JIMBOKACHI ini “últimu jurhiatikuechani” jimbo sánhani arhixaka sánderu problemechani jatsiani, Jeobaeri marhuarichachi jatsiska parachi kánikua tekaantani eska no méni (2 Tim. 3:1-5). Parhakpini anapuechaksï solu imajkumindu uékakuarhisïndi, nóksï nani máru uékasïndi jeiapanhintani ambakiti ambe ka nóksï úsïndi pʼíngukuarhini. I járhati kʼuiripuecha no sánksï tekaantasïndi. Ísï jimbo, iámindu kristianuechachi jatsiska para kurhamarhikuarhini: “¿Jíjtuni májkueni no sáni tekaantstiski eska parhakpini anapuecha? ¿Ambe arhikuekasïni tekaantstiini? ¿Ka néna uá úni parani ini xáni sési jásï kualidadini méntkisï xarhatani juchiti irekuarhu?”.

Bibliarhu, tekaantstiini no solu arhikuekasïndi ísku pakarani imani ambe jimbo enga kánikua úkua jukaaka. Arhikuekasïndi aguantarini eratsiparini eska jarhaska erokuarhikua. Engachi tekaantstijka, nochi solu eratsini jarhasïnga imani ambe engachi jucha uétarhinchajka, sino ístu máteruecheri, asta imeri engajtsïni no sési kámaka. Nochi uékasïnga jurajkuni sési pájperakuani ima kʼuiripu jingoni ka erokuarhisïngachi eskachi sési pájperantaaka. Ísï jimbo, nójtsïni ísku pakatasïndi enga Biblia uandajka eska tekaantskua uékperakuarhu uératini jurhasïnga (1 Kor. 13:4). * Ístu partisti imani kualidadicheri enga espiritu santu úrpijka (Gal. 5:22, 23). Peru, ¿ambechi uétarhinchasïni parachi tekaantstiini?

Para úni tekaantstiini, jatsiskachi para Jeobani kurhakuni eskajtsïni jarhuataaka imeri espiritu jingoni, enga ima íntsaajka imechani engaksï imani mintsikajka (Luk. 11:13). Peru nájkiruka imeri espiritu kánikua uinhapitiika, jatsiskachi para juchari parti jimbo jánguarhintani ka ísï úni eskachi na kurhajkuarhijka (Sal. 86:10, 11). O sea, jatsiskachi para jánguarhintani pauani pauani tekaantani paraka i kualidadi juchari mintsitarhu jauaka. Aparti, jamberichi jatsiaka para sánderu ambe úni parachi méntkisï xarhatani tekantskua juchari irekuarhu. ¿Ambe arhikuekasïni?

Uákachi tekaantstiini engachi exeska Jesusiri ambakiti ejempluni ka májkuenchi úni. Enga apostuli Pablu uandapka para mójtakukuarhini, enga ístu arhikuekajka para tekaantstiini, arhiaspti kristianuechani: “Jurajku je eska Kristueri pínandikua juramuaka chári mintsitecharhu” (Kol. 3:10, 12, 15, TNM). Paraka inde pínandikua “juramuaka” juchari mintsitecharhu, jatsiskachi para májkueni mintsikani eska Jesusi, eska Tata Diosï exerixakaia na enga jatini sési péntaaka ambe ma engajtsïni uandanhiatajka. Engachi májkueni úska eska Kristu, no ma ambe uáti úni eskachi no tekaantaka, ambe uéjki úkuarhini jarhani (Juanu 14:27; 16:33).

Nájkirukachi uékani jakaia eska niáraaka jimbanhi parhakpini engajtsïni Tata Diosï aiachika, jorhenguarhisïngachi sánderu tekaantstiini engachi eratsintajka na engajtsïni xáni tekaachintajka ima. Tata Diosïri Karakatajtsïni asegurarichisïndi: “[Jeoba] no ióndaati kumplirini eska na aiakuarhika, ka no eskaksï  na uandajka máru kʼuiripuecha eska ima ióndaxaka, sino ima tekantskua jukasti para juchantsïni jingoni, jimboka no uékasïnga eska nema tsïnchiaka sino eska iáminduecha andajkuarhiaka moantani” (2 Ped. 3:9). ¿A no eska eratsintani na enga xáni tekaantstika Jeoba, úsïndi eskachi sánderu tekaantstiuaka máteruecha jingoni? (Rom. 2:4). Ini ambe mítiparini, ju je exeani máru situasionichani engachi jatsika para sánderu tekaantskua xarhatani.

