AIANHPIRI Núm. 1, 2024 | Libru ma engajtsïni uaaka jarhuatani imani ambe úni enga sési jaka
¿Nénari uaa míteni ambesï sési jaki ka ambe nómbe? Uánikua kʼuiripuechaksï imani ambe úsïndi enga imeecheeri konsiensia arhiajka o na engaksï kʼuiriperanhaka. Ka máruksï imani ambe úsïndi engaksï máteruecha arhiajka. ¿Ka chá májkueni úsïni eskaksï inde kʼuiripuecha? ¿O ambeksïni jarhuatasïni parajtsï ambakiti ambe erakuni úni? Ka ístu, ¿nénajtsï uaa seguru jarhani eskaksïni marhuacheaka ambe engajtsï erakuaka úni ka eska ístu marhuakuaka chaari familiani?
Úni ambe enga sési jaka: Iáminduechachi jatsiska para exeni ambesï sési jaki ka ambe nómbe
¿Ambeksïni jarhuataa exeni ambejtsïsï jatsi para úni ka enga sési jauaka?
Úni ambe enga sési jaka: ¿Nénaksï erakusïni kʼuiripuecha ambe engaksï jatsika para úni?
Úpiringachi imani ambe úni engachi jucha exejka eska sési jarhaska o imani ambe úni engaksï máteruecha uandajka, ¿joperu jaki ambe ma engajtsïni meru jarhuataaka sési ambe úni?
Úni ambe enga sési jaka: Biblia jurhimbiti uandasïndi ambe engachi jatsika para úni
Uánikua kʼuiripuechaksï seguru jarhasti eskajtsïni Biblia jarhuatasïnga úni ambe enga sési jaka. Exe je andiksïsï ísï uandajki.
Úni ambe enga sési jaka: Bibliajtsïni jarhuatasïndi míteni ambesï sési jaki ka ambe nómbe
Ju je exeni na enga Biblia jarhuajpejka tʼámu ambe jimbo. Ka uánikuechaksï exekuarhistia eska ísïiska.
Úni ambe enga sési jaka: Ambe ma enga chá jatsika para erakukuarhini
¿Chá néni jurajkua eskaksïni arhistachiaka?
¿Jarhaski ambe ma engachi uaaka mintsikani ka engajtsïni jarhuataaka ini jurhiatikuechani jimbo?
Bibliajtsïni jarhuatasïndi ambakiti ambe erakuni úni ka engachi no méni arrepentirikurhiaka.
