▪ Nómbe. Ni Bibliarhu ni libruecharhu engaksï ióntki anapu ambe uandajka no nani arhisïndi eskaksï indeni ambe úsïrenga.

Máru Bibliaecharhu, i bersikulu ísï kurhangukuarhisïndi eska jiánisï enga Pablu irekapka jarhaspkaksï kʼuiripuecha engaksï itsï atakuarhipka imecha jimbo engaksï uarhipkia. Por ejemplu, Nueva Traducción Viviente arhisïndi: “Engaksï uarhiricha no tsítanhantaaka, ¿andiksïsï kʼuiripuecha itsï atakuarhijki imecha jimbo engaksï uarhikia?”.

Joperu, ju je exeni ambe engaksï karaka tsimani kʼuiripuecha engaksï Bibliaeri ambe exejka. Gregory Lockwood enga Bibliaeri ambe mítekuka, uandaspti eska no ma ambe jarhaska Bibliarhu o ióntki anapu ambe enga xarhatajka eska nema itsï atakuarhispka “imani kʼuiripuni jimbo enga uarhirini japkia”. Sáno májkueni jásï ambe uandaspti jorhentpiri Gordon Fee, karaspti: “No jarhasti ióntki anapu ambe ni Bibliarhu ambe ma enga xarhatajka eska ísï itsï atakuarhinhasïrenga”. I mismu kʼuiripu uandasïndi eska Nuevo Testamenturhu no ma ambe jarhaska enga xarhatajka eskaksï primeru sigluru anapu kristianuecha ísï úpiringa, nijtu imani iglesiecha jimbo engaksï ísï tátsekua úkuarhipka engaksï na uarhipkia apostulicha.

Bibliarhu, Jesusi uandaspti: “Ni je jorhendaani iámindu kʼuiripuechani, ka bautisaria je [...]. Jorhendaani eskaksï patsaaka iámindu ambe engaksïni ji juramuchika” (Mat. 28:19, 20). Ísï jimbo, paraka Jesusiri chúxapati ma niárapiringa itsï atakuarhini, jatsipirindi para Jeobaeri ka Jesusiri ambe jorhenguarhini, jakajkuni eskaksï jarhaska ka kurhajchaani. Ka kʼuiripu ma enga uarhirini jakaia ka jatsinhantania no úpirindi úni ini ambe ka nijtu máteru nema úpirini úni ini ambe imani jimbo (Ecl. 9:5, 10; Juanu 4:1; 1 Kor. 1:14-16).

Jimajkani, ¿ambe arhikuekaxapi Pablu ixú 1 Korintu 15:29?

Korintu anapu kúnguarhikuarhu, máruksï no jakajkusïrendi eska japiringa tsíntskua (1 Kor. 15:12). ¿Néna jarhuataaspi Pablu paraksï kurhanguni ini ambe? Ima arhiaspti eska pauani pauani sáno uarhisïrenga. Nájkiruka ima xáni no sési ambe úkuarhinchenga, mintsikasïrendi eska enga uarhipiringa tsítanhantapiringa komueska uinhapiti espiritu ma ísï eska Jesusi (1 Kor. 15:30-32, 42, 43; 1 Kor. 15:44, TNM).

Korintu anapuechaksï jatsipirindi para kurhanguni, eska jimbokaksï erakukatespka, pauani pauanksï jatsiapiringa tsʼéjkukuechani ka uarhinksï antedeksï tsítanhantani. “Engaksï bautisarikuarhijka paraksï májkuentstini jarhani Kristuni jingoni” arhikuekasïrendi eskaksï bautisarikuarhisïrenga paraksï “májkuentani imeri uarhikuani jingoni” (Rom. 6:3). I ambe arhikuekasïrendi eska májkueni eska Jesusi jatsipirindiksï para tsʼéjkukuechani jatsiani ka uarhini antedeksï tsíntani para auandarhu irekani.

Jukari tsimani uéxurhini tátsekua enga Jesusi na itsï atakuarhipkia, tsimani imeri apostulichani arhiaspti: “Ísï eskani ji na itsï atanhani jaka chájtujtsï ísï itsï atanhaaka” (Mar. 10:38, 39, TNM). Ambe enga Jesusi arhikuekani japka jindeespti eskaksï niárapiringa uarhini engaksï no méni jurajkupiringa Tata Diosïni. Pablu karaspti eskaksï erakukatecha no sési nitamakuarhipiringa Kristuni jingoni paraksï ístu tʼíntskua intsïnhani imani jingoni (Rom. 8:16, 17; 2 Kor. 4:17). I ambe arhikuekasïndi eskaksï imechajtu jatsipiringa para uarhini antedeksï tsíntani para auandarhu irekani.

Jimajkani, ambe enga Pablu uandapka uáti ísï tradusirikuarhini: “Enga no ísï úkuarhiaka, ¿ambeksï uá imecha engaksï itsï atakuarhijka para uarhini? Engaksï uarhiricha no tsítanhantaaka, ¿andiksïsï imechajtu itsï atakuarhijki para uarhini?”.