ARI ejemplu xarhatasïndi eska ménisï úranhasïrenga. Deuteronomio 24:14, 15 arhisïndi: “Asï enganiari ánchikuarhirini ma enga uétarhinchani jauaka ka enga pobrika, ia seaksï chíti ermanuecheni o uérakua anapu máeni enga chíti echerirhu jaka [...]; paraka no Jeobani aianguaka ka tʼú niárani kulpa jatsini imani pekaduni jimbo”.

Ireta Asdod no iauani, seramikeri pedasu ma exenhantasti enga uéxurhini 600 ísï anapueka ante de Jesusi. I pedasu, kʼuiripueri ma demanda jukanharhisti enga ambe ma nitamanchani japka enga Deuteronomio 24 arhijka. Uandanhasïndi eska i karakata únhaspka para agrikultori ma enga no íntspepka na enga xáni granu jatsipka para íntspeni. Arhisïndi: “Enga chíti jántspiri na kʼamarapkia [ima enga demandarpini jaka] patsani ambe enga pʼikuntapka arini jurhiatikuechani, jurhaspti Hoshayahu, Shobay uájpa ka pásti chíti jántspiriri xukuparhakuani. [...] Iámindu engaksï jíndeni jingoni pʼikuntani japka, uandantaatiksï [...] eskani jurhimbitku uandantaxaka. No ma ambeeri kulpa jatsiska. [...] Enga gobernadori exejka eska no imeri obligasioniska úni eska chári jántspiri intsïnhantaaka xukuparhakua, ú je ini ambe aunke sea pʼamojperakua jimbo. Nori jatsiska para pínasku pakarani enga chíti jántspiri euakuarhinhaaka xukuparhakua”.

Simon Schama enga istoriaueri ambe exejka, uandasïndi eska i demanda “no solu uandasïnga na enga ánchikuarhiri ma uékenga eska intsïnhantapiringa [imeri xukuparhakuani]”. Ka seguirisïndi uandani: “Ístujtsïni exerasïndi eska ima enga demandarpini japka, mítiaspka máru Bibliaeri leichani, imechani sánderu engaksï Levítico ka Deuteronomio jaka, engaksï uandenga eska no sési jarhaspka no sési kaani pobrichani”.