Enga i ambe úkuarhiska, kúnguarhikua exeati eska acheeti tembuchantaskia, ka eska í ambe úska eska primeru temungurhirikua kʼamakurhipiringa ka eska iásï anapu sési jarhaska. Parachi úni kurhanguni andichisï ísï eratsejki, ju je exeni ambe enga uandapka Jesúsi diborsiueri ambe ka enga nema tembuchantajka.

Mateu 19:9 jimbo Jesúsi uandaspti eskaksï temungurhiricha uaaka diborsiarikuarhini arini ambe jimbojku: “Ima enga niáraaka jurajkuni imeeri témbani, joperu no ísku jándikua ambe jimbo, ka máteru nemani tembuni, ima niárasïndi ísku jándikua ambe niátani”. Indeeri ambe enga Jesúsi uandapka ini ambechi jorhenguarhisïnga 1) eskaksï temungurhiricha ísku jándikua jimbojkuksïsï uaaka diborsiarikuarhini ka 2) ima enga diborsiarikuarhiaka imeeri témbeeri máteru ambe jimbo enga Biblia no uandajka ka tembuchantani ísku jándikua ambe niátasïnga. a

¿Ambe enga Jesúsi uandapka arhikuekasïni eska enga acheeti ma ísku jándikua ambe niátaska ka diborsiarikuarhini imeeri témbeeri eska Biblia sésikua íntskusïnga para tembuchantani? No meru indeni ambesï arhikuekani jati. Enga acheeti o uarhiti ísku jándikua ambe niátaska, ima enga no kulpa jatsika uaati uandani sini puákuntaa o nómbe. Ka enga erakuska diborsiarikuarhini, tsimarhanksï uaati tembuchantani engaksï na sési diborsiarikuarhiakia.

Peru, jamberi témba uékajti puákuntani uámbani paraka imeecheri temungurhirikua no kʼamakurhiaka. Joperu, ¿ambe úkuarhisïni enga uámba enga ísku jándikua ambe niátaka no uékaaka eska témba puákuntaaka ka ima diborsiarikuarhini? Jimboka témba uékaxaka puákuntani paraksï no jurajperani, Biblia uandasïndi eska ima no uaaka tembuchantani. Joperu enga acheeti uandaska eska diborsiarikuarhiaka no imani ambe jimbo enga Biblia uandajka ka enga tembuchantaska, ménderu ísku jándikua ambe niátasïndi. Kúnguarhikuarhu anapu orhejtsïkutichaksï jatsipirindi para máteru komite judisiali ma úkuni paraksï exeni indeni ambe (1 Kor. 5:1, 2; 6:9, 10).

Enga acheeti ma tembuchantaska, joperu Bibliarhu uandani eska no uaaka ísï úni, ¿kúnguarhikua néna exesïni primeru temungurhirikuani ka iásï anapuni? ¿Biblia uandasïni eskaksï útasï temungurhirisïnga primera témbani jingoni? ¿Uaa útasteru uandani témba eska puákuntaaka imani enga uámbeepka? ¿Iásï anapu temungurhiri ísku jándikua ambe niátani japirini?

Asta iásï jamberi, kúnguarhikua eratsesïreendi eska enga acheeti tembuchanteenga ísku jándikua ambe niátani jarhasïreenga, jimboka imeeri primera témba útasï irekani jarhasïreenga, no uambuchantaxapka ka jimboka ima no ísku jándikua ambe niátaspka. Joperu Jesúsi no ma ambe uandaspti imeeri ambe enga no ma kulpa jatsipka jiáni enga diborsiueri ambe uandapka ka para ménderu tembuchantani. Sánderu sési, uandaspti eska acheeti enga diborsiarikuarhijka, nájkiruka Biblia uandajka eska no sési jarhaska ka tembuchantani, ísku jándikua ambe niátasïnga. Ísï jimbo, diborsiarikuarhini  ka tembuchantani —enga Jesúsi uandapka eska ísïiska komueska ísku jándikua ambe niátani— úsïnga eska primeru temungurhirikua kʼamakurhiaka.

