1. ¿Néna exesïni Jeoba mándani arhini imeri marhuarini?

UÉKPERAKUA jingoni, Jeoba kánikua jukaparharasïndi mándani arhini imeri marhuarini. Nájkirukachi iáminduecha mámaru jásï ánchikuarhita ambe újka, iáminduechachi jukaparhakueska ka uétarhinchasïngachi iáminduecheri jarhuajperata. Apostuli Pablujtsïni jarhuatasïndi kurhanguni i ambe. ¿Néna?

2. Eska na uandajka Efesu 4:16, ¿andichisï jatsi para iáminduechani jukaparharaani ka ístuchi jarhuajperani?

² Eska na uandajka tekstu nani enga pʼitakata jaka i jorhenguarhikua, Pablu uandaspti eskachi no jatsiska para i ambe erataseni máteru erachicheri: “Jíkini no uétarhinchasïnga” (1 Kor. 12:21). Paraka pínandikua jauaka kúnguarhikuarhu, jatsiskachi para iáminduechani jukaparharaani ka ístu jarhuajperani (arhinta je Efesu 4:16). Enga kúnguarhikua májku kʼéri jarhajka, erachichaksï pʼikuarherasïndi eskaksï xénchanhasïnga ka iámu kúnguarhikua sési jarhasïndi.

3. ¿Ambechi exea ini jorhenguarhikua jimbo?

³ ¿Nénachi uá xarhatani eskachi janhanharhiasïnga erachichani? Ini jorhenguarhikua jimbo, orhetachi exeaka nénaksï uá orhejtsïkuticha janhanharhiani máteru orhejtsïkutichani. Tátsekua, exeakachi nénachi uá iáminduecha xarhatani eskachi jukaparharaasïnga erachichani ka pirenchichani engaksï no tembuchatika o uambuchatini. Ka últimu, exeakachi nénachi uá xarhatani eskachi jukaparharaasïnga imechani engaksï no újka sési uandani juchari idioma.

4. Eska na uandapka Pablu ixú Roma 12:10 jimbo, ¿ambeksï jatsiski para úni orhejtsïkuticha?

⁴ Iámindu orhejtsïkutichaksï Jeobaeri espiritu santu jimbo erakunhasïndi, peru mándani arhiniksï mámaru ambe úsïndi úni (1 Kor. 12:17, 18). Jamberiksï máru apenasi erakunhati para orhejtsïkutini ka nótkiksï míteni uánikua ambe, ka jamberiksï máteruecha pʼamenchakua jimbo o jimbokaksï jatiriskia, nóteruksï úsïndia uánikua ambe úni. Joperu no ma orhejtsïkuti jatsisti para i ambe eratseni máteru orhejtsïkuticheri: “Jíkini no uétarhinchasïnga tʼunguini”. Sánderu sési, iáminduechaksï jatsisti para úni ambe enga Pablu uandapka ixú Roma 12:10 jimbo (arhinta je).

5. ¿Nénaksï xarhatasïni orhejtsïkuticha eskaksï janhanharhiasïnga máteru orhejtsïkutichani ka andisï xáni jukaparhakue eskaksï ísï uáka?

⁵ Orhejtsïkutichaksï xarhatasïndi eskaksï janhanharhiasïnga máteru orhejtsïkutichani engaksï jingontku kuarhajchaajka. Ka i ambe kánikua jukaparhakuesti jiáni engaksï tánguarhijka paraksï exeni nénaksï uá ambe ma. ¿Andi? La Atalaya 1 de oktubri 1988 anapu, arhisïrendi eskaksï orhejtsïkuticha jatsiska para kurhanguni eska Kristu espiritu santuni úraparini uáka jarhuatani náki uéjki kúnguarhikuarhu anapu orhejtsïkutini para sési péntani uandanhiata ma Biblia jingoni o erakuni úni ambe ma enga kánikua jukaparhakueka (Uku. 15:6-15). Espiritu santu jarhuataasïndi iámindu kúnguarhikuarhu anapu orhejtsïkutichani ka no máechakuantku.

