SÁNO méntkisï, Pablueri jurhiatikuecha jimbo nóksï jarhasïrendi barkuecha para kʼuiripu biajarini. Para kʼuiripu ma úni biajarini, jatsisïrendi para kurhanguarhini sini jarhasïreni barku ma enga karga páenga ka enga jimesï nipiringa nani enga kʼuiripu uékenga nirani ka eska uékapiringa kʼuiripuechani paani (Uku. 21:2, 3). Nájkiruka barku no meru jima niárapiringa nani enga kʼuiripu uékenga niárani, ima úsïrendi jatani imani barkuni ka enga barku nani anhaxurhipiringa, jima jirinhani máteru barkuni enga no iauani jurajkupiringa nani enga uékenga niárani (Uku. 27:1-6).

Ma uéxurhini jimbo, barkuechaksï máru tiempuecha jimbojkusï uéndi biajarini ka nóksï jatsispti orariu ma. Kʼuiripu ma enga ísku ambe jakajkuenga, úsïrendi ióndani uérani enga no sési jánhaskuarhipiringa ka ístu enga pʼikuaritsïpiringa ambe ma, por ejemplu, enga kʼuaki ma barkurhu kurhakuarhipiringa o enga exenga barkueri pedasuechani mariru uanamukutini. Kʼuiripu solu jiáni xanhatatasïrendi barkuni enga tarhiata jarhuatapiringa, jimboka solu ísï úpiringa xanhatatani. Ísï jimbo, enga kʼuiripu ma exentenga barkuni enga pápiringa, imeri ambe jingoni jatsisïrendi para jima niárani engaksï barkuecha jarhenga ka erokuarhini astaka uandanhapiringa eska barku uérapiringia.

Lionel Casson enga istorieri ambe exejka, uandasïndi: “Roma jatsispti ambe ma enga marhuakuauenga kʼuiripuechani paraksï no jini ka jini jámani jarhani barku ma jirinhani mueiecha jimbo. Barkuechaksï jima jarhaspti nani enga ríu Tíber niárenga. Iretarhu Ostia enga no iauani japka, plasa ma jarhaspti nani engaksï ofisinecha japka. Uánikua i ofisinechaksï jindespti para barkuecha engaksï uápurisï nirenga: Narbona [iásï Francia] anapu barkuecha, Cartago [iásï Túnez] anapu barkuecha, [...] ka máteruecha. Kʼuiripu enga uékenga biajarini, solu jatsisïrendi para nirani kurhanguarhini ofisinarhu siudadicharhu engaksï jimesïsï japka.

Marirhu ísï biajarini, kʼuiripu sánderu sóntku niárasïrendi, peru ístu peligru jarhaspti. Apostuli Pablu someni no sési úkuarhinchaspti marirhu jiáni enga biajariuenga para nirani aianhpini (2 Kor. 11:25).