Enga acheeti diborsiarikuarhiska ka tembuchantani, ísï kʼamakuni jarhasïndi imeeri primeru temungurhirikuani ka témba enga no kulpa jatsika, nóteru uaatia erakuni sini puákuntaa o jurajkua. Ka uarhiiti nóteru jatsistia para uandanhiani jarhani ini ambe jimbo. Ístu, na enga exeaka kúnguarhikua iásï anapu temungurhirini, no jatsisti para mójtakurhini solu jimboka uarhiiti enga no kulpa jatsika niáraaka uarhini, uambuchantani o ísku jándikua ambe niátani. b

Ejemplurhu engachi ueenakuarhu uandaka, acheeti ísku jándikua ambe niátasïndi ka indeni ambe jimbo diborsiarikuarhisïndiksï. Joperu ¿nénachi jatsiski para exeni enga acheeti diborsiarikuarhiska ka tembuchantani, nájkiruka no ísku jándikua ambe niátaaka? ¿O enga tátsekua ísku jándikua ambe niátapiringa engaksï na diborsiarikuarhipiringia ka ima tembuchantani nájkiruka témba uékani japka puákuntani? Enga inde ambe úkuarhiaka, enga acheeti diborsiarikuarhiska ka tembuchantani —enga ísïika eska ísku jándikua ambe niátani— úsïndi eska primeru temungurhirikua kʼamakurhiakia. Jimbanhi temungurhiri leini japarini sési jarhasti. Rebista La Atalaya 15 de febreru enga 1980 uérapka pájina 30, uandaspti eska ima kʼuiripu, jimbanhi temungurhirikuani ma ueenaspkia “ka indeni ambe jimbo no úpirindi ísku jurajkuni iásï anapu temungurhirikuani ka ménderu kʼuanhatsentani primeru jingoni; primeru temungurhirikua kʼamakurhisti enga kʼuiripu diborsiarikuarhika, ísku jándikua ambe niátani ka enga tembuchantaka”.

Na engachi kurhangujkia iásï, no arhikuekasïndi eskachi kristianuecha nóteru ísï exeakia temungurhirikuani komueska ambe ma enga pímbinhasïika, nijtu újki eskachi nóteru kʼéri pekadu ma exeakia ísku jándikuani. Enga acheeti ma diborsiarikuarhiska ka tembuchantani, joperu no imani ambe jimbo enga Biblia no uandajka, orhejtsïkutichaksï jatsisti para komite judisiali ma úkuni, jimboka acheeti ísku jándikua ambe niátaska. (Enga iásï anapu témba kristianeka, jatsiati para ístu komite judisiali ma úminhani, jimboka imajtu ísku jándikua ambe niátasïnga). Nájkiruka iásï anapu temungurhiri no ísku jándikua ambe niátani jaka, acheeti uánikua uéxurhini no úpirindi responsabilidadichani intsïnhaani kúnguarhikuarhu. Jatsipirindi para erokuarhini eska kʼuiripu nóteru no sési ambe uandapiringia imeeri ambe enga úpka. Ístu, orhejtsïkutichaksï jatsipirindi para exeni na jarhaski ima enga primera témbeepka enga no kulpa jatsipka enga traisionarinhapka ka ístu imeeri uájpeecha engaksï jamberi kánikua kómu nitamakuarhipka enga ima jurajkuapka (Mal. 2:14-16).

Exeparini na enga xáni no sési jaka diborsiarikuarhini imani ambe jimbo enga Biblia no uandajka ka tembuchantani, kristianuechachi sési úsïnga ísï exeni eska Tata Diosï Jeoba na exejka temungurhirikuani, komueska ambe ma enga kánikua pímbinhasïika (Ecl. 5:4, 5; Ebr. 13:4).