuiripu no ísï eratsijka, ¿ambe uétarhisïni para libreeni?

⁵ Jarhastiksï máru engaksï eratsijka eska meru libreeni, arhikuekasïnga úni ambe enga xáni uékaaka no arhiparini ambe uéjki úkuarhini. Uandanhasïndi eska libreeni, arhikuekasïnga jorhenani erakuni ambe ma ka ísï úni. Peru ensiklopedia ma arhisïndi eska engachi legalmente exeska ini ambe “kʼuiripu libresïndi engaksï máteruecha jatsikukuajka límite engaksï uétarhijka ka engaksï sési jaka” (The World Book Encyclopedia). I ambe arhikuekasïndi eskaksï uétarhisïnga límitecha para kʼuiripu úni libreeni. Peru né jatsiski para uandani náki límitechaksï uétarhisïni ka nákiksï sési jarhaski.

6. a) ¿Andisï Jeobajku kʼamakʼamasï libree? b) ¿Na jásïchi libertadi jatsiski kʼuiripuecha ka andi?

⁶ Ambe ma enga jukaparhakueka eskachi no méni mirikurhiaka, jindesti eska Jeobajkusï kʼamakʼamasï libreka. Ka i ambe ísïsti jimboka ima Kueraaska iámu ambe, ima sánderu uinhapitisti ka Juramutiini iámu amberi (1 Tim. 1:17; Jaŋ. 4:11). Rei Dabidi sési járhati uandakuechani úraaspti para xarhatani eska Jeobajkusï sánderu kʼéri ambeka (arhinta je 1 Crónicas 29:11, 12). Peru iámindu ánjilicha engaksï auandarhu jaka ka ístu iámindu kʼuiripuecha ixú Echerirhu, nochi kʼamakʼamasï libreska. Ju je miáni eska Jeobajkusï jatsika derechu para uaxastaani límitechani enga exejka eskaksï uétarhisïnga ka eskaksï sési jarhaska. Ka indeni ambesï úpti desdeka kueraaka iámu ambe.

7. ¿Náki límitechaksï normaliski para jucha engajtsïni jarhuatajka sési pʼikuarherani?

⁷ Nájkirukaksï uénani jámani Adani ka Eba kánikua libertadi jatsipka, Jeoba jatsikukuaspti máru límitechani. Para imecha, máruksï normalispti. Por ejemplu, paraksï no uarhini, jatsisptiksï para jirejtani, tʼireni, kʼuíni ka máteru ambe. Peruksï no eratsisïrendi eska i ambe úsïrenga eskaksï nóteru xáni librepiringuia, jimboka Jeoba asegurarikuarhispka eskaksï agustu japiringa asta engaksï ini ambe úpiringa (Sal. 104:14, 15; Ecl. 3:12, 13). Iáminduechachi sési pʼikuarherasïnga tarhiata limpiu jirejtani, tʼireni imani ambe jingoni engachi sánderu anhenchajka ka agustu kʼuíni. Nochi ísï pʼikuarherasïnga enajki ini ambe úni karga máe. Sinochi sési pʼikuarherasïnga engachi ísï újka ka seguru eskaksï Adani ka Eba májkueni pʼikuarherenga.

8. ¿Náki juramukua íntskuspi Jeoba Adani ka Ebani ka andi?

⁸ Jeoba juramukuspti Adani ka Ebani eskaksï uinirapiringa Echerini ka kuidarinksï (Gén. 1:28). ¿Úspi i juramukua eskaksï nóteru xáni librepiringuia? Nómbe.  Ini ambe jingoni, Tata Diosï íntsaaspti sésikua iáminduechani paraksï jarhuajpini paraisu ma úni Echerini nani engaksï iáminduecha irekapiringa para méntkisï (Is. 45:18). Iásï, ima engaksï eratsijka no tembuchani o uambuchani o no kaani sapiichani, nóksï no kurhajchani jarhasïndi Jeobaeri juramukuani. Peruksï uánikua tembuchasïndi ka uambuchani ka kaani sapiichani nájkirukaksï mítika eskaksï jatsiauaka problemechani (1 Kor. 7:36-38, Táta Diósïri Uandakua Tata Jesukristueri Aiatsperakua). ¿Andiksïsï ísï újki? Jimbokaksï erokuarhisïnga agustu irekani ka felisi (Sal. 127:3). Eskachi na exejka, Adani ka Ebaksï úpirindi méntkisï sési irekani temungurhirini ka uájpecha jingoni.

9. ¿Andisï uétarhijki ka andisï no no sési jaki Tata Diosïri juramukua enga Génesis 2:17 jaka?

