1. ¿Ambe úspi Jeoba para uinhaperantaani ka erokuarhikua ma íntsaani Adani ka Ebaeri desendientichani?

JEOBA, Tata Diosï máesti enga uinhaperpentajka. Ka ísï ústia desdeka kʼuiripu uénaka pekarini ka imperfektu úkuarhini. Engaksï Adani ka Eba no kurhandirapka Jardini de Edenirhu, Jeoba seguirispti profesia ma íntspini enga uinhaperantaapiringa ka erokuarhikua ma íntsaani Adaniri desendientichani jiáni enga kurhangunhapiringa. I profesia Génesis 3:15 jarhasti ka eiatspesïndi eska tiempu jingoni, Satanasi ka imeri no sési járhati úkuechaksï kʼamajkunhaaka (1 Juanu 3:8; Jaŋ. 12:9).

2. ¿Néna uinhaperantaspi Jeoba Noeni?

² Noe jiáni irekaspti enga kʼuiripu no marhuakuenga Jeobani, Noe ka imeri familiajkuksïsï marhuakuendi. Enga exepka eska iápurisï uinintaspka atajperakua ambe ka ísku jándikua ambe, úpirindi deprimirikuarhini (Gén. 6:4, 5, 11; Jud. 6). Peru Jeoba íntskuspti balori para seguirini marhuakuni (Gén. 6:9). Eianguspti  eska kʼamajkuapiringa no sési úrichani ka arhispti ambe enga jatsipka para úni para imeri familia no uarhini (Gén. 6:13-18). Ima ambe kánikua uinhaperantapti Noeni.

3. ¿Néna uinhaperantaspi Jeoba Josueni? (Exe je dibujuni enga uénakuarhu jaka).

³ Máru uéxurhini tátsekua, Josue ánchikuarhita ma intsïnhaspti para úni eskaksï israelitecha inchapiringa Echerirhu engaksï Aiaminhapka. Para ísï úni, jatsispti para andaani kʼérati ejersituechani engaksï imani territoriurhu japka. Jeoba mítispti eska Josue uánikua rasonichani jatsiaspka para chéni pʼikuarherani. Jimbosï Moisesini axapti para arhini eska no chépiringa. Arhispti: “Josueni enkargari ka uinhaperanta, jimboka ima jindeska enga orhekupaaka ini iretani para parhikuni ka imasï jindeti enga uáka eskaksï pʼiuaka ini echerini enga tʼu exeaka” (Deut. 3:28). Ka Jeoba mísmu uinhaperantaspti Josueni ini uandakuecha jingoni: “¿Nókini juramuchiski ji? Uinhapikuarhintsï ka asï chketakuarhi. Asï uandanhia ni chérakuarhini, jimboka chíti Tata Diosï Jeoba tʼungini jingoni jarhaska nani uéjki engari niuaka” (Jos. 1:1, 9).

4, 5. a) ¿Ambe arhispi Jeoba imeri iretani ióntki para uinhaperantani? b) ¿Néna uinhaperantaspi Jeoba imeri Uájpani?

⁴ Ístu, Jeoba uinhaperantaaspti imeri marhuarichani komu grupu. Por ejemplu, mítispti eska imeri ireta judiu uétarhinchapiringa eska uinhaperanhantapiringa enga Babilonia pánhapiringa, jimbosï arhipti: “Asï ché, jimbokani ji tʼungini jingoni jarhaska. Asï uápurisï eraa, jimbokani ji chíti Tata Diosïska. Jíkini uinhaperantaaka. Jo, jíkini jarhuataaka. Jíkini meru jupikatini jatsiaka juchiti jájki jurhijkandani jimbo, enga jurhimbikuerika” (Is. 41:10). Ka májkueni uinhaperantaaspti primeru kristianuechani ka iásïjtu májkueni úsïndi juchantsïni jingoni (arhinta je 2 Korintu 1:3, 4).

⁵ Jeoba ístu uinhaperantaspti imeri Uájpa Jesusini. Enga ima itsï atakuarhipka, kurhaspti uandakua ma auandarhu enga uandenga: “I jindesti juchiti Uátsï engani ji xáni uékajka ka engani jimbo xáni tsípikuarhijka” (Mat. 3:17). Seguru eskaksï i uandakuecha uinhaperantenga jiáni enga eianhpini jámani jarhenga.

6. ¿Ambejtsïni animarisïni úni talentuecheri ilustrasioni?

