IÓNTKI, enga tataka ma uékeenga tembuchani, jatsispti para íntskuni nanakeri familiani ambe ma. Úsïreendi íntspini ambe ma enga kánikua jukaparhakuepiringa komu animalichani o sentabu. Ka ménichani, ánchikuarhikusïrendi familiani ísï eska na úpka Jakobu jiáni enga uékeenga Rakeli jingoni tembuchani. Pakatperaspti imeeri suegru jingoni eska siete uéxurhini ánchikuarhipiringa Rakelini jimbo (Gén. 29:17, 18, 20). ¿Andiksïsï pʼindepi íntspini ambe ma?

Carol Meyers enga inbestigarijka Biblieri ambe, uandasïndi: “Íntspini ambe ma nanakani jimbo, marhuasïrendi imani ambe jimbo enga nanaka ueenga imeo. I ambe kánikua jukaparhakuespti para familiecha engaksï echerichani ánchitauenga”. Ístu, i ambe marhuasïrendi paraka tatakeri ka nanakeri familiecha sésiksï pájperapiringa. Ka engaksï no sési nitamakuarhini japiringa, únksï jarhuajperani. Ka ístu, xarhatasïreendi eska nanaka kurhajkuarhikata jarhasïrengia ka eska iásï imeeri uámba jatsispkia para kuidarini ka nóteru taati jémbia.

Íntspini ambe ma nanakani jimbo, no arhikuekasïreendi eska nanaka ma úsïreenga piánhani o ataranhantani. Libru Instituciones del Antiguo Testamento, uandasïndi: “Engaksï ísï íntskuenga sentabu o máteru ambe nanakeri familiani, ísï xarharasïndi enajki tataka piáni jarheenga nanakani. Joperu no piáni jarhasïreendi nanakani, sánderu sési, tataka íntskuasïreendi taati jémbechani ambe ma nanakani jimbo”. *

Asta iásï jamberi, máru paisicharhu útasï pʼindenhasti íntspinhani ambe ma nanakani jimbo. Engaksï nanakeri taati jémbeecha engaksï kristianueka nóksï jukari ambe kurhakuska tatakani, xarhatani jauatiksï eskaksï kurhangutspisïnga (Filip. 4:5; 1 Kor. 10:32, 33). Ístuksï xarhatani jauati eskaksï no ‘jukari jatsikuarhikuekasïnga’ (2 Tim. 3:2). Ka engaksï nanakeri taati jémbeecha no jukari ambe kurhakuaka tatakani, ima no pʼakaati bodani. Ka enga tataka ísï marhuani jaka komueska prekursori, no jatsiati para jurajkuni para sánderu ánchikuarhini para tánani sentabu enga xáni uétarhinchaaka.

Máru lugaricha jimbo, asta jarhasti leicha engaksï uandajka na enga xáni uaaka íntspini tataka ma nanakani jimbo. Ini lugaricha jimbo, taaticha engaksï kristianueka, kurhajchaasïndiksï indeni leichani. Ísïksï úsïndi jimboka Tata Diosï erokuarhisïnga eskaksï kristianuecha janhanharhiauaka imeechani engaksï “juramukua jatsika” ka eskaksï kurhajchauaka leichani engaksï terukuntajka imeecha jingoni enga Tata Diosï íntspiajka (Rom. 13:1; Uku. 5:29).