Mámaru ambe engachi pauani pauani nitamanchajka, tsʼéjkusïndijtsïni na engachi xáni tekaantstika. Por ejemplu, engachi exejka eskachi jatsiska para uandani ambe ma enga jukaparhakueka, sánderu sésiuati engachi erokuarhiska parachi jurajkuni eskaksï máteruecha seguiriuaka uandani (Sant. 1:19). Ístuchi úpiringa uétarhinchani tekaantskua engachi erachicha jingoni jauaka engaksï pʼindekuechani jatsiaka engajtsïni no sési pʼikuastajka. Enbesi dechi xáni no sési exeni indeni ambe, sésichi úsïnga eratsintani na engajtsïni xáni tekaachintajka Jeoba ka Jesusi engachi jucha no sési újka. Imaksï no méntku exeni jarhasïndi juchari errorichani engaksï no xáni kʼéri ambeka. Sánderu sési, exesïndiksï juchari ambakiti kualidadichani ka na engachi xáni jánguarhintajka parachi sánderu ambakiti jángua ma jatsini (1 Tim. 1:16, Táta Diósïri Uandakua Tata Jesukristueri Aiatsperakua; 1 Ped. 3:12).

Ístu, uákachi xarhatani na engachi xáni tekaantstika enga nema uandaka eskachi no sési jásï ambe uandaska o úska. Ini ambe jimbo, fásilisti eska ma sóntku ikiauaka ka kuájpikuarhinchi. Peru Bibliajtsïni arhisïndi eskachi ménderueni jámaaka: “Sánderu sésisti tekaantstiini ka eska ima enga imeri espiritu kʼéramakuarhijka. Asï jirejiresï ikia, jimboka ikiani, tontuecheriska” (Ecl. 7:8, 9). Ísï jimbo, nájkiruka no ma ambe ísïuaka eska na uandanhaka, jatsiskachi para tekaantskua jingoni exeni néna engachi mókukuantauaka. Ísï úspti Jesusi engaksï ísku ambe uandenga imeri ambe (Mat. 11:19).

Tátichaksï jiáni sánderu jatsisti para tekaantstiini engaksï exeaka eskaksï jatsiska para jurhimberantaani uájpecheri jánguani, ambe engaksï tsitijka o ambe engaksï antsitakuarhijka únchani uájpecha. Ju je exeni ambe enga nitamakuarhipka Mattias enga Beteli de Escandinavia jaka. Enga tumbi sapichuepka, eskuelarhuksï méntkisï teresmarhusïrendi imeri jakajkukuecha jimbo. Uénani jámani, tátembechaksï no ma ambe mítispti. Peru jatsisptiksï para orhepani uérakuni imani uandanhiatani enga uájpa nitamanchani japka, jimboka uájpa uénaspkia dudarini jurhimbikuani. Tátemba enga Gillis arhinhajka, miásïndi: “Jatsispkachi para kánikua tekaantskua jatsini”. Mattias ari jásï ambe kurhanguarhisïrendi: “¿Néski Tata Diosï? ¿Ka enga Biblia no imeri Karakatekia? ¿Nénachi mítiska eska Tata Diosïska engajtsïni arhijka eskachi ini o imani ambe uáka?”. Ístu arhisïrendi tátembani: “¿Andijtsïnisï jatsi para jusgarini engani no májkueni ambe jakajkujka eska cha?”.