⁶ Jesusi májkueni úspti eska imeri Táti. Ju je exeni ejemplu ma. Imani ilustrasionirhu enga talentuecheri ambe uandapka, animariuaspti imeri disipuluechani paraksï méntkisï sési marhuakuni Jeobani. Ini uandantskuarhu, patroni sési pʼikuastaspti mándani ambakiti jántspirini arini uandakuecha jingoni: “Sési jarhasti, ambakiti jántspiriskari ka mintsinharhikuendi. Tʼuri mintsinharhikueska para sánisï ambe jimbo, jimajkani jikini íntskuaka juramukua para uánikua ambe jimbo. Ju tsípini jíndini jingoni engani chíti patroniika” (Mat. 25:21, 23).

7. ¿Néna uinhaperantaasïreni Jesusi imeri apostulichani ka sánderumindu Pedruni?

⁷ Jesusi méntkisï uinhaperantaasïrendi imeri apostulichani, nájkirukaksï ménisï imani ambe uénga enga no sési pʼikuastenga. Por ejemplu, méntkuksï arhirperani jarhasïrendi, jimbokaksï uékasïrenga mítini né sánderu importantespi, peru Jesusi tekantskua jingoni arhiaspti eskaksï kaxumbitipiringa ka eskaksï marhuakuapiringa máteruechani enbesi de juramukuani (Luk. 22:24-26). Pedru uánikua uelta no sési pʼikuastaspti Jesusini (Mat. 16:21-23; 26:31-35, 75). Peru Jesusi no méni támu péraspti, sánderu sési, uinhaperantaspti ka asta enkargarispti eska uinhaperantaapiringa imeri ermanuechani (Juanu 21:16).

8. ¿Ambe arhiaspi Esekiasi ejersituecheri jefechani ka Judani para uinhaperantaani?

⁸ Ante de Jesusi jurhani Echerirhu ka ambakiti ejemplu ma íntspini, Jeobaeri marhuarichaksï tʼuini kurhangusïrendia na enga xáni jukaparhakuepka uinhaperantaani máteruechani. Ju je exeni ambe enga úpka rei Esekiasi. Engaksï asiriuecha uékenga kʼamajkuni Judani, Esekiasi tántaaspti ejersituecheri jefechani ka iretani ka uinhaperantaaspti máru uandakuecha jingoni (arhinta je 2 Crónicas 32:6-8).

9. ¿Ambejtsïni jorhendasïni Jobu uinhaperantskueri ambe?

⁹ Iásï ju je Jobueri ambe uandania. Ima deprimidu jarhaspti ka uétarhinchaxapti eska uinhaperanhantapiringa, peru ima engaksï nípka jarhuatani, imani ambeksï arhispti enga sánderu kómu pʼikuastapka, jimbosï masi úpti Jobu jorhendaani nénasï uétarhijki uinhaperpentani. Arhiaspti eska enga ima jarhuataani jámapiringa, imani ambe arhiapiringa enga uinhaperantaapiringa ka sési pʼikuastantaani (Job 16:1-5). Tátsekuaksï Eliu ka Jeoba uinhaperantasptia Jobuni (Job 33:24, 25; 36:1, 11; 42:7, 10).

10, 11. a) ¿Andisï Jefte uájpa uétarhincheni eska uinhaperanhantapiringa? b) ¿Ístuksï né uétarhinchasïni iásï eskachi felisitariuauaka ka uinhaperantaani?

¹⁰ Máteru nema enga uétarhinchapka eska uinhaperanhantapiringa, jindespti Jefteri uájpa. I juesi, ammonitecha jingoni uarhipepirindi. Eiakuspti Jeobani eska enga jarhuatapiringa andaani, tabernakulurhu axapiringa marhuani imani enga orheta uérapiringa erontani imechio enga kʼuanhatsintapiringuia, ka ima enga orheta uérapka, jindespti imeri máechakitku uájpa uátsï. Jefte kánikua kómu pʼikuarheraspti, peru kumplirispti ambe enga uandapka ka axaspti imeri uájpani Siló para tabernakulurhu marhuani para méntkisï (Juec. 11:30-35).

