1. ¿Desde iónisïa ambeksï xarhataskia imeecha engaksï marhuakujka Tata Diosï Jeobani?

 ¿KÁNIKUAJTSÏ sési pájperasïni Tata Diosï Jeoba jingoni? ¡Jo, ísïiti! Ka nójtsï chájkueska. Desde iónisïa, miioni jimbo kʼuiripuechaksï májkueni pʼikuarherasïndi (Sal. 104:​33, 34). Pori ejemplu uánikua kʼuiripuechaksï uánikua ambe tekaantasti ka úni Tata Diosï Jeobani jimbo, komueskaksï Israeli anapu nasareuecha. Joperu, ¿neespiksï imeecha, ka ambechi jorhenguarhisïni imeecheeri ambe?

2. a) ¿Neespiksï nasareuecha? (Números 6:​1, 2). b) ¿Andiksïsï máru israeliteecha nasareu úkuarhieni?

² Nasareu, uandakua máesti enga Ebreu jimbo arhikuekajka “ménderueniini”, “arhutakata jarhani” o “aiakukuarhetini jarhani”. Íksï uandakuecha sési pakarakuasïreendi imani israeliteechani engaksï ísï marhuauenga komueska nasareu ma, jimbokaksï uánikua ambe tekaantasïreenga paraksï úni sési marhuakuni Tata Diosï Jeobani. Moisésiiri Lei jurajkusïreendi eska tataka o nanaka ma úpiringa ísï aiakukuarheni Tata Diosï Jeobani komueska nasareu ma na enga xáni tiempu uékapiringa (arhinta je Números 6:​1, 2). a Enga nema ísï aiakukuarhienga jatsisïreendi para úni máru ambe engaksï máteru israeliteecha no ueenga. ¿Joperu andisï ísï ueeni? Jamberi jimboka kánikua xénchasïreenga Tata Diosï Jeobani ka jimboka agradesidu jarhasïreenga xáni uánikua kóntperateecha jimbo enga Tata Diosï Jeoba íntskuenga (Deut. 6:5; 16:17).

3. ¿Ambe jimbochi sáno májkueniiski eskaksï nasareuecha?

³ Enga “Kristueri lei” kénditapkia Moisésiiri Leini, Tata Diosïiri marhuariichaksï nóteru úsïreendia nasareu úkuarhini  (Gal. 6:2; Rom. 10:4). Joperu májkueni eska nasareuecha, juchajtuchi uékasïnga marhuakuni Tata Diosï Jeobani iámu juchaari mintsita jingoni, alma, eratsekua ka uinhapikua jingoni (Mar. 12:30). Ka indeni ambechisï újka engachi aiakujka juchaari tsípikuani Tata Diosï Jeobani. Ka parachi úni kumpliriini ambe engachi aiakuka, jamberichi jatsiaka para uánikua ambe tekaantani parachi úni ísï marhuakuni Tata Diosï Jeobani eska ima na uéjka. Ju je exeni na engaksï nasareuecha ueenga ambe engaksï aiatspeenga ka na engajtsïni jarhuataaka juchantsïni parachi májkueni úni (Mat. 16:24). b

JU JE ÚNI O JURAJKUNI MÁRU AMBE

4. Eska na arhijka Números 6:​3, 4, ¿ambeksï no úsïreeni nasareuecha?

⁴ (Arhinta je Números 6:​3, 4). Nasareuechaksï no úsïreendi alkoli arhani ni imani ambe enga ubasïrhu uéreenga komueska pasasi. Joperu máteruechaksï úsïreendi indeni ambe arhani jimboka no no sési jarhaspka. Ístu, Biblia arhisïndi eska binu Tata Diosïiri regalu máeska enga “sési pʼikuastajka kʼuiripueri mintsitani” (Sal. 104:​14, 15). Joperu nasareuechaksï tekaantasïreendi ka nóksï arhasïreendi indeni ambe. c

5. ¿Ambeksï úspi Madiáni ka Marcela, ka andi?

⁵ Májkueni eskaksï nasareuecha, juchajtuchi uánikua ambe tekaantasïnga parachi sánderu sési marhuakuni Tata Diosï Jeobani. Ju je exeni Madián ka Marceleeri ejempluni. d I temungurhiri engaksï Colombia anapueka kánikuaksï sési irekuarhixapti. Madián kánikua sési andasïreendi, jimboksïsï kánikua sési jásï kʼumanchikuarhu ma irekuarhipti. Joperu imeechaksï uékasïreendi sánderu sési marhuakuni Tata Diosï Jeobani, jimboksïsï mójtakupti máru ambe. Imeechaksï uandantasïndi: “Nóteruchi xáni atarasïreengia sentabu, ka kʼumanchikua sapichu ma jimbochi mótsispka ka atarantaspkachi karruni”. Madiáni ka Marcela nóksï jatsispti para ini ambe úni, joperuksï indeni ambe úspti paraksï sánderu uérani ainhpini. Kánikuaksï sési pʼikuarherasïndi engaksï indeni ambe úka.

6. ¿Andichisï kristianuecha újki o jurajkujki máru ambe? (Ístu exe je imajenini).

⁶ Kristianuechachi ochi no úsïnga máru ambe ka ístuchi jurajkusïnga máru ambe parachi sánderu marhuakuni Tata Diosï Jeobani (1 Kor.  9:​3-6). Joperu Tata Diosï Jeoba no afuersa uékasïndi eskachi indeni ambe uaaka, ka nijtu no sési jaki inde ambe engachi jurajkujka. Pori ejemplu, máru erachiichaksï jurajkusïndi imeecheeri kʼumanchikuani, ánchikuarhitani oksï no kaasïndi animaliichani. O ístuksï máru erachiicha ka pirenchiicha erokuarhisïndi sáni paraksï tembuchani o uambuchani ka máruksï no jirejiresï kánguarhiasïndi sapiichani engaksï na tembuchajkia. Máteruechaksï nirasïndi marhuani jimeesïsï engaksï sánderu uétarhini jarhajka aianhpiriicha nájkirukaksï iauani jauaka imeecheeri familiecha jingoni o amiguecha jingoni. Uánikuechachi uékasïnga ini ambe úni jimbokachi tsitisïnga sánderu sési marhuakuni Tata Diosï Jeobani. Ka uaakachi seguru jarhani eska Tata Diosï Jeoba jukaparharaasïnga ambe engachi újka nájkiruka sapichu ambeuaka o kʼéri ambe (Ebr. 6:10).

JU JE NO CHÉNI MÉNDERUENIINI

7. ¿Andisï ménichani kánikua úkua jukapi para