MIERKULISÏ tsípa 24 de eneruni 2018, ambakiti ambeksï eianguaspti Beteli anapu erachichani jini Estados Unidos ka Canadá, eska erachi Kenneth Cook, uájpa, ánchikuarhiakia Grupu jingoni enga Orhejtsïkuajka iámindu kúnguarhikuechani Jeobaeri Testiguecheri.

Erachi Cook, jini Pensilvania (Estados Unidos) andajpenusti ka jima kʼuiripesti. Imeri eskuelarhu anapu kompanieru ma eianguspti Bibliaeri ambe, antedeksï preparhu uéntani ka 7 de juniuni 1980 jimbo itsï atakuarhispti. Ka 1 de septiembrini 1982, uénaspti sánderu marhuani komu prekursori regulari. Tsimani uéxurhini tátsekua, Beteli pʼímarhinhaspti. Uénaspti marhuani jini Wallkill (Nueva York) 12 de oktubrini 1984 jimbo.

Erachi Cook beintisinku uéxurhini jimbo, niáraspti ánchikuarhini imprentarhu ka Ofisina de Beteli. Uéxurhini 1996, tembuchaspti pirenchi Jamie jingoni ka jiáni uératini, uénaspti imani jingoni marhuani Wallkill. Disiembrini 2009 jimbo, móskunhasptiksï Kʼumanchikuarhu nani enga Watchtower jorhentpijka jini Patterson, nani enga erachi Cook arhinhapka eska exeapiringa ka mókuantaani Bibliaeri kurhamarhikuechani. Abrilini 2016 jimbo, engaksï kʼuanhatsintapka ma tiempu jini Wallkill, erachi ka pirenchi Cook, axanhasptiksï Brooklyn. Ka sinku kutsï tátsekua, sentrali mundiali jimboksï axanhaspti enga Warwick jaka. Ka eneruni 2017, erachi Cook arhinhaspti para jarhuajpini Bibliaeri publikasionichani úani Grupueri enga Orhejtsïkuajka iámindu kúnguarhikuechani.