1. Enga Adani ka Eba pekaripkia, ¿ambe informasioni íntspespi Jeoba juchari enemigueri?

ADANI sési mítispti eskaksï akuitsicha no uandasïrenga. Ísï jimbo, enga akuitsi ma Eba jingoni uandontskuarhipka, jamberi Adani jánhaskapti eska espiritu máespka enga uandani japka (Gén. 3:1-6). Tsimarhanksï no ma ambe mítispti ima espiritueri. Nájkiruka no mítipka, Adani jurajkuspti imeri Táti uékpitini auandarhu anapuni ka imani espiritu jingoni úkuarhini enga no kurhandirapka (1 Tim. 2:14). Jeoba jirejiresï íntspespti informasioni ima enemigueri enga úpka eska Adani ka Eba pekaripiringa ka eiatspespti eska kʼamajkupiringa. Ka ístu, uandaspti eska ma tiempu i espiritu no sési kaapiringa imechani engaksï xénchajka Tata Diosïni (Gén. 3:15).

2, 3. ¿Andisï Jeoba no kánikua informasioni íntspepi i enemigueri ante de Mesiasi jurhani?

² Jeoba, enga kánikua jánhaskatika nójtsïni méni eiangusti néna enga arhinhajka ima ánjili no sési úri. * Ka dosmili kinientusi uéxurhini erokuarhispti parajtsïni eianguni náki uandakua o nombri úrapirini para xarhatani na enga jásïka ima espiritu: Satanasi, enga arhikuekajka  “Tájpanharikpiti” (Job 1:6). Ka i nombri, karakata jarhasti solu tanimu libruecharhu Karakata Ebreaecheri: 1 Crónicas, Job ka Zacarías. ¿Andisï Jeoba no kánikua informasioni íntspepi i enemigueri ante de Mesiasi jurhani?

³ Jeoba no uánikua ambe uandantasïndi Satanasiri ambe ka ambe enga xáni újka, Karakata Ebreaecharhu. Rasoni sánderu kʼéri enga jimbo kararkuarhipka Karakata Ebreaechani, jindespti jarhuatani kʼuiripuni paraksï úni mítintani ka chúxapani Mesiasini (Luk. 24:44; Gal. 3:24). Enga Mesiasi janopkia, Jeoba imani úraspti ka imeri disipuluechani para uánikua ambe mítitarpini ambe engachi mítikia Satanasiri ambe ka espirituecheri engaksï imani jingoni úkuarhika. * Ka inde ambe sési jarhasti, jimboka Jeoba Jesusini úraaka ka erakukatechani para kʼamajkuni Satanasini ka imeri chúxapatichani (Rom. 16:20; Jaŋ. 17:14; 20:10).

4. ¿Andichisï no jatsi para chérhini Satanasini?

⁴ Apostuli Pedru, uandaspti eska Noambakiti ísïska eska “leoni apejpiti” ma, ka Juanu arhiraspti “dragoni” ka “akuitsi” (1 Ped. 5:8; Jaŋ. 12:9). ¿I ambe arhikuekasïni eskachi jatsiska para chérhini Satanasini? Nómbe, jimboka imeri uinhapikua límite ma jatsiska (arhinta je Santiagu 4:7). Juchachi Jeobaeri jarhuajperata jatsiska, Jesusiri ka ambakiti ánjilicheri. Imecheri jarhuajperata jingoni, uákachi orhepani uérakuni Noambakitini. Peruchi jatsiska para mókuantani tanimu kurhamarhikuechani: ¿Na xáni uinhapikua jatsiski Satanasi? ¿Ambe xáni úsïni para enganiarini kʼuiripuni? Ka ¿ambe xáni úsïni úni imeri uinhapikua jingoni? Ju je exeani ini kurhamarhikuechani ka ambechi uá jorhenguarhini.

5, 6. ¿Andiksïsï kʼuiripueri gobiernuecha no újki imani ambe úni enga kʼuiripu xáni uétarhinchajka?

