Uánikua erachiichaksï úraasïndi artikuluechani engaksï ueenakuarhu jaka pájinarhu jw.org paraksï aianhpini. Fásiliisti para máteruechani axakuani ka i artikuluechaksï uandasïndi eska ambe enga iásï úkuarhini jaka jindeeska jimbokaksï kumplirikuarhixaka Biblieri profesiecha. Erachi ma karasti: “I artikuluechajtsïni kánikua marhuachesïndi parachi úni aianhpini iásï”.

Jimbokaksï ueenakuarhu anapu artikuluecha méntku mójtakurhini jarhasïnga, ¿ambechi uaa úni parachi úni exentani artikulu ma enga nóteru jima jakaia?

• Engajtsï ueenakuarhu jaka pájinarhu jw.org, jaiaskuku je jima enga arhijka “Exeni sánderu”, enga primeru artikulueri kétsekua jimbo jaka. Engajtsï selularini úrani jauaka, parti “Exeni sánderu” jima kétsekua jarhasti enga arhijka “Exe je arini ambe”. Engajtsï jima jaiaskukuska paatiksïni partirhu enga arhinhajka “Exe je arini ambe enga ueenakuarhu jaka”. Jimajtsï exeantauaka sánderu jimbanhi artikuluechani engaksï uéraka.

• Pájinarhu jw.org o aplikasionirhu JW Library^® ni je jima enga arhijka “Publikasionicha” ka tátsekua “Temecha engaksï xáni jaka”. Ka últimu, jaiaskuku je jima enga arhijka “Máteru temeecha”. Ini parti jimbo uánikua artikuluechantsï exeantauaka engaksï uéraka pájinarhu enga ueenakuarhu jaka jw.org jimbo.