Tumbiicha, Kuerajpiri uékasïndi eskajtsï felisiuaka
“Imakini ambakiti ambe íntskuxati parari méntkisï sési irekani” (SAL. 103:5).
PIREKUECHA: 135, 39
1, 2. Jiáni engari jatsiaka para exeni ambe enga sánderu jukaparhakueka para tʼu, ¿andisï sési jaki eskari Kuerajpirini kurhajchaaka? (Exea fotuechani engaksï uénakuarhu jaka).
ENGARI uátsï o tumbi máeka, jamberiksïni uánikua konsejuechani íntsaatia ambe engari jatsika para úni sánderu orhepani. Jamberi maestruecha, imecha engaksï jarhuajpijka para exeni ambe estudiarini o máteru kʼuiripuechaksïni arhijti eskari jatsiska para estudiarini karrera ma parari tátsekua kánikua tumina andani. Perukini Jeoba arhistachisïndi eskari máteru ambe uáka. Ísïsti, ima uékasïndi eskari ambakiti estudianti máeuaka parari úni mantenerikuarhini engari uéntakia eskuela (Kol. 3:23). Peru jiáni engari uékaaka exeni ambe sánderu jukaparhakueski para tʼu, arhisïndikini eskari jurajkuaka paraksïni imeri prinsipiuecha jarhuatani. I ambekini jarhuataati parari exeni ambe enga ima uéjka eskachi uáka ini últimu jurhiatikuecha jimbo (Mat. 24:14).
2 Miá eska Jeoba mítiska ambe enga úkuarhiaka ini parhakpini jingoni ka na enga sánderku kueratani jakaia (Is. 46:10; Mat. 24:3, 36). Ístujtsïni sési mítisti. Mítisti ambe engajtsïni sési pʼikuastajka ka ambe enga újka eskachi felisiuaka, ístu ambe engajtsïni kómu pʼikuastajka ka engajtsïni no sési úchijka. Ísï jimbo, nájkirukaksï máru konsejuecha ísï xarharajka eskaksï sési jarhaska, nóksï marhuasïndi engaksï no terokuntajka imani ambe jingoni enga Biblia arhijka (Prov. 19:21).
NO JARHASTI “JÁNHASKAKUA [...] ENGA SÁNDERU AMBAKITIIKA ESKA JEOBAERI”
3, 4. Engaksï ísï kasu úpka imani konsejuni enga no sési japka, ¿ambe úkuarhinchaspi Adani, Eba ka iámindu imecheri desendienticha?
3 Desde iónisïksï jarhastia konsejuecha engaksï no sési jaka. Satanasi uénaspti no sési járhati konsejuechani íntsaani kʼuiripuechani. No sáni kʼuratsekua jingoni arhispti Ebani eska ima ka imeri uámba úpiringaksï jandiajku erakuni ambe úni imecheri tsípikua jingoni, jimbokaksï ísï sánderu felisipiringa (Gén. 3:1-6). Satanasi imeri ambejkusï eratsini japti. Uékasïrendi eska Adani ka eba ka imecheri uájpechaksï imani kurhajchapiringa ka kómarhini enbesi de Jeobani. Peru ¿ambe úspi Satanasi imecha jimbo? No ma ambe. Jeobasï íntsaapti iámindu ambe engaksï jatsipka: tsimarhani kuerauaspti paraksï temungurhirini, imani sési jásï jardinini nani engaksï irekapka, ka perfektu kuerauaspti paraksï úni irekani para méntkisï.
4 Peru xáni no sési enga Adani ka Eba nóksï kurhajchapka Tata Diosïni ka nóteruksï úni ambakiti pájperakua ma jatsini imani jingoni. Eskari na mítikia, no sési ambe niárasti úkuarhini. Uénasptiksï tʼarhepini ka uarhini, májkueni eska tsïtsïki ma enga patsïjka ka kʼarhini engari pʼikujka. Imecheri desendientichajtuksï niárasti no sési nitamakuarhini pekadu jimbo (Rom. 5:12). Nájkiruka inde ambe úkuarhika, sáno iámindu kʼuiripu seguirixati no kurhajchani Tata Diosïni. Ísïksï uékasïndi irekani eskaksï imecha na uéjka (Efes. 2:1-3). Peru ambe enga niárajka úkuarhini, xarhatasïndi eska no jarhaska “jánhaskakua [...] enga sánderu ambakitiika eska Jeobaeri”, i ambe arhikuekasïndi eskaksï ima konsejuecha engaksï no terokuntajka imani ambe jingoni enga Jeoba uandajka, nóksï marhuasïnga (Prov. 21:30).