⁵ Uánikua ánjiliksï Satanasi jingoni úkuarhisti. Ante de Dilubiu úkuarhini, Satanasi úspti eskaksï máru ánjilicha relasioni sexuali jatsipiringa nanakecha jingoni. Biblia ini ambe ísï xarhatasïndi enga uandajka eska dragoni ma, úsïnga eskaksï imani jingoni úkurhiaka tersera parti auandarhu anapu jóskuecha (Gén. 6:1-4; Jud. 6; Jaŋ. 12:3, 4). Engaksï ima ánjilicha jurajkupka Jeobaeri familiani, jurajkusptiksï para Satanasi kontrolariuani. Peruchi no jatsiska para eratsini eskaksï grupu máeska engaksï no organisadu jaka para no sési ambe úni. Satanasi sáno májkueni jásï juramukua ma ústi eska Tata Diosïri Reinu ka ima mísmu rei úkuarhisïndi. Organisariuasti demoniuechani gobiernuecha jimbo, íntsaasti juramukua ka interu parhakpiniri juramuti uásti (Efes. 6:12).

⁶ Satanasi úrasïndi ini organisasionini para kontrolariuani iámindu kʼuiripueri gobiernuechani. I ambe, xarharaspti eska ísïska, jiájkani enga Jesusini exerapka “iámindu parhakpinirhu anapu nasionichani” ka arhispti: “Ji tʼunguini íntskuaka iámindu indeni juramukuani ka ístu imeri tʼíntskuani jimbokani ji entregarinhaska iámindu indeni ambe, ka ji uáka íntskuni néni engani ji uékaaka íntskuni” (Luk. 4:5, 6). Peru nájkirukaksï imeri jájki jimbo jaka, uánikua gobiernuechaksï úsïndi ambakiti ambe para kʼuiripu. Ka jarhastiksï gobernanticha engaksï ambakiti ambe uékajka úni. Peru no ma gobiernu jarhasti ni juramuti enga jatsika uinhapikua para imani ambe úni enga kʼuiripu xáni uétarhinchajka (Sal. 146:3, 4; Jaŋ. 12:12).

7. ¿Néna úrasïni Satanasi relijioni no jurhimbitini, parhakpiniri kʼérati negosiuechani ka ístu gobiernuechani para enganiarini kʼuiripuni? (Exe je dibujuni enga uénakuarhu jaka).

⁷ Para enganiariuani “iámindu parhakpini anapuechani”, Satanasi ka demoniuecha no soluksï úraasïndi gobiernuechani, sino ístu relijioni no jurhimbitini ka parhakpiniri kʼérati negosiuechani (Jaŋ. 12:9). Úrasïndi relijioni no jurhimbitini para chkuanderakua ambe uandani Jeobaeri. Ka uékasïndi konseguirini eska uánikua  kʼuiripu mirikurhiaka Tata Diosïri nombrini (Jer. 23:26, 27). Iámindu ini ambe jimbo, uánikua kʼuiripu eratsisïndi eskaksï Tata Diosïnisï kómarhini jarhajka, peru sési jimboksï demoniuechanisï kómarhiani jarhajti (1 Kor. 10:20; 2 Kor. 11:13-15). Parhakpiniri kʼérati negosiuechani úrapariani, Satanasi etsakusïndi máteru chkuanderakua. Por ejemplu, úsïndi eska kʼuiripu jakajkuaka eska para sési irekani, jatsiska para kánikua tumina jatsini ka jatsikuarhikua ambe (Prov. 18:11). Ima engaksï jakajkujka ini chkuanderakuani, úrasïndiksï imecheri tsípikuani paraksï puru “jatsikuarhikuani” ambejku uékani, enbesi de Jeobani (Mat. 6:24). Uékperakua jatsikuarhikua ambe jimbo, úsïndi eskaksï nóteru uékaakia Tata Diosïni (Mat. 13:22; 1 Juanu 2:15, 16).