6. a) ¿Ambe jarhuataua orhejtsïkutichani paraksï májku kʼéri ánchikuarhini? b) ¿Ka i ambe néna jarhuataasïni kúnguarhikuarhu anapuechani?

⁶ Enga orhejtsïkuti ma janhanharhiajka máteru orhejtsïkutichani, no méntkisï uékaati orheta uandani ambe ma jiáni engaksï iámindu orhejtsïkuticha tánguarhiaka. No imajku uandani jauati ni eratseni eska sánderu sési jauaka ambe enga ima uandaaka. Sánderu sési, kaxumbikua jingoni uandaati ambe ma ka jingontku kurhaani ambe engaksï máteruecha uandaaka. Ambe enga sánderu jukaparharaaka, jindeuati exeni ambe enga Biblia uandajka ka ísï úni eska “jántspiri” enga mintsinharhikueka ka jánhastini na uandajka (Mat. 24:45-47).  Engaksï orhejtsïkuticha uékperakua ka janhanharhikua jingoni újka iámindu ambe, Tata Diosïri espiritu santu imecha jingoni jarhasïndi ka jarhuataasïndi paraksï imani ambe úni enga iámu kúnguarhikuani marhuakuaka (Sant. 3:17, 18).

7. ¿Néna exesïreni Jesusi enga nema no tembuchenga o uambuchani?

⁷ Juchari kúnguarhikuarhu, jarhastiksï temungurhiricha engaksï kaajka sapiichani ka ístu imecha engaksï no kaajka, peru ístuksï jarhasti uánikua erachicha ka pirenchicha engaksï no tembuchatika o uambuchatini. ¿Nénachi jatsiski para exeani ini erachichani ka pirenchichani? Ju ménderu exeni néna exesïreni Jesusi enga nema no tembuchatipiringa o uambuchatini. Enga Echerirhu japka, ima no méni tembuchaspti, sánderu sési, úraspti imeri tiempuni ka uinhapikuani para Tata Diosïri ambe aianhpini. No méni jorhentpispti eska kristianu ma jatsiska para tembuchani o uambuchani níjtu uandapi eskaksï no ísï úpiringa. Peru kʼóru uandaspti eskaksï máru erakupiringa no uambuchani ni tembuchani (Mat. 19:11, 12). Ima janhanharhiasïrendi ka jukaparharaani imechani engaksï no tembuchatipka o uambuchatini ka no eratsesïrendi eskaksï kueratanchasïrenga ambe ma.

8. Eska na uandapka Pablu ixú 1 Korintu 7:7-9 jimbo, ¿ambeksï jatsispi para exeni kristianuecha?

⁸ Apostuli Pablu, Tata Diosïri marhuari máespti enga no tembuchatipka májkueni eska Jesusi. No méni jorhentpispti eska no sési jarhaska tembuchani o uambuchani. Ima mítespti eska mándani kʼuiripu jatsiska para erakuni indeni ambe. Peru arhiaspti kristianuechani eskaksï exepiringa sinksï úpirini no tembuchani o uambuchani para Jeobani marhuakuni (arhinta je 1 Korintu 7:7-9). Ísïsti, Pablu méntkisï jukaparharaaspti imechani engaksï no tembuchatipka o uambuchatini. Asta jamberi erakuspti Timoteuni enga no tembuchatini japka para kʼéri ánchikuarhita ambe úni kúnguarhikuarhu (Filip. 2:19-22). * Ísï jimbo, no sési japirindi eratseni eska erachi ma no uáka sési úni o eska sánderu sési uáka imeri ánchikuarhitani solu jimboka tembuchatiska o nómbe (1 Kor. 7:32-35, 38).

9. ¿Ambe arhisïreni rebistarhu La Atalaya 1 de oktubri 2012 anapu?

