Temungurhiri ma enga pʼindeka mándani tsípeechani arhintani eksperiensia ma, uandantasïndi: “Inde eksperiensiechaksï úsïndi eskachi kánikua sési pʼikuarheraaka ka kánikuajtsïni uinhaperantasïndi. Ka miátantasïndijtsïni eskachi juchajtu uaaka no méni jurajkuni Tata Diosï Jeobani ambe uéjkichi nitamakuarhini jarhani”. Máteru pirenchi sáno májkueni ambe uandasïndi: “I eksperiensiechajtsïni mintsitarhu niárachesïndi ka sésijtsïni pʼikuastantasïndi. Í erachiichaksï no ískusï irekani jati, sino ambe ma jimbo. Ambe engaksï uandantajka jarhuatasïndijtsïni parani sánderu marhuakuni Tata Diosïni ka exerasïndijtsïni ambe engani uaaka úni parani jarhuataani juchiiti sapiichani paraksï tiempu kompletueri marhuani”.

I eksperinsiechaksïni uaati jarhuatani parajtsï ambakiti meteechani jatsikukuarhiani, parajtsï úni jurajkuni imani ambe enga no sési jaka ka parajtsï úni orhepani uérakuani tsʼéjkukuenchani tsípikua jingoni. ¿Nanijtsï uaa exeantani ini eksperiensiechani?

• Jirinhanta je ixú jw.org o JW Library® temecha engaksï xáni jaka ka exe je “Biblia jarhuataasti mójtakuni irekua”.

• BIBLIOTEKA INTERNETIRHU Watchtower jirinhanta je “Biblia jarhuataasti mójtakuni irekua”.