5. a) ¿Amberi seguru jarhaspi Jeoba? b) ¿Ka andichisï uandajki eska Jeoba rasoni jatsispka?
5 Peru Jeoba seguru jarhaspti eskaksï máru kʼuiripuecha, ístu uátsïcha ka tumbicha uékapiringa mítini ka marhuakuni (Sal. 103:17, 18; 110:3). Ima kánikua uékaasïndi iáminduechani. ¿Uátsï o tumbi máeskiri enga ima xénchajka? Jiájkani, seguru eskari kánikua sési pʼikuarherasïnga imani ambe jingoni engakini Jeoba íntskujka ka enga újka eskari felisiuaka (arhinta Salmo 103:5; Prov. 10:22). Eskachi na exeaka, máruksï jindesti ima ambe engajtsïni jarhuatajka imani mítini, ambakiti amiguechani jatsiani, metechani engaksïni marhuachijka ka libertadi jatsini.
JEOBAKINI ÍNTSKUSÏNI IÁMINDU AMBE PARARI ÚNI MÍTINI IMANI
6. ¿Andirisï jatsi para jorhenguarhini Tata Diosïri ambe ka náki jarhuajperatakini íntskusïni Jeoba parari ísï úni?
6 Juchachi no májkueni kueraanhaska eska animalicha, jimbochisï uétarhinchajka mítini Tata Diosïri ambe ka solu juchari Kuerajpirijtsïni uáti jorhendani imeri ambe (Mat. 4:4). Engachi kurhajchajka ambe engajtsïni arhijka, úsïngachi jatsini jánhaskakua, mímixekua ka felisinchi, Jesusi uandaspti: “Tsípisïndiksï ima engaksï mítika eskaksï uétarhinchasïnga jorhenguarhini Tata Diosïri ambe” (Mat. 5:3, TNM). Jeoba úsïndi eska chíti jakajkukua sánderu uinhapiti jauaka, úraparini imeri Karakatani ka “jántspiri[ni] enga mintsinharhikueka ka [enga jánhastika]” parajtsïni íntskuni informasioni enga Bibliarhu pʼitakateka (Mat. 24:45; Is. 65:13, 14).
7. ¿Nénakini marhuachisïni engari sési jorhenguarhiska Tata Diosïri ambe?
7 Ambe engakini Jeoba jorhendajka imeri ambe, uáti eskari jánhaskatiuaka ka eskari sési eratsiaka ka inde ambekini mámaru ambe jimbo kuájchakuati (arhinta Proverbios 2:10-14). Por ejemplu, jarhuatatikini parari no jiókuarhini chkuanderakua ambe komu eska Tata Diosï no jarhaska o eska para úni felisini uétarhisïnga kánikua tumina ka jatsikuarhikua ambe jatsini. Ístukini jarhuataati parari no tsitini o úni imani ambe engakini no sési úchiaka. Ísï jimbo, jánguarhintsï xáni eskari uáka parari úni ísï jánhaskani eska Tata Diosï ka sésiri eratsini. Ísï úparini, tʼuri mismu exeaka eskakini Jeoba xénchasïnga ka uékasïndi eskakini sési nicheaka (Sal. 34:8; Is. 48:17, 18).
8. Engari iásï andarheraska Jeobani, ¿nénakini marhuachia i ambe sánderu orhepani?
8 No ióni jimbo, iámindu Satanasiri parhakpini kʼamajkunhaati. Solu Jeobajkujtsïnisï uáti kuájchakuni ka jatsiakachi para kánikua mintsikani eskajtsïni íntskuaka ambe engachi uétarhinchani jauaka komu tʼirekua pauani pauani anapu (Hab. 3:2, 12-19). Ísï jimbo, iásïsï tiempueti parari sánderu andarherani chíti Táti auandarhu anapuni ka sánderu mintsikani (2 Ped. 2:9). Engari ísï úska, no arhiati ambe uéjki enga úkuarhini jauaka, ísïri pʼikuarheraaka komu Dabidi, enga karapka: “Méntkisï, Jeobani juchiti orhepani jimbo pérasïnga. Jimboka ima juchiti jurhijkandani ladu jimbo jarhaska, no sáni chéaka” (Sal. 16:8).