⁹ Jesusi ka Pablu nóksï jorhentpespti eska kristianu ma jatsiska para tembuchani o uambuchani o nómbe. Jiájkani, ¿ambechi uá uandani temungurhirikueri ambe ka imecheri engaksï no tembuchatika o uambuchatini?  Rebista La Atalaya 1 de oktubri 2012 anapu, i ambe arhisïrendi: “Sési jimbo, Tata Diosïri intsïmperakua máesti tembuchatini o uambuchatini jarhani o nómbe. [...] Jeoba no exesïndi eska no tembuchani o uambuchani, jindeska para no sési pʼikuarherani ni kʼuratseni”. Ísï jimbo, jatsiskachi para kánikua jukaparharaani kúnguarhikuarhu anapu erachichani ka pirenchichani engaksï no tembuchatika ni uambuchatini.

10. ¿Nénachi uá xarhatani eskachi janhanharhiasïnga imechani engaksï no tembuchatika o uambuchatini?

¹⁰ ¿Nénachi uá xarhatani eskachi janhanharhiasïnga imechani engaksï no tembuchatika o uambuchatini? Jatsiskachi para miáni eskaksï máru kristianuecha erakusïnga no tembuchani ni uambuchani. Máteruechaksï kʼóru uékapirindi tembuchani o uambuchani peruksï no exentaxati né jingoni. Ka máteruechaksï tsïndi pakarasti. Néna uéjkini, nóchi jatsiska para kurhamarhiani andiksïsï no tembuchani o uambuchani jaki ni arhiani eskachi jarhuatauaka paraksï exentani nemani. Ísïsti, nemajtsïni uáti arhini eskachi jarhuataaka. Peru enga no ísïuaka, ju je sési eratsentani nénachi pʼikuastapirini engachi arhipiringa eskachi jarhuataaka (1 Tes. 4:11; 1 Tim. 5:13). Ju je exeni ambe engaksï uandaka máru erachicha ka pirenchicha.

11, 12. ¿Nénachi úpirini no sési pʼikuastaani imechani engaksï no tembuchatika o uambuchatini?

¹¹ Sirkuitueri orhejtsïkuti ma enga tumbiika ka enga sési úni jaka imeri ánchikuarhitani, uandasïndi eska kánikua marhuasïnga no tembuchani. Peru ístu uandasïndi eska ménisï no sési pʼikuarherasïnga engaksï máru erachicha kurhamarhijka andisï no tembuchani jaki nájkirukaksï i ambe kurhamarhijka no no sési ambe eratseparini. Erachi ma enga tumbiika ka enga Beteli ma jimbo marhuani jaka, uandantasïndi: “Ménisï ísï pʼikuarherasïnga enajkiksï máru erachicha lástima uájki imechani engaksï no tembuchatika o uambuchatini, enajki kánikua úkua jukajki enga ma no tembuchajka o uambuchani ka nóksï ísï exesïndi komueska intsïmperakua ma”.

¹² Pirenchi ma enga Beteli marhuani jaka ka enga uátsïka, uandasïndi: “Máru erachichaksï eratsesïndi eskaksï iámindu uátsïcha ka tumbiicha uékasïnga tembuchani o uambuchani, o eska nani uéjki engaksï nirajka tsípikuarhini, jindeska para nobia o nobiu jirinhani. Ma jurhiani, ánchikuarhita ma niraspka úni máteru nani ka jiáni niáraspka enga tánguarhikua japiringa. Ima pirenchi engani jingoni pakarapiringa, arhisptirini eska kúnguarhikuarhu tsimani erachichaksï jarhaspka engaksï xáni jatiripka eska ji. Arhisptirini eskarini no uékaxapka nobiu jirinhachini, peru engachi inchapka Kʼumanchikua Reinuerirhu, jirejiresïrini páspti nani engaksï japka ima tsimani erachicha parani míteani. ¡Kánikuachi kʼuratsespka taniperani!”.

13. ¿Ambe uinhaperantaspi pirenchini ma enga no uambuchatika?

