“¿NARI jarhaski?”.

Seguru eskajtsï uánikua uelta ísï uandajpeka, jamberi asta jájki jingoni o kamajchakpeni. Nájkiruka mándani lugari ménderueni pʼindenhaka saludarperanhani o máteru uandakuecha jingoni, sáno májkueni ambe jimboksï saludarperasïndi. Ka no sési xarharasïndi enga nema no uandajpejka o no kurhakuarhini.

Para uánikuecha no fásilisti saludarpeni jimbokaksï no uandariska oksï no seguru pʼikuarherani. Máteruechaksï úkua jukanchasïndi imechani saludariuani engaksï máteru raseka, kultura o engaksï máteru jásï irekua jatsika. Peru asta sánderu sapichu saludu ma úsïndi jarhuajpini.

Kurhamarhikuarhi je: “¿Néna jarhuajpisïni saludu ma? ¿Ambe jorhentpisïni Biblia saludueri ambe?”.

‘Diosï no nani kʼuetsapisïndi’ (Uku. 10:34). I ambe uandaspti Pedru enga sési janokua ma íntskupka Korneliuni kúnguarhikuarhu, primeru kʼuiripu enga no judiuepka ka enga kristianu úkuarhipka. Tátsekua, karaspti eska Tata Diosï “no uékasïnga eska nema tsïnchiaka” (2 Ped. 3:9). Úpiringachi eratsini eska i ambe para imecheska engaksï Bibliani estudiarini jaka. Peru Pedru arhiaspti kristianuechani: “Janhanharhia je iáminduechani ka uéani ermanuechani” (1 Ped. 2:17). Eskachi na exekia, sési ambesti uandajpani kʼuiripuni nani uéjki anapueni, náki uéjki raseni o kultura. Ísï úparini, respetu ka uékperakuachi xarhatatspini jauaka.

Pablu arhiaspti kristianuechani: “Sési kámbera je máteru ka máteruni jingoni ísï eska Kristujtsïni na xáni sési kámajka” (Rom. 15:7). Pablu sési jásï ambe arhiaspti imani erachichani engaksï xáni uinhaperantapka. Iásï, sánderu uétarhisïndi eskachi uinhaperantauaka juchari erachichani, jimboka Satanasi sánderu no sési kámaxakaia Jeobaeri iretani (Kol. 4:11; Jaŋ. 12:12, 17).

Biblia xarhatasïndi eskaksï saluduecha no solu marhuasïnga para sési janokua ma íntspini. Ju je exeani máru ejempluechani.

Ante de Jeoba pérani Uájpani Mariaeri matrisirhu, ánjilini ma axaspti para Maria jingoni uandontskuarhini. Ánjili arhispti: “[¿Nari jarhaski?, TNM], Diosïkini újchakure tʼungini engari xáni kóndinhantaka, jimboka juchari Tata tʼungini jingoni jarhaska”. Maria no mítispti andisï ánjili ma uandontskuarhikuni japi, jimbosï no nani máru jánhaskapti. Enga ánjili exepka, arhispti: “Maria, asï jáma chéni jimbokakini Diosï kóndintaska”. Ístu arhispti eska Jeoba uékasïrenga eska ima kánguarhipiringa Mesiasini. Ísï úparini, Maria nóteru chésptia ka jiókuarhispti úni ambe enga Jeoba uékenga, uandaspti: “Ji jindeska ma juchari Tateri jántspiri, ísï jimbo úkuarhie jíndeni jingoni eska t’u na uandajka” (Luk. 1:26-38).

Tata Diosïri mensajeru máeni, pribilejiu máespti para ima ánjili. Peru ima no kʼéramakuarhispti ka eratsini eska no úpiringa kʼuiripu ma jingoni uandontskuarhini, ambe enga orhetku úpka, jindespti Mariani saludarini. ¿Ambechi jorhenguarhisïni? Eska uétarhisïnga listu jarhani para máteruechani saludariuani ka uinhaperantaani. Namunitku uandakuecha jingoni, uákachi jarhuataani máteru kristianuechani ka úni eskaksï pʼikuarheraaka eskaksï Jeobaeri iretarhu anapueska.

Pablu uánikua erachichani mítiaspti kúnguarhikuecharhu engaksï Asia Menor ka Europa anapuepka. Imeri kartecharhu, Pablu uandaasïndi máru kʼuiripuechani enga saludu axakuapka. Ka i ambe kapitulu 16 arhisïndi, kartarhu enga Roma anapuechani axakuapka. Por ejemplu, Fébeni arhisïndi “juchari pirenchi” ka arhiaspti erachichani eskaksï “sési eroka[piringa] juchari  Tátiri nombri jimbo eska na jindeka para Diosïri míndakatechani jingoni” ka eskaksï jarhuatapiringa imani ambe jingoni enga uétarhinchenga. Ístu, uandaspti eska saludu ma axakuaxapka Prisilani ka Ákilani ka eskaksï iámindu kúnguarhikuecha máteru iretecheri ka Pablu, diosmeiamu arhiaxapka. Ístu, saludu axakuasïndi máru kristianuechani engachi kasi no mítiaka. Por ejemplu, uékperakua jingoni uandasïndi Epénetueri ambe ka uandasïndi Trifenani ka Trifosani, kristianechaksï máru engaksï kánikua ánchikuarhiripka. Eskachi na exekia, Pablu no erokuarhispti para saludu axakuani imeri erachichani ka pirenchichani (Rom. 16:1-16).

Eranhaska je na engaksï xáni tsípipka ima kristianuecha engaksï mítipka eska Pablu uékperakua jingoni miáuasïrenga. Seguru eska imecheri uékperakua Pabluni jimbo ka máteru erachicha jimbo, sánderu kʼéspkia. Jamberi uinhaperantaapti máteru kristianuechani engaksï kurhauapka saluduechani ka jarhuataapti paraksï uinhapiti jatsini jakajkukuani. Ísïsti, saluduecha engaksï interesi xarhatajka ka mintsita jingoni felisitarpini, jarhuajpisïndiksï para sési pájperanhani ka paraksï Jeobaeri marhuaricha májku kʼéri jarhani.

Enga Pablu kétsipkia barkurhu jini Puteolosi ka seguirini Roma nirani, erachichaksï niraspti kúntani. Enga Pablu iauani jatini exeapka, “diosmeiamukua arhispti Diosïni ka tsípintaspti” (Uku. 28:13-15). Jamberi ménisïchi solu uáka tsípikuani máteruechani o jájki jingontku uandajpaani. Peru asta ísï uandajpeni, uáti animarini nemani, jamberi imani enga deprimidu jaka o komu pʼikuarherani jarhani.

Ju je Santiagueri ejemplu exeni. Ima jurhimberantaaspti máru kristianuechani engaksï enganiaripka Jeobani, jimbokaksï jiókuarhisïrenga parhakpini anapu ambe (Sant. 4:4). Ju je exeni ambe uénaspi karani imeri kartarhu:

“Ji Santiagu, engani Diósïni ka Acha Jesukristuni jántspekuni jámka, uandajperata axakuaxaka témbeni tsimani (12) Israeliri sïrukuechani engaksï ma parhakpini jámani jaka” (Sant. 1:1, Táta Diósïri Uandakua Tata Jesukristueri Aiatsperakua). I ambe úpti eskaksï erachichani jiókuarhipiringa konsejuni, jimboka Santiagu xarhataspka eska no sánderu kʼéri ambe exekuarhisïrenga eska imecha. Ísï jimbo, kaxumbikua jingoni saludarpeni, uáti úni eska sánderu fásiliuaka uandontskuarhini imeri ambe enga úkua jukaka.

Saludu ma uáti sapichueni, peru para jarhuajpeni, jatsisti para mintsitarhu uératiini ka uékperakua jingoni, nájtukachi eratsiaka eska no nema exesïnga (Mat. 22:39). Ma xanhari, Irlanda anapu pirenchi ma, jiáni niáraspti salonirhu enga uénapiringia tánguarhikua. Jirejiresï inchaspti ka erachi ma pʼirhikuarhispti, tsípikuni ka arhini: “Tsípisïngakini exeni”. Pirenchi uaxakaspti no ma ambe arhiparini.

Máru semana tátsekua, pirenchi andarheraspti erachini ka arhispti eska problema ma jatsispka familiarhu. Arhispti: “No sési pʼikuarheraxapka ima xatini, engani sáni jimbo no jupka tánguarhikuarhu. No miásïnga ambesï exenhapi jiáni, peruni miásïnga na engarini saludaripka. Pʼikuarheraspka eskarini sési erokaspka. Diosmeiamu”.

Erachi no mítispti eska imani saludu jingoni jarhuataspka pirenchini. Ima uandasïndi: “Engarini arhipka eska ima namunitu uandakuechaksï jarhuataspka, tsípispka engani saludaripka. Sési pʼikuarheraspka”.

Rei Salomoni karaspti: “Jatsima chíti kurhindani itsïrhu, jimbokari ménderu exentaaka uánikua jurhiatikua tátsekua” (Ecl. 11:1). Engachi uandajpaaska máteruechani ka sánderu juchari erachichani, iáminduechachi sési pʼikuarheraaka. Ísï jimbo, ju je méntkisï miáni eska saludu ma kánikua jarhuajpisïnga.