JEOBAKINI SÁNDERU AMBAKITI AMIGUECHANI ÍNTSAASÏNDI
9. a) Seguni Juanu 6:44, ¿ambe úsïni Jeoba? b) ¿Andisï xáni sésii máteru Testiguni mítini?
9 Engari mítika nemani enga no Testigueka, ¿nari xáni mítiski imeri ambe? Jamberiri sántku mítika komu na enga arhinhajka ka na enga xarharajka. Peru kánikua ménderuenisti engari Testiguni ma mítijka. Mítiskari eska ima xénchasïnga Jeobani ka eska Tata Diosï ambakiti ambe exekuska jimbosï pʼímarhiti para imeri kúnguarhikuarhu jarhani (arhinta Juanu 6:44). Nájkiruka máteru rasa, kultura o paisirhu anapueuaka, uánikua amberi mítisïngia imeri ambe ka ima chíti ambe.
Jeoba uékasïndi eskachi ambakiti amiguechani jatsiauaka ka eskachi jatsiauaka metechani para sánderu marhuakuni Jeobani. (Exe párrafu 9 a 12).
10, 11. ¿Ambechi jatsiski iáminduecha engachi Jeobani marhuakujka, ka nénajtsïni marhuachisïni inde ambe?
10 Por ejemplu, sóntkuri kuenta íntskukuarhisïnga eska májku jásï “idioma” uandasïnga eska tʼu: “Pímbinhasï uandakua” jurhimbikueri (Sof. 3:9). Tsimarhantsï májkueni ambe jakajkusïnga Tata Diosïri ambe, mítiaskajtsï imeri juramukuechani ka ambakiti ambe enga úkuarhiaka sánderu orhepani ka máteru ambe. Ka i jindesti ambe enga sánderu jukaparhakueka engachi uáka mítini máteru kʼuiripueri, jimboka i ambesï újka eskachi mintsikaaka imani ka enga újka eskachi ióni sési pájperaaka.
11 Engari Jeobaeri testigueka, uákari sési jimbo uandani eskari sánderu ambakiti amiguechani jatsiaska iámu parhakpinirhu, nájkirukari nótki iáminduechani mítiani jaka. ¿Uá nema enga no marhuakujka Jeobani ísï uandani?
JEOBAKINI ÍNTSAASÏNDI METECHANI ENGAKSÏNI MARHUACHIJKA
12. ¿Náki metechaniri uá jatsikukuarhiani?
12 (Arhinta Eclesiastés 11:9-12:1). ¿Jánguarhintaxakiri parari kumplirini ma o tsimani metechani? Jamberiri jánguarhintani jaka parari pauani pauani Bibliani arhintani o parari sánderu komentarini tánguarhikuecharhu ka uérani eianhpini. Ambe engari úni jaka, ¿nénari pʼikuarherasïni engari exejka eskari sánderu sési úxaka ambe ma o engaksï máteruecha kuenta íntskukuarhijka ka felisitarinksïni? Seguru eskari kánikua tsípijka. Ka sésisti, jimbokari orheta imani ambe úxaka enga Tata Diosï uéjka antesi de imani ambe enga tʼu tsitijka, ísï eska na úpka Jesusi (Sal. 40:8; Prov. 27:11).
13. ¿Andisï sánderu sési Jeobani marhuakuni ka eska ini parhakpini anapu ambe uékani jatsini?
13 Engari jánguarhintaska parari sánderu marhuakuni Jeobani, kánikuari sési pʼikuarheraaka ka tsípikua jingoniri irekaaka. Apostuli Pablu karaspti: “Uinhapinta je ka asï jáma je chérakuarhini, sino méntku jauena je úni Diosïri úkuani, mítiparini eska chári ánchikuarhita no ísku uéraaka juchari Tatani jimbo” (1 Kor. 15:58). Ima kʼuiripuecha engaksï solu jánguarhintajka para ini parhakpini anapu ambe jatsini komu jatsikuarhikua ambe o famosueni, nóksï meru felisisïndi (Luk. 9:25). Eskachi na exeaka, rei Salomoni jandiajku kuenta íntskukuarhispti eska inde ambe ísïska (Rom. 15:4).