⁹ Jeoba íntskuspti máteru juramukua Adani ka Ebani, ka ini uelta mátirku arhiaspti ambe engaksï úkuarhinchapiringa engaksï no kumpliripiringa: “Anhatapu mímixekueri enga jindeka sési amberi ka no sési amberi, nori jámaaka arhani, jimboka ima jurhiatikua engari auaka, uarhiakari” (Gén. 2:17). ¿Juramukua máespi enga no uétarhienga o enga no sési japka? ¿Úspi i juramukua eskaksï nóteru xáni librepiringuia? Nómbe. Asta máru engaksï Bibliaeri ambe exejka, uandasïndiksï eska ambakiti juramukua máespka. Por ejemplu, ma uandasïndi eskajtsïni Génesis 2:16, 17 jorhendasïnga eska “solu Tata Diosï mítiska ambe enga sésiika [...] para kʼuiripuecha ka ambe enga no sésiika [...] para imecha. Paraksï úni marhuatani ambe enga ‘sésiika’, jatsistiksï para mintsikani Tata Diosïni ka kurhajchani. Engaksï no ísï úska, jatsiatiksï para erakuni ambe sésiski [...] ka ambe nómbe”. Ka i, ambe máesti enga kʼuiripu no méni uáka úni.

10. ¿Andisï no májkueni libreeni para erakuni ambe úni ka eska jatsini derechu para uandani ambe sésiski ka ambe no sésiski?

¹⁰ Uánikua kʼuiripu eratsisïndi eska ima juramukua enga Tata Diosï íntskupka Adanini, no jurajkusïrenga eska úpiringa ambe enga uékapiringa. Peru no ísïsti. No májkuenisti libreeni para erakuni ambe úni ka eska jatsini derechu para uandani ambe sésiski ka ambe no sésiski. Adani ka Ebaksï librespti para erakuni sinksï kurhajchapirini Jeobani o nómbe. Peru Jeobajkusï jatsiti derechu para uandani ambe sésiski ka ambe no sésiski. I ambesï arhikuekendi “anhatapu mímixekueri enga jindeka sési amberi ka no sési amberi” enga jardini de Edenirhu japka (Gén. 2:9). Jatsiskachi para miáni eskachi no méntkisï mítisïnga ambe úkuarhia imani ambe jimbo engachi erakuaka úni, nichi uá seguru jarhani eskajtsïni méntkisï marhuachiaka. Ménisï, kʼuiripu erakusïndi ambe ma úni erokuarhiparini eska ambakiti ambe úkuarhiaka, peru uánikua uelta masi úsïndi no sési ambe úkuarhini o sufririnhani (Prov. 14:12). Ka i ambe ísï úkuarhisïndi jimbokachi jatsiaska límitechani. Imani juramukua jingoni enga Jeoba Adani ka Ebani íntskupka, jorhendaaxapti eskaksï jatsispka para kurhajchani paraksï meru libreeni. Peru ¿ambeksï erakuspi úni?

11, 12. ¿Andisï no sési ambe úkuarhipi imani ambe jimbo engaksï Adani ka Eba erakupka úni? Jatsiku je ejemplu ma.

¹¹ Adani ka Ebaksï erakuspti no kurhajchani Jeobani. Eba erakuspti Satanasini kurhajchani enga ima arhipka: “Uákajtsï kánikua ambe mítini, ka ísïuakajtsï eska Tata Diosï, mítiakajtsï  ambe sésiski ka ambe no sésiski” (Gén. 3:5). Peru ¿úspiksï Adani ka Eba sánderu libreeni? Nómbe. Ka nájkirukaksï kurhajchapka Satanasini, no úkuarhispti ambe enga ima eiakuapka. Sóntkuksï kuenta íntskukuarhispti eska no kurhajchani Tata Diosïni ka úni ambe engaksï uékapka, úpiringa eskaksï kánikua no sési nitamakuarhepiringa (Gén. 3:16-19). ¿Andi? Jimboka Jeoba no íntskuska sésikua kʼuiripuni para jandiajku erakuni ambe sésiski ka ambe no sésiski (arhinta je Proverbios 20:24; Jeremías 10:23).

¹² Ju je abioniri pilotueri ma ejemplu exeni. Para sési niárani jima enga nirani jaka, jatsisti para sáno méntkisï imani xanharuni úrani enga aprobadu jaka. Ka ístu, uáti imani erramientechani úraani engaksï jarhuatajka kárani ka imecha jingoni uandontskuarhini engaksï echerirhu uératini jarhuatani jarhajka. Peru enga no jiókuarhipiringa ini jarhuajperatani ka náki uéjki ma xanharu jimbo nirani, úpirindi kánikua no sési ambe úkuarhini. Ka Adani ka Ebaksï sáno májkueni jásï ambesï úpti. Nóksï jiókuarhispti Jeobaeri jarhuajperatani ka ísï jimbosï niárati jarhani pekadu ka uarhikua para imecha ka uájpecha (Rom. 5:12). Nóteruksï meru libresptia jimbokaksï uékasïrenga ísï irekani eskaksï ima na uékenga.

