Úsïndi arhinhantani ióntki anapu karakata ma
Enga 1970 jimbo exenhantapka karakata ma jini Ein Gedi, no úspti arhinhantani, jimboka sáno iámu kurhirixapka. Peruksï úraspti ambe ma para tanimu laduechani exeani indeni roiueri enga xarhatapka eska ma partispka librueri de Levítico enga Tata Diosïri nombri karakata jaka.
UÉXURHINI 1970 jimbo, grupu ma engaksï ióntki anapu ambe jirinhantajka, exentastiksï karakata ma enga sáno iámu kurhika, jini Ein Gedi (Israel) enga mari Muerturhu uanamukutini ísï jaka imani ladu jimbo enga jurhiata inchajtsïkujka. Jiánksï exentaspti engaksï sinagogarhu ma jarhakuni japka enga jiáni kurhipka enga ireta kʼamajkunhapka, jamberi siglu seisi jimbo. Karakata xáni nóteru sési jáxesptia enga no uénga ni arhikuarhintani. Asta jamberi tsepukurhisïrendi enga uékenga pʼirakunhani. Jimajkani, ¿nénaksï úspi pʼirakuni ka úni exeni ambe enga arhienga? Úrasptiksï ambe ma para tanimu laduechani exeani ka programa ma úraparini enga újka imajenichani exeani komputadora ma jingoni.
Imajenichaksï xarhatasti eskaksï Bibliaeri karakatecheska. Indeni katakatarhu, jarhastiksï máru bersikuluecha engaksï uénani jámani jaka librueri de Levítico jimbo. Ini karakata jimbo jarhasti Tetragrámaton, tʼámu letrecha enga jindeka Tata Diosïri arhinhakua ebreu jimbo. Uandanhasïndi eska i karakata primeru sigluni teruanisï anapueska, despuesi de Jesusi, ka siglu kuatru jimbo, despuesi de Jesusi. Inde ambe arhikuekasïndi eska Bibliaeri karakata máeska ebreu jimbo enga sánderu ióntki anapueka desdeka exenhantaka mari Muerturhu anapu Roiu, jini Qumrán. Gil Zohar periodukurhu karaspti The Jerusalem Post: “Astakaksï úpka exeni ambe enga arhienga ima pedasu librueri de Levítico enga jini Ein Gedi exenhantaka, mili uéxurhini nitamaspti engaksï no ma ambe exentani japka desdeka exenhantaka mari Muerturhu anapu Roiu (enga dosi mili uéxurhini ísï anapueka, jimboka jimajkanisï anapueska ante de Sorobabeliri templu kʼamajkunhani) ka Códice de Alepo (enga entre uéxurhini 901 despuesi de Jesusi ka 1,000 despuesi de Jesusi karanhaka)”. Kʼuiripuecha engaksï indeni ambe sési mítikuka, uandasïndiksï eska inde karakata enga úka exenhani ambe enga arhijka, xarhatasïndi eska karakata Torá (engaksï jindeka sinku primeru libruecha: Génesis, Éxodo, Levítico, Números ka Deuteronomio) “ísï jarhaska eska meru na karakata japka nájkiruka iónikia enga nitamaka ka eska imecha engaksï karantaka, nóksï ambe ma mójtakuska”.