14. ¿Amberi uá jorhenguarhini ambe enga Salomoni úpka?
14 Salomoni enga kánikua jatsikuarheripka ka juramukua jatsini, uékaspti úni ka jatsini ambe enga ima xáni uékapiringa (Ecl. 2:1-10). Kʼumanchikuechani uáspti, jardinichani ka parkichani ka úspti ambe enga ima xáni tsitipka. ¿Sési pʼikuarheraspi ka felisi? Ima mismu uandaspti eska, enga na eratsintapkia iámindu imani ambe enga xáni úpka, kuenta íntskukuarhispka eska ísku ambe máespka ka eska no ma ambe meru jukaparhaspka (Ecl. 2:11). ¿Marhuachiakini Salomoniri eksperiensia?
15. ¿Andisï xáni jukaparhakue eskari mintsikaaka Jeobani ka seguni Salmo 32:8, nénakini marhuachia?
15 Máru kʼuiripuechaksï jiáni jorhenguarhisïndi eska ambe ma no sési jarhaska engaksï na no sési ambe niátajkia ka niáranksï no sési jásï ambe nitamakuarhini. Jeoba no uékasïndi eskari inde ambe úkuarhinchaaka. Uékasïndi eskari kurhajchaaka. Parari ísï úni, uétarhinchasïngari jakajkukua jatsini, peru nori méni arrepentirikuarhiaka ambe engari erakuaka úni chíti jakajkukua jimbo. Ka Jeoba no méni mirikurhiati imani uékperakuani engari xarhataaka imeri nombri jimbo (Ebr. 6:10). Ísï jimbo, jánguarhinta xáni eskari xáni uáka parari sánderu mintsikani Jeobani. Engari ísï úska, tʼuri mismu exeaka eska iámindu ambe engakini chíti Táti auandarhu anapu arhijka jindeska parakini sési nicheni (arhinta Salmo 32:8).
JEOBA ÚSÏNDI ESKARI LIBREUAKA
16. ¿Andichisï jatsi para jukaparharani libertadi engachi jatsika ka sési úrani?
16 Pablu karaspti: “Jima enga jarhajka juchari Tateeri Espiritu, jima nóteru nema jántspiristi[a]” (2 Kor. 3:17). Ísïsti, Jeoba uékasïndi eska jauaka libertadi ka ísïjtsïni kueraasti parachi juchajtu májkueni uékani eska jauaka libertadi. Peru ístu uékasïndi eskari sési úraaka, jimboka inde ambekini kuájchakusïnga. Jamberiri mítiaka uátsïchani o tumbichani engaksï pornografia ambe exejka, ísku jándikua ambeksï úni, deporti ambeksï úni enga peligrosueka, droga ambeksï úrani oksï jukari alkoli arhani. Jamberiksï ma ratu tsípikuarhijti o sési pʼikuarherani. Peru sáno méntkisï, kánikuaksï no sési kʼamarasïndi: pʼindesïndiksï indeni ambe úni, pʼamenchasïndiksï ka asta niáranksï uarhini (Gal. 6:7, 8). Uandasïndiksï eskaksï uáka iámindu ambe úni, peru jandiajkuksï enganiarikuarhisïndi (Titu 3:3).
17, 18. a) ¿Andichisï újki uandani eska kurhajchani Jeobani úsïnga eskachi libreuaka? b) Ima libertadi engaksï Adani ka Eba uénakuarhu jatsipka, ¿andisï no májkueni iásï anapu jingoni engaksï kʼuiripuecha jatsika?
17 Ístu, kurhajchani Jeobani marhuachisïndijtsïni. Sési úkusïndi juchari kuerpuni ka jatsisïngachi libertadi (Sal. 19:7-11). Buenu, engari sési úrajka inde libertadi engari jatsika, komu jánhaskakua jingoni erakuni úni ambe ma úrapariani Jeobaeri juramukuechani ka prinsipiuechani, xarhatakusïngari Jeobani ka chíti tátichani eskari kʼuiripu máeska enga responsablika. Inde jindesti ambe enga Tata Diosï uéjka úni imeri marhuaricha jingoni engaksï no méni jurajkujka, eskaksï jatsiaka imani libertadini enga Biblia arhijka eskaksï “Diosïri uájpecha xarhantaaka tʼíntskua jingoni” (Rom. 8:21).