¹³ Máteru pirenchi enga ístu uátsïka ka enga Beteli marhuani jaka, uandasïndi: “Míteaska erachichani ka pirenchichani engaksï sáni jatirikia ka nóksï tembuchatini jarhani o uambuchani ka engaksï sési ka tsípikua jingoni marhuakuni jaka Jeobani. Ístuksï kánikua jarhuataasïndi kúnguarhikuarhu anapuechani. Séskisïksï exekuarhisïndi: nóksï kʼéri ambe exekuarhisïndi jimbokaksï no tembuchaska o uambuchani, níjtuksï ísï pʼikuarherajki enajkiksï no ma ambee jimbokaksï no tembuchatiska o uambuchatini ni sapiichani kaani”. Xáni enga sésika kúnguarhikua ma jimbo jarhani nani engajtsïni janhanharhijka ka jukaparharani. Nani enga no jaka enbidia níjtujtsïni lástima úni ka nani engachi kuenta únhajka peru ístu engajtsïni no kʼéri ambe exejka. Nani engachi iáminduecha xénchperajka.

14. ¿Nénachi xarhatasïni eskachi janhanharhiasïnga imechani engaksï no tembuchatika o uambuchatini?

 ¹⁴ Juchari erachicha ka pirenchicha engaksï no tembuchatika o uambuchatini, kánikuaksï sési pʼikuarherasïndi engachi jukaparharajka imani ambakiti ambe jimbo engaksï xarhatajka ka no engachi lástima uájka. Ju je jukaparharaani jimbokaksï sési marhuakuxaka Jeobani. Engachi ísï úska, nóchi méni ísï pʼikuastauaka enajkichi arhiapirini “Jíkini no uétarhinchasïnga” (1 Kor. 12:21). Sánderu sési, exeatiksï eskachi janhanharhiasïnga ka eskachi jukaparharaasïnga kúnguarhikuarhu.

15. ¿Ambeksï niáraski úni máru erachicha para sánderu marhuakuni Jeobani?

¹⁵ Ini últimu uéxurhinicha jimbo, uánikua erachichaksï uénasti máteru idioma jorhenguarhini para sánderu marhuakuni Jeobani. Para ini ambe úni, uánikua ambeksï mójtakusti. Mótsestiksï máteru kúnguarhikuarhu nani enga uétarhini japka máteru idioma jimbo aianhpinhani (Uku.16:9). Uékani sánderu marhuakuni Jeobani, ambe máesti engachi táchanisï jatsika para erakuni. Ka nájkiruka tiempu uétarhijka para nema sési jorhenguarhini idioma ma, íksï erachicha kánikua jarhuajpisïndi kúnguarhikuarhu. Jimbokaksï ambakiti kʼuiripuesïnga ka uánikua ambeksï míteni úni, kánikuaksï uinhaperantaasïndi erachichani. ¿A no eskachi jukaparharasïnga na engaksï xáni jánguarhintajka?

16. ¿Ambeksï jatsiski para exeni orhejtsïkuticha paraksï míteni sini erachi ma uá orhejtsïkutini o orhejtsïkutiri jarhuajpirini?

¹⁶ ¿Sési japirini eskaksï kúnguarhikuarhu anapu orhejtsïkuticha no uékapiringa eska erachi ma niáraaka orhejtsïkutini o orhejtsïkutiri jarhuajpirini solu jimboka nótki sési uandasïnga idioma enga imani kúnguarhikuarhu uandanhajka? Nómbe. Orhejtsïkutichaksï jatsisti para exeni sini ima erachi úxaki ambe enga Biblia uandajka para orhejtsïkuticha ka para orhejtsïkutiri jarhuajpiricha ka no na enga xáni sési uandajka erachi kúnguarhikuarhu anapu idiomani (1 Tim. 3:1-10, 12, 13; Titu 1:5-9).

17. ¿Ambeksï jatsiski para exeni familiecha engaksï máteru paisirhu mótsijka?

¹⁷ Máru familiechaksï máteru paisirhu mótsesti paraksï ánchikuarhini o máteru ambe jimbo. Jamberiksï imecheri sapiicha imani eskuelarhu nirajti enga imani paisirhu anapu idioma uandanhajka ka jamberiksï tátichajtu jatsiati para jorhenguarhini imani idiomani paraksï ánchikuarhita ma exentani. Peru ju je eranhaskani eska kúnguarhikua o grupu ma jarhaska enga imani idioma jimboeka enga familia uandajka. ¿Náki kúnguarhikuarhuksï jatsipirini para nirani? ¿Jima enga imecheri idioma uandanhajka o imani kúnguarhikuarhu enga paisiri anapu idioma uandanhajka?

