¿Jarhaski ambe ma engachi uaaka mintsikani ka engajtsïni jarhuataaka ini jurhiatikuechani jimbo?
Íni parhakpinirhu méntku mójtakurhini jarhasïndi ambe ma. Jimajkani, ¿nénachi uaa seguru jarhani eskajtsïni sési nicheaka imani ambe jingoni engachi erakuaka úni? Ambe engachi iásï sési exejka, ¿nénachi uaa seguru jarhani eska tátsekua no mójtakurhiaka?
Bibliajtsïni jarhuatasïndi ambakiti ambe erakuni úni ka engachi no méni arrepentirikurhiaka. ¿Andichisï ísï uandajki? Jimbokajtsïni juchaari Tata Kuerajpirisï intsïkuarhika Bibliani ka ima sési mítesti ambe engachi uétarhinchajka parachi úni tsípikua jingoni irekani ka seguru p’ikuarherani.
“Imakeni arhisti, [...] ambe enga sési jaka” (Miqueas 6:8).
Uaakachi sési jimbo jakajkuni eskajtsïni Biblieri konsejuecha jarhuataaka, jimboka ambe enga jimini arhijka mintsinharhikueska ka méntkisï marhuauati (Salmo 111:8).
¿Nójtsï uékapirini exeni na engaksïni Biblia uaaka jarhuatani iásï enga xáni mámaru ambe úkuarhini jaka parhakpinirhu?
Jamberijtsï ístu uéjka ini ambe míteni
ESSENTIAL BIBLE TEACHINGS
¿Jurhimbitku uandasïni Biblia?
Enga Bibliani Tata Diosï kararkuarhika, jiájkani i jatsisti para no májkuenini eska máteru libruecha.
JUCHARI AMBE
Kurhajkuarhi je paraksïni nema pʼorhembini
Jeobaeri testigu ma jingoni uandontskuarhi je ma ambeeri enga Biblia uandajka, o kurhanguarhi je parajtsï sánderu ambe míteni Jeobaeri tetiguecheri ambe