¹¹ Jefte úkua jukanchaspti ísï úni ka seguru eska imeri uájpa sánderia. Peru ima kumplirispti ambe enga tátemba eiatspipka (Juec. 11:36, 37). I ambe arhikuekasïrendi eska no méni uambuchapiringa ni sapi kaani ka eska familiaeri erensia jima kʼamakurhipiringa. Jo, uétarhinchasïrendi eska kánikua uinhaperanhantapiringa ka jarhuatanhani. Biblia arhisïndi: “Niáraspti pʼindekua ma úkuarhini Israeli: Mándani uéxurhini, Israeli anapu uátsïchaksï nirasïrendi uinhaperantani Jefteri uájpa nanakani enga galaaditepka, tʼámu jurhiatikua mándani uéxurhini” (Juec. 11:39, 40). Iásï, ístu uétarhisïndi felisitariuani ka uinhaperantaani imani kristianuechani engaksï no tembuchatini jaka o uambuchatini ka ánchikuarhinksï jarhani “Diosïri ambe jimbo” (1 Kor. 7:32-35).

12, 13. ¿Néna uinhaperantaaspi Pedru imeri ermanuechani?

¹² Ima chúri ante de Jesusi uarhini, arhispti apostuli Pedruni: “Simoni, Simoni, exe Satanasiksïni kurhajkuarhixati paraksïni ísï sarhaskuni komueska triguni, peru jíkini kómarhijpichiska tʼungini para eskarini no kuerataaka mintsikani, ka engari tʼu moantaakia, uinhaperaanta chíti ermanutichani” (Luk. 22:31, 32).

¹³ Pedru niáraspti orhejtsïkuni primeru siglurhu anapu kúnguarhikuani (Gal. 2:9). Kánikua uinhaperantaaspti imeri ermanuechani imani balori jimbo enga Pentekostesirhu xarhatapka ka tátsekisï. Enga ióni páni japkia marhuani, karakuaspti ka arhiaspti: “Ini karakatani jimboksïni arhistachesïnga [o “uinhaperantani”, TNM] ka eiangunksïni eska i kóntperata engajtsï jimbo uinhamu anhaxurhitini jaka, sési jimbo  Diosïriska” (1 Ped. 5:12). Pedrueri kartechaksï iónisï uinhaperantaastia kristianuechani. Ka iásïjtuchi uétarhinchasïnga eskachi uinhaperanhantaaka engachi jamberi erokuarhini jaka eskaksï Jeobaeri eiatsperakuecha kumplirikuarhiaka (2 Ped. 3:13).

14, 15. ¿Andiksïsï iónisï uinhaperantaia kristianuechani ima libruecha enga apostuli Juanu karaapka?

¹⁴ Máteru nema enga orhejtsïkupka primeru siglurhu anapu kúnguarhikuani, jindespti apostuli Juanu. Ambe enga karaka Jesusiri aianhpikueri ambe, iónisï uinhaperantaastia kristianuechani ka iásïjtujtsïni uinhaperantasïndi. Por ejemplu, imeri ebanjeliurhujkusï karakata jati eska Jesusi uandaspka eskaksï imeri marhuaricha, uékperakua jimbo mítikuarhintapiringa (arhinta je Juanu 13:34, 35).

¹⁵ Imeri tanimu kartechaksï uánikua máteru jorhentperakuechani jukaasti engaksï jukaparhakueka. Por ejemplu, engachi kánikua no sési pʼikuarherani jarhajka juchari pekaduecha jimbo, ¿no ísïski eskajtsïni sési pʼikuastantasïnga arhintani eskajtsïni Jesusiri iurhiri pʼikurhiantasïnga “iámindu pekaduechani”? (1 Juanu 1:7). Ka enga juchari mintsita újka eskachi méntku kulpabli pʼikuarherani jauaka, ¿no ísïski eskajtsïni sési pʼikuastantasïnga arhintani eska “Diosï sánderu kʼéris[ka] ka eska juchari mintsita”? (1 Juanu 3:20). Juanujkusï karapti eska “Diosï jindeska uékperakua” (1 Juanu 4:8, 16). Ka segunda ka tersera kartarhu, felisitariuasïndi kristianuechani engaksï no jurajkujka jurhimbikuani (2 Juanu 4; 3 Juanu 3, 4).

16, 17. ¿Néna uinhaperantaaspi apostuli Pablu primeru kristianuechani?

¹⁶ Apostuli enga sánderu ambe úpka para uinhaperantaani imeri ermanuechani, jamberi Pabluepti. Ísï no ióni jimbo enga Jesusi uarhipka, sáno iámindu apostulichaksï Jerusaleni pakaraspti, jima enga kuerpu gobernanti japka (Uku. 8:14; 15:2). Juda anapu kristianuechaksï eianguasïrendi  Kristueri ambe imechani engaksï judiuecheri jorhentperakua jimbo jakajkuenguia eska májkusï Tata Diosï japka. Peru espiritu santu úspti eska apostuli Pablu nipiringa grieguechani ka romanuechani eianguani engaksï uánikua diosïchani kómarhiauenga (Gal. 2:7-9; 1 Tim. 2:7).

¹⁷ Pablu iámu jimesï jámaspti enga iásï ísï mítikatekia komu Turquía ka ístu Grecia ka Italia ísï ka uáspti kúnguarhikuechani kʼuiripuecheri engaksï no judiuepka. Ima jimbanhi kristianuechaksï uétarhinchasïrendi eskaksï uinhaperanhantapiringa jimbokaksï imecheri mísmu iretarhu anapuecha no sési kaasïrenga (1 Tes. 2:14). Uéxurhini 50 jimbo ísï, Pablu karta ma karakuspti jimbanhi kúnguarhikua Tesalonika anapuni ka arhiaspti imeri erachichani: “Jucha méntkisï diosmeiamukua arhisïnga Diosïni iámindu chánksïni jimbo. Ka méntkisï engachi kómarhijka, miántasïngaksïni kómarhijpichini, jimbokachi presenti pásïnga Diosï juchari Tátini japarini, na engajtsï xáni sési ánchikuarhini jaka Diosïni mintsikaparini, ka ístu sési marhuakuntsï jarhani Diosïni” (1 Tes. 1:2, 3). Ka ístu arini juramukua íntsaaspti: “Mintsita jatsikpera je, ka uinhaperperantani máteru ka máteruni jingoni” (1 Tes. 5:11).

18. ¿Néna uinhaperantaspi kuerpu gobernanti Felipini?

¹⁸ Primeru siglurhu, Jeoba kuerpu gobernantini úraspti para iámindu kristianuechani uinhaperantaani, asta imechani engaksï kúnguarhikuechani orhejtsïkuauenga. Enga Felipi Kristueri ambe eianguapka Samaria anapuechani, kuerpu gobernanti kánikua apoiarispti. Asta tsimani kuerpu gobernantirhu anapuechani axaspti, Pedruni ka Juanuni, paraksï kurhakuni Jeobani eska íntsaapiringa imeri espiritu santu, jimbanhi kristianuechani (Uku. 8:5, 14-17). Seguru eska i ambe kánikua uinhaperantapka Felipini ka imechani engaksï apenasi kristianu úkuarhipka.

19. ¿Nénaksï pʼikuarheraspi primeru kristianuecha kuerpu gobernantiri karta jimbo?

¹⁹ Ísï tátsekua, kurhamarhisptiksï kuerpu gobernantini sinksï ima engaksï no judiuepka, jatsispiksï para sirkunsidarikurhini ísï eska Moisesiri lei na juramukuauenga judiuechani (Uku. 15:1, 2). Kuerpu gobernantirhu anapuechaksï kurhakuspti Jeobani imeri espiritu santu, exesptiksï ambeksï arhisïreni Karakatecha inderi ambe ka tátsekuaksï uandaspti eska nóteru uétarhisïrenguia sirkunsidarikurhini. Jiájkani, paraksï explikarini ambe engaksï eratsipkia, kartaksï ma karaspti ka erachichani jimboksï axaaspti kúnguarhikuecharhu. Engaksï kristianuecha arhintapka, “kánikuaksï tsípintaspti engaksï ísï uinhaperanhantapka” (Uku. 15:27-32).

20. a) ¿Néna uinhaperantaasïni interu parhakpini anapu erachichani Grupu enga Orhejtsïkuajka iámindu kúnguarhikuechani? b) ¿Ambechi exea máteru artikulurhu?

²⁰ Iásï, Grupu enga Orhejtsïkuajka iámindu kúnguarhikuechani Jeobaeri Testiguecheri, uinhaperantasïndi familia Betelini ka erachichani engaksï tiempu kompletueri marhuani jaka ka ístu interu parhakpini anapu erachichani. Ísï eska primeru siglurhu, iáminduechachi sési pʼikuarherasïnga engajtsïni uinhaperantajka. Ístu, Grupu enga Orhejtsïkuajka iámindu kúnguarhikuechani, 2015 petasti foietuni Jehová desea que vuelva para animarini interu parhakpini anapu kʼuiripuni eska kʼuanhatsintaaka jurhimbikuarhu. Peru ¿imajkuksïsï jatsi para uinhaperantaani máteruechani engaksï orhejtsïkuni jaka ini ánchikuarhitani? Ini ambechi máteru artikulurhu exeaka.