18. Eska na uandajka Galasia 6:5, ¿nénachi xarhatasïni eskachi janhanharhisïnga ambe enga táti ma erakujka úni?

¹⁸ Tátisï ma jatsiti para erakuni náki kúnguarhikuarhu niua iámu familia. Peru jatsisti para exeni ambe sánderu sésiski para iáminduecha  (arhinta je Galasia 6:5). Jimboka i ambe máeska enga mándani kʼuiripu jatsika para erakuni, jatsiskachi para janhanharhini ambe enga táti ma erakuaka úni. Ju je no no sési exeni ambe enga táti ma erakuaka úni ka ju je iámu familiani tsípikua jingoni erokani kúnguarhikuarhu (Rom. 15:7).

19. ¿Ambe jatsiski para úni táti ma engaksï imeri sapiicha no sési kurhangujka idiomani enga kúnguarhikuarhu uandanhajka?

¹⁹ Jamberi iámu familia imani kúnguarhikuarhu jati enga táticheri idioma uandanhajka. Peru engaksï sapiicha eskuela ma jimbo nirajka nani enga paisirhu anapu idioma uandanhajka, jamberiksï no xáni sési uandajti táti jémbecheri idioma. Ísï jimbo jamberiksï úkua jukanchajti kurhanguni ambe enga tánguarhikuecharhu uandanhajka ka nóksï úni jarhani ambakiti pájperakua ma jatsini Jeoba jingoni. Enga i ambe úkuarhini jauaka, táti jatsisti para kómarhini Jeobani ka exeni néna uá jarhuataani uájpechani paraksï sánderu andarhierani Jeobani ka imeri ireta jingoni jarhani. Tátichaksï uáti tsimani ambe úni: jorhendaani sapiichani parakaksï uáka sési uandani imecheri idiomani, oksï exeni sinksï uá mótsini kúnguarhikua ma jimbo nani enga uandanhajka ima idioma engaksï sapiicha sési kurhangujka. Náki uéjkiksï kúnguarhikua erakuni, iámu familia jatsisti para pʼikuarherani eskaksï jima anapuecha jukaparharaasïnga ka janhanharhiani.

20. ¿Nénachi xarhatasïni eskachi janhanharhiasïnga imechani engaksï idioma ma jorhenguarhini jaka?

²⁰ Eskachi na exekia, uánikua kúnguarhikuecharhuksï jarhasti erachicha engaksï jánguarhintani jaka idioma ma jorhenguarhini. Jamberiksï úkua jukanchajti uandontskuarheni, peru ju je no indeni ambejku exeni, sánderu sési, ju je exeni na engaksï xáni xénchajka Jeobani ka na engaksï jánguarhintani jaka marhuakuni. Inde ambe uáti eskachi mintsita jingoni janhanharhiauaka ka jukaparharaani. Nóchi niáraaka eratseni eskachi no uétarhinchaasïnga solu jimbokaksï no sési uandasïnga juchari idioma.

21, 22. ¿Andichisï xáni sési pʼikuarherajki?

²¹ Kánikuachi sési pʼikuarherasïnga jimbokajtsïni Jeoba kánikua jukaparharasïnga imeri kúnguarhikuarhu. No arhiparini sinchi tatakeski o nanakeski, sinchi tembuchatixaki o uambuchatini o nómbe, sinchi sapichku jarhaski ochi jatiriskia, o sinchi újki sési uandani idioma ma o nómbe: iáminduechachi jukaparhakueska para Jeoba ka para erachicha (Rom. 12:4, 5; Kol. 3:10, 11).

²² Xáni ambakiti ambe engachi jorhenguarhika imani ejemplu jingoni enga Pablu úrapka. Engachi úska ambe engachi jorhenguarhika, sánderuchi jánguarhintaaka jukaparharani ánchikuarhitani engachi kúnguarhikuarhu újka ka ístu ambe engaksï máteruecha újka.