Gillis uandantasïndi: “Ménichani, juchari sapijtsïni kánikua ikiaparini uandontskuarhichisïrendi, peru no amambani jimbo o jíndini jimbo, sino jurhimbikua jimbo, jimboka indeni kulparisïrenga enga xáni no sési nitamakuarhini japka”. ¿Ambe úspi Gillis? “Uánikua uelta, uaxakaspka imani jingoni ka iónichi uandontskuarhisïrenga. Ambe engani sánderu uénga, jindespti kurhajchani ka ménichani kurhamarhikuechani úkuani parani úni sési kurhanguni ambe enga pʼikuarherenga ka eratsenga. Ménisï,  íntskusïrenga explikasioni ma paraka eratsintapiringa masi o menusi ma jurhiatikua ante dechi uandontskuarhini ménderu. Ka máteru xanhari, arhisïrenga eskani uétarhinchasïrenga máru jurhiatikuechani parani eratsintani imeri ambe engarini ima uandontskuarhichipiringa. Engani méntku úndapka someni uandontskuarhini Mattias jingoni, úspti eska ima uénapiringa kurhanguni ka jiókuarhini ambe engachi jorhentpijka euajpintskueri, Jeobaeri juramukueri ka Diosïri uékperakueri. Ióndaspti, ka uánikua uelta úkua jukaspti, peru imeri uékperakua Jeoba jimbo sánhani arhispti kʼéni. Juchiti uarhiiti ka ji kánikuachi tsípixaka enga tekaantskua engachi Mattiasini xarhatakupka jiáni enga ima sapichku japka niárapiringa marhuani ka mintsitarhu niárakuni”.

Engaksï tekaantskua jingoni jánguarhintani japka jarhuatani uájpani, Gillis ka témba mintsikasïrendiksï eska Jeoba apoiariuapiringa. Gillis uandantasïndi: “Uánikua uelta, arhispka Mattiasini eska amamba ka ji kánikuachi uékasïrenga engachi jamberi mintsita jingoni kurhakuenga Jeobani eska jarhuatapiringa Mattiasini kurhanguni ambe ma”. Xáni engaksï agradesidu jaka i táticha engaksï tekaantskua xarhatakupka imecheri uájpani.

Ístu, jurhimbiti kristianuechaksï jatsisti para tekaantskua xarhatani engaksï kuidariuani jauaka parientichani o amiguechani engaksï pʼamenchakua ma kánguarhijka. Ju je exeni Elleniri * experiensia enga ístu Escandinavia irekaka.

Ochu uéxurhini ísïstia enga Elleniri uámba tsimani xanhari pʼipka ataki éjpurhu ka nóksï sési úkuspti, jimboka iásï nóteru úsïngia pʼamojpini, tsípini níteru kómu pʼikuarherani. I ambe kánikua kuatajkusïndi Ellenini. Ima uandantasïndi: “Niáraska kánikua tekaantskua uétarhinchani ka uánikua kómarhikuechani”. Ka uandasïndi: “Textu engani sánderu tsitijka, engarini sánderu sési pʼikuastajka jindesti Filipusʌ 4:13, [TNM] enga arhijka: ‘Parani úni iámindu ambe, uinhapikua jatsiska imani jimbo engarini uinhaperantajka’”. Indeni uinhapikua jimbo, Elleni tekaantskua jingoni orhepani uéraxati ka mintsikaparini eska Jeoba jarhuataxaka (Sal. 62:5, 6).

Ísïsti, Jeoba jindesti sánderu ambakiti ejemplu para tekaantstiini (2 Ped. 3:15). Bibliarhu, uánikua xanharichi exentasïnga na enga ima xarhatapka tekaantskua (Neh. 9:30; Is. 30:18). Por ejemplu, ju je exeni ambe enga úpka Jeoba enga Abraani kurhamarhipka andisï uékeni Sodomani kʼamajkuni. Uénani jámani, jurajkuspti eska uandapiringa, tekaantskua jingoni kurhajchaspti mientrasi enga Abraani eianguni japka ambe enga uandanhiatenga. Tátsekua, xarhatakuspti eska kurhajchaspka enga repetirikupka imani ambe enga Abraani arhipka ka asegurarikuspti eska no kʼamajkupiringa Sodomani enga exeantaapiringa jima diesi kʼuiripu jurhimbitichani (Gén. 18:22-33). ¡Xáni ambakiti ejemplu ma para pʼíngukuarhini ka tekaantani!

Ísïsti, tekaantskua ístu kánikua jukaparhakuesti para úni mójtakukuarhini, engachi iámindu kristianuecha jatsika para xarhatani. Engachi jánguarhintaska xáni eskachi xáni uáka para xarhatani ini xáni ambakiti kualidadini, kʼéri ambechi arhiaka juchari Táti auandarhu anapuni enga uékpitika ka tekaantstiini ka imecha jingonchi jauaka engaksï ‘Diosïni mintsikaparini ka tekaantskua jingoni pʼirajka indeni ambe engaksï eiaminhajka’ (Ebr. 6:10-12).