18 Adani ka Eba, indeni ambeksïsï jatsipti uénakuarhu, ¿Tata Diosï ambe ka ambe arhiaspi eskaksï no úpiringa jardini de Edenirhu? Ma ambejku: no arhani fruta ma (Gén. 2:9, 17). Nari exesïni, ¿Tata Diosï jukari ambe kurhakuaxapi o no sési kaaxapi indeni juramukua jingoni? Nómbe. Kánikua ménderuenisti kʼuiripuecha jingoni engaksï uánikua juramukuechani uájka ka afuersaksï uékani eskaksï máteruecha kumpliriuauaka.
19. ¿Nénajtsïni jorhendasïni Jeoba ka Jesusi parachi libreni?
19 Na engajtsïni kámajka Jeoba, xarhatasïndi na enga xáni jánhastiika. Enbesi dejtsïni uánikua leichani íntsaani, tekantskua jingontsïni jorhendasïndi néna úni iámindu ambe uékperakua jimbo. Uékasïndi eskachi úrauaka imeri prinsipiuechani ka eskachi kurhunhiaka no sési jásï ambe (Rom. 12:9). Sermoni del Monte jimbo, imeri Uájpa Jesusijtsïni jarhuatasti kurhanguni andiksïsï kʼuiripuecha no sési jásï ambe újki (Mat. 5:27, 28). Ka komu Rei Tata Diosïri Reinuerirhu, jimbanhi parhakpinirhujtsïni seguirini juáti jorhendani parachi ísï exeni imani ambe enga sési jaka ka enga no sési jaka eska ima na exejka (Ebr. 1:9). Ístu uáti eska juchari kuerpu ka eratsikua perfektueuakia. Eranhaska: nóteruri méni uékaka pekadu ambe úni, níteruri méni no sési nitamakuarhini pekadu jimbo. Jiáni kʼóruri ‘xarhantaakia tʼíntskua jingoni’ ori perfektueni ísï eskakini Jeoba na aiachika.
20. a) ¿Ambe úsïni Jeoba, nájkiruka iámindu ambe újka úni? b) ¿Nénajtsïni marhuachisïni Jeobaeri ejemplu?
20 Ísïsti, nochi méni jatsiaka sésikua parachi méntku iámindu ambe uékani úni, jimbokachi méntkisï imani ambe uáka enga xarhataaka eskachi uékasïnga Jeobani ka kʼuiripuechani. Jeoba solujtsïni arhisïndi eskachi májkueni ambe uáka eska ima. Ka nájkiruka ima iámindu libertadi jatsika, uékperakua jimbo úsïndi iámindu ambe, asta na engajtsïni kámajka juchantsïni (1 Juanu 4:7, 8). Jiájkani, uákachi jatsini libertadi engachi májkueni úska iámindu ambe eska Tata Diosï.
21. a) ¿Ambe arhispi Dabidi Jeobani? b) ¿Ambechi exea máteru artikulu jimbo?
21 ¿Jukaparharasïniri iámindu ambe engakini Tata Diosï íntskuka? Ini artikulu jimbo, exeskachi eskachi uánikua ambe jatsiska engachi jimbo újka mítini Tata Diosïni, ambakiti amiguechani jatsiani, metechani engaksïni marhuachijka ka erokuarhikua para libreni no sési amberi (Sal. 103:5). Jamberiri xáni sési pʼikuarheraaka eska Dabidi enga arhipka Jeobani: “Jorhendasïngarini imani ambe úni enga tsípikuarhu pájpijka. Jima enga tʼu jaka kánikua sési pʼikuarherakuarhisïndi; chíti ma ladu jimbo jarhasti felisidadi para méntkisï” (Sal. 16:11). Máteru artikulu jimbo, exeakachi máteru jukaparhakua ambe enga Salmo 16 jimbo jaka. Í ambekini jarhuataati sánderu sési kurhanguni nénari uá meru felisini.