¿Arhiantaskijtsï últimu rebistechani Aianhpiri? Exe je sintsï uá mókuantani arini kurhamarhikuechani:

¿Nénachi jatsiski para kaani erakukatechani?

Jukaparharasïngachi na engaksï xáni mintsikajka Tata Diosïni, joperuchi no jukari sési kaasïnga. Nóchi kʼéri ambe exeasïnga (Jud 16). Nóchi kurhamarhiasïnga ambe engaksï imecha erokuarhini jaka (w20.01, pájina 29).

¿Andichisï uá seguru jarhani eska Jeoba pendienti jarhasïnga mándani arhini juchantsïni jimbo?

Biblia xarhatasïndi eskajtsïni Jeoba tʼuini exespkia antedechi andajpenuni ka eska kurhauasïnga juchari kómarhikuechani. Ístu mítesti ambe enga jaka juchari mintsitarhu ka ambe engachi eratseni jaka. Ambe engachi újka, úsïndi sési o no sési pʼikuastani Jeobani (1 Crón. 28:9; Prov. 27:11). Ka ústi eskachi andarhieraaka imani (w20.02, pájina 12).

¿Kánchi jatsiski para uandani ka kánchi jatsiski para pinasku pakarani?

Sésichi pʼikuarherasïnga Jeobaeri ambe uandani. Ístuchi jatsiska para uandani jiáni engachi exeaka eska nema imani ambe úni jarhasïnga enga no sési jaka. Orhejtsïkutichaksï íntsaasïndi konseju imani erachichani engaksï uétarhinchani jarhajka. Nóchi kurhanguarhisïnga ni uandantani na enga úkuarhijka juchari ánchikuarhita imani lugaricha jimbo engaksï nóteru jurajpijkia úni juchari ánchikuarhitani. Nóchi uandantasïnga imani ambe enga no jatsika para mítekuarhini (w20.03, pájina 20 ka 21).

¿Ambe jimboksï no májkueniski chochuecha engaksï Joel kapitulu 2 jimbo uandajka ka engaksï Jaŋaskuecha kapitulu 9 jimbo uandajka?

Joel 2:20-29, uandasïndi eska Tata Diosï iauanisï paasïnga chochuechani ka aiatspesïndi eska sési peentaaka iámindu ambe engaksï no sési úka. Enga na inde ambe úkuarhijkia, espiritu íntspisïndi. I ambe jiáni úkuarhispti engaksï Babilonia anapuecha inchaakupka Israeli ka sánderu orhepani. Jaŋaskuecha 9:1-11, erakukatecheri ambe uandasïndi ini jurhiatikuecha jimbo, ísïksï jámasïndi komueska chochuecha para aianhpini na enga Tata Diosï kʼamajkuaka ini parhakpinini enga xáni no sési jánhaskuarhini jaka ka i ambe no sési pʼikuastaasïndi uánikua kʼuiripuechani (w20.04, pájina 3 a 6).

¿Né jindeskia nortirhu anapu rei ini jurhiatikuecha jimbo?

Rusia ka juramuticha engaksï imani jingonika. No sésiksï kámasïndi Tata Diosïri iretani engaksï nóteru jurajkuajkia para aianhpini ka nóksï sáni xénchaani Testiguechani. Nortirhu anapu rei méntku uarhiperaxati surirhu anapu rei jingoni (w20.05, pájina 13).

¿Indejkuskiksï nuebe kualidadicha enga Galasia 5:22, 23 jimbo uandajka “enga espiritu santu úrpijka”?

Nómbe. Ístu, espiritu santujtsïni jarhuatasïndi máteru kualidadichani jatsiani, komu jurhimbitku úni ambe ma (Efes. 5:8, 9, TNM) (w20.06, pájina 17).

¿Náki peligru jarhaski engachi juchari fotuechani, bideuechani o máteru ambe karhatajka redesi sosialicharhu?

Ambe engachi redesi sosialicharhu karhatajka uáti xarhatani eskachi kʼéramakuarhisïnga ka eskachi no kaxumbitiska (w20.07, pájina 6 ka 7).

¿Ambechi uá jorhenguarhini ambakiti kurucha pʼítamaticheri?

Ambakiti kurucha pʼítamatichaksï jiáni ka jima ánchikuarhisïndi nani engaksï sánderu exeantauaka kuruchechani, jorhenastiksï sési úraani imecheeri ánchitarakuechani ka nóksï chésïndi na uéjki jánhaskuarhini jarhani. Juchajtuchi uáka májkueni úni (w20.09, pájina 5).

¿Nénachi uá jarhuataani Bibliaeri jorhenguarhirichani paraksï sánderu xénchani Jeobani?

Uákachi pʼímarhiani paraksï pauani pauani arhintani Bibliani, jarhuataani parakaksï eratsentaaka imani ambe engaksï arhintaaka ka jorhendaani kómarhikua úni (w20.11, pájina 4).

¿Néchani arhikuekaaxapi Pablu enga uandapka “iáminduecha tsíntaati Kristuni jimbo”? (1 Kor. 15:22).

Apostuli Pablu no arhikuexapti eskaksï iámindu kʼuiripuecha tsíntapiringa. Enga uandapka “iáminduecha”, ístu erakukatechani arhikuekaxapti engaksï “pímbinhajkuntskateka Kristu Jesusini jimbo” (1 Kor. 1:2; 15:18) (w20.12, pájina 5 ka 6).

¿Ambeksï uá erakukatecha engaksï na mójtakunhantakia “eska ma na xáni kókani eskantajka, jimajkani enga kústaaka últimu trompeta”? (1 Kor. 15:51-53).

Jarhuataatiksï Jesusini orhekupani kʼuiripuechani bara tiámueri jingoni (Jaŋ. 2:26, 27) (w20.12, pájina 12 ka 13).