Kʼéri ambe arhisïngachi Tata Diosï Jeobani uánikua erachiicha jingoni, kúnguarhikuarhu anapu tánguarhikuecharhu ka ístu kʼéri tánguarhikuecharhu. Joperuchi ístu kʼéri ambe arhisïnga jandiajku ka juchaari familia jingoni. Ixú jarhasti máru ambe engajtsï uaaka úni para engajtsï jandiajku jorhenguarhini o engajtsï familieri jorhenguarhikuani jatsiaka.

• Ju je jorhenguarhini ambe engachi exeaka tánguarhikuarhu, ístuchi uaaka prepararikuarhini pirekuecha jingoni ka májku kʼéri prepararini ambe engachi uékaaka komentarini tánguarhikuarhu.

• Ju je arhintani Bibliarhu anapu uándanstkuani ma, tátsekua uaakachi dibujarini ambe enga inde uandantskua arhijka o karani ambe ma engachi jorhenguarhika.

• Ju je jorhenguarhini kómarhikuecheri ambe engaksï Bibliarhu jaka, ka ju je eratsentani nénajtsïni uaa jarhuatani parachi sánderu sési uaani kómarhikuecha.

• Ju je exeni bideuni ma enga jw.org jimbo jaka, tátsekuachi uaaka uandontskuarheni juchaari familiani jingoni indeeri ambe o karani ambe engachi tsitika.

• Ju je prepararhikuarhini para aianhpini, úpiringachi prepararini ambe engachi uandaaka.

• Ju je exeni kueraakata ambe ka eratsentani ambe engajtsïni jorhendajka Jeobaeri ambe, engachi juchaari familiani jingoni jauaka ju je uandontskuarheni ambe engajtsïni jorhendajka kueraakata ambe. a