13, 14. ¿Nénachi uá meru libreeni?

¹³ Uánikua kʼuiripu eratsisïndi eska para sánderu sési nikuni, jatsiska para sánderu libreeni. Peru no ísïsti, jimboka jatsini libertadi no ma límite jingoni, xáni peligrosueska eska kuchiiu ma enga kánikua atajka. Ísïsti eskajtsïni kánikua marhuachisïnga jatsini libertadi, peru ¿nénaepirini parhakpini enga no ma límite japiringa? Ensiklopedia engachi párrafu 5 jimbo úraka, arhisïndi eska mándani gobiernu jatsiaska uánikua leichani engaksï difisilika para kurhanguani jimbokaksï máru jatsisïnga para libertadi íntspeni ka máruksï límite jatsikutspiani. Ka i ambe kánikua úkua jukasti. Ju je eratsiani xáni uáni leichani engaksï kʼuiripuecha uáka ka na engaksï xáni uáni abogaduecha ka juesicha uétarhijka para explikarini ambe arhikuekasïni mándani lei ka úni eska kumplirikuarhiaka.

 ¹⁴ Tata Jesukristu explikarispti nénachi uá meru libreeni. Uandaspti: “Engajtsï cha méntku jauenaska úni eskaksïni ji na arhijka, sési jimbo cha jindeuaka juchiti jorhenguarhiticha. Ka mítiakajtsï indeni ambe enga sési jimboeka, ka inde enga sési jimboeka, uáti eska cha nóteru jindeaka jántspiricha” (Juanu 8:31, 32). Parachi úni ambe enga i konseju uandajka, tsimani ambe uétarhisïndi. Primeru, jiókuarhini ambe enga ima jorhentpika. Ka segundu, imeri disipulu úkuarhini. Engachi ísï úska, meruchi libreuaka. ¿Andi? Jesusi seguirispti uandani: “Iámindu ima enga pekadu újka, jindes[ti] pekadueri jántspiri” ka ístu uandaspti: “Engaksïni Diosïri Uájpa euajpintaaka, jimajkani kʼóru sési jimbo nóterujtsï jántspiriuaka” (Juanu 8:34, 36).

15. ¿Andijtsïnisï uá jarhuatani parachi ‘nóteru jántspirinia’ ima libertadi enga Jesusi eiatspika?

¹⁵ Ísïsti eska ima libertadi enga Jesusi eiakuapka imeri disipuluechani, no májkueni jásïska eska ima libertadi engaksï iásï uánikuecha uéjka jatsini. Enga ima uandapka “engaksïni Diosïri Uájpa euajpintaaka, jimajkani kʼóru sési jimbo nóterujtsï jántspiriuaka”, arhikuekaxapti eska kʼuiripu nóteru jántspiripiringuia pekadueri, enga xáni sufriritarpejka. Pekadujtsïni no solu no sési ambe úrasïndi, sino ístujtsïni no jurajkusïndi imani ambe úni engachi mítika eska sési jarhaska o úni ambe engachi xáni úpiringa. Ini ambe jimbochisï pekadueri jántspiriika. Ka i ambe úsïndi eskachi sufririuaka, eskachi jatsiauaka uandanhiatechani ka eskachi uarhiaka (Rom. 6:23). Apostuli Pablu mítispti ambe arhikuekasïni i jásï ma jántspiriini (arhinta je Roma 7:21-25). Astachi jiáni uákia ima jásï libertadi jatsini engaksï Adani ka Eba tsïtaka, engachi nóteru pekadoricheuakia.

16. ¿Ambechi uá úni parachi ‘nóteru jántspirinia’?

¹⁶ Enga Jesusi uandapka eskachi úpiringa ambe enga ima uandapka, arhikuekaxapti eskachi jatsiska para kumplirini máru ambe parajtsïni ima úni euajpintani. Kristianuechachi nóteru úsïnguia ambe engachi jucha uéjka ka jiókuarhiasïngachi imani límitechani enga Jesusi íntsaajka imeri chúxapatichani (Mat. 16:24). Ísï eska na aiatspika, meruchi libreuaka sánderu orhepani engachi pʼiuauakia kóntperatechani imeri uarhikua jimbo.

17. a) ¿Ambejtsïni jarhuata parachi agustu irekani ka propositu ma jingoni? b) ¿Ambechi exea máteru artikulurhu?

¹⁷ Úni ambe enga Jesusi jorhentpipka, uáti eskachi agustu irekaaka ka propositu ma jingoni. Ka i ambe uáti eskachi nóteru méni jántspiriuakia pekadueri ka uarhikueri (arhinta je Roma 8:1, 2, 20, 21). Máteru artikulurhuchi exeaka nénachi uá sési úrani ini libertadini engachi iásï jatsika para kʼéri ambe arhini méntkisï Jeobani, imani Tata Diosïni enga újka eskachi meru libreuaka.