8, 9. a) ¿Ambe tsimani ambechi jorhenguarhisïni ambe engaksï úpka Adani, Eba ka ánjili no sési úricha? b) ¿Nénajtsïni marhuachisïni mítini na enga xáni juramukua jatsika Satanasi?

⁸ Ambe engaksï úpka Adani, Eba ka ánjili no sési úricha, tsimani ambejtsïni jorhendasïndi. Primeru, ochi Jeoba jingoni úkuarhia, o Satanasi jingoni. Jatsiskachi para nema jingoni úkuarhini (Mat. 7:13). Ka segundu jindesti eska engachi Satanasini apoiariska, ambe engajtsïni ima íntskuaka kʼamakurhiati. Adani ka Eba úsptiksï konseguirini jandiajku juramukuarhini ka demoniuechaksï ústi konseguirini sánisï juramukua jatsini para kontrolariuani gobiernuechani (Gén. 3:22). Peru Noambakiti jingoni úkuarhini, méntkisï sánderu no sési ambe úkuarhisïndi ka eska sési ambe (Job 21:7-17; Gal. 6:7, 8).

⁹ ¿Nénajtsïni marhuachisïni mítini na enga xáni juramukua jatsika Satanasi? Ma ambe, úsïndi eskachi kurhanguaka eska Jeoba uékasïnga eskachi janhanharhiauaka juramutichani ka gobiernuechani (1 Ped. 2:17). Jeoba uékasïndi eskachi méntkisï kumpliriuaka gobiernueri leichani, mientrasi enga terokuntaaka Tata Diosïri juramukuecha jingoni (Rom. 13:1-4). Peru ístuchi mítiska eskachi no jatsiska para partiduni ma apoiarini o imani enga politikani orhejtsïkujka (Juanu 17:15, 16; 18:36). Ka máteru ambe, mítini na enga xáni juramukua jatsika Satanasi, úsïndi eskachi niuaka eianhpini. Jimbokachi exesïnga ambe enga uéjka úni Tata Diosïri nombri jingoni ka na enga jásïka Jeoba, úsïndi eskachi sánderu uékaaka aianguani máteruechani jurhimbikua ambe Jeobaeri. Úrasïngachi imeri nombrini ka sésichi pʼikuarherasïnga ísï úni. Mítiskachi eska xénchani Tata Diosïni, sánderuchi kóntperatechani jatsiasïnga ka eska tuminani uékani ka jatsikuarhikua ambe (Is. 43:10; 1 Tim. 6:6-10).

10-12. a) ¿Néna úrapi Satanasi trampa ma para úni eskaksï uánikua ánjilicha pekaripiringa? b) ¿Ambechi jorhenguarhisïni ambe engaksï úkuarhinchapka ima ánjilicha?

¹⁰ Paraka kʼuiripu imani ambe uáka enga Noambakiti uéjka, mámaru ambe úrasïndi paraksï  kurhajchani. Exenchi jauaka eska ménisï trampechani úraasïnga ka ménisï kʼuiripuni.

¹¹ Primeru, ju je exeni néna úraspi Satanasi trampa ma para úni eskaksï uánikua ánjilicha pekaripiringa. Seguru eska ióni jámapka jingontku exeani para mítini néna úni eskaksï kasu úkupiringa ka eskaksï imani jingoni úkuarhipiringa. Ka máru ánjilichaksï niáraspti tramparhu uekorhini ka relasioni sexualiksï jatsispti nanakecha jingoni. Imecheri sapiichaksï iójtarhaspti, no sésiksï jámasïrendi ka no sési kámpini (Gén. 6:1-4). Jamberi Satanasi no solu úrapti ísku jándikua ambe komu trampa ma, sino ístu aiakuapti eskaksï úpiringa juramukuani kʼuiripuechani. Jamberi, ambe enga uékenga úni Satanasi, jindepti eska no niárapiringa jarhani “uarhiitiri desendensia” enga Tata Diosï aiatspipka (Gén. 3:15). Peru Jeoba Dilubiu ma juáspti ka ísï úparini, no jurajkuspti eska úkuarhipiringa ambe engaksï Satanasi ka demoniuecha uékenga úni.

¹² ¿Ambechi uá jorhenguarhini? Eskachi jatsiska para kurhanguni eska kánikua peligrosueska ísku jándikua ambe úni ka jukari konfiarikuarhini. Ima ánjilicha engaksï Satanasi jingoni úkuarhipka, uánikua uéxurhinksï marhuakuspti Jeobani auandarhu. Peru asta ini xáni pímbinhasï lugarirhu, uánikua ánjilichaksï jurajkuspti eskaksï uénapiringa no sési jásï ambe eratsini. Májkueni, jamberichi juchajtu uánikua uéxurhini páni jakaia marhuakuni Tata Diosïni imeri organisasionirhu, ixú echerirhu. Peru asta ini xáni ambakiti lugari jimbo, uáti uénani jarhani juchari mintsitarhu no sési jásï ambe (1 Kor. 10:12). Ísï jimbo, kánikua jukaparhakuesti eskachi méntkisï exeni jauaka ambe jarhaski juchari mintsitarhu ka nochi jámani jukari konfiarikuarhini ni ikichakueni jásï ambe eratsini (Gal. 5:26; arhinta je Kolosasi 3:5).

13. a) ¿Náki máteru trampa úrasïni Satanasini enga kánikua marhuakujka? b) ¿Ambechi jatsiski para úni parachi no uekorhini ini tramparhu?

¹³ Máteru trampa enga kánikua marhuakujka Satanasini, jindesti sïkuamikua ambe. Ima no solu relijioni no jurhimbitini úrasïndi paraka nema uékaaka mítini demoniuecheri ambe, sino ístu iámindu jásï tsípikuarhita ambe. Úraasïndi pelikulechani, chʼanakuechani aparatuecha jingoni ka máteru ambe, paraka sïkuamikua ambe ísï xarharaaka eska ambakiti ambeska. ¿Ambechi jatsiski para úni parachi no uekorhini ini tramparhu? Nochi jatsiska para erokuarhini eska Jeobaeri organisasioni lista ma petaaka para xarhatani náki tsípikuarhita sési jarhaski ka náki nómbe. Táchanisïchi jatsiska para úni eska juchari konsiensia ambakiti ambe erakuaka úni enga terokuntaaka Jeobaeri juramukuecha jingoni (Ebr. 5:14). Uákachi ambakiti ambe úni engachi kurhajchaska apostuli Pablueri konsejuni eskachi jatsiska para uékani Tata Diosïni “mintsita jingoni ka no solu uandakua jimbojku” (Rom. 12:9). Ju je kurhamarhikuarhini:  “Enga estudianti ma o rebisita ma exepiringa ambe engani jingoni tsípikuarhijka, ¿eratsipirini eskani úxaka ambe engani eianhpijka o eskani ísku apari máeska? Engachi uáka ambe engachi eianhpijka, no xáni fásiliuati eskachi uekorhiaka Satanasiri trampecharhu (1 Juanu 3:18).

14. a) ¿Ambe xáni úrasïni Satanasi parachi jurajkuni Jeobani? b) ¿Nénachi uá orhepani uérakuni ini ambe?

¹⁴ Iásï, ju je exeni ambe xáni úrasïni Satanasi parachi jurajkuni Jeobani. Por ejemplu, úraasïndi gobiernuechani parajtsïni no jurajkuni eianhpini. Ka ístu úraasïndi ánchikuarhiteri o eskueleri anapu kompanieruechani parajtsïni teresmarhuni, jimbokachi uékasïnga Jeobaeri pímbinharhati juramukuechani kumpliriuani (1 Ped. 4:4). Ístu, uáti úraani juchari parientichani parajtsïni desanimarini parachi nóteru nirani tánguarhikuecharhu, nájkirukaksï sési ambe uéjka para jucha (Mat. 10:36). ¿Nénachi uá orhepani uérakuani ini tsʼéjkukuechani? Primeru, ju je jiókuarhini eska i ambe jatsiska para úkuarhini, jimboka Satanasi uarhiperaxaka juchantsïni jingoni (Jaŋ. 2:10; 12:17). Segundu, ju je no jurajkuni eskaksï i problemecha uáka eskachi mirikurhiaka imani ambe enga Satanasi uandajka: eskachi solu jiáni marhuakusïnga Jeobani engachi sési jarhajka ka eskachi niáraaka jurajkuni engachi no sési kánhaaka (Job 1:9-11; 2:4, 5). Ka últimu, ju je kurhakuni Jeobani eskajtsïni íntskuaka uinhapikua parachi aguantarini. Ju je miáni eskajtsïni Jeoba no méni jurajkuaka (Ebr. 13:5).

15. ¿Uájtsïni Satanasi afuersa úrani imani ambe engachi no uékaaka? Explikari je.

¹⁵ Satanasijtsïni no uáti afuersa úrani imani ambe engachi jucha no uékaaka (Sant. 1:14). Uánikua kʼuiripuechaksï no kuenta íntskukuarhisïndi eskaksï imani ambe úxaka enga Satanasi uékajka. Peru engaksï jorhenguarhijkia jurhimbikuani, jatsistiksï para exeni nénksï uékasïni marhuakuni (Uku. 3:17; 17:30). Engachi mintsita jingoni uékaska kurhajchani Tata Diosïni, Satanasi no ma ambe uáti úni parachi jurajkuni Jeobani (Job 2:3; 27:5).

16, 17. a) ¿Ambe máteru ambeksï ístu no úsïni úni Satanasi ka demoniuecha? b) ¿Andichisï no jatsi para chéni bosi alta jimbo kómarhini Jeobani?

¹⁶ Jarhasti máteru ambe engaksï Satanasi ka demoniuecha no újka úni. Por ejemplu, Bibliarhu, no nani arhisïndi eskaksï úsïnga mítini ambe engachi eratsijka o ambe enga juchari mintsitarhu jaka. Solu arhisïndi eska Jeoba ka Jesusijkusï újka ísï úni (1 Sam. 16:7; Mar. 2:8). Peru ¿ambe úkuarhisïni engachi uandajka o engachi kómarhikua ma újka bosi alta jimbo? ¿Uétarhisïni chéni eskaksï Noambakiti ka demoniuecha kurhauaka ambe engachi uandaaka ka úranksï imani ambe parajtsïni no sési úcheni? Nómbe. Ísï eskachi na no chéjka eskajtsïni Noambakiti exeaka eskachi marhuakusïnga Jeobani, ístuchi no jatsiska para chéni bosi alta jimbo kómarhini jimbokajtsïni kurhaauaka (1 Rey. 8:22, 23; Juanu 11:41, 42; Uku. 4:23, 24, Táta Diósïri Uandakua Tata Jesukristueri Aiatsperakua). Engachi jánguarhintaska xáni eskachi xáni uáka para uandani ka imani ambe úni enga Tata Diosï uéjka, uákachi seguru jarhani eska Jeoba no jurajkuaka eska Noambakiti uáka eskachi no intsïnhaaka tsípikua para méntkisï (arhinta je Salmo 34:7).

¹⁷ Uétarhisïndi eskachi mítiaka juchari enemiguni, peru nochi jatsiska para chérhini. Nájkirukachi no perfektueka, uákachi orhepani uérakuni Jeobaeri jarhuajperata jingoni (1 Juanu 2:14). Engachi anhatsekuska Noambakitini, imajtsïni kéndikuchiati (Sant. 4:7; 1 Ped. 5:9). Peru imechani enga Noambakiti sánderu uéjka no sési úkuani, jindestiksï tumbiicha. ¿Ambeksï jatsiski para úni tumbiicha paraksï orhepani uérakuni Noambakitini? Mókuntaakachi ini kurhamarhikuani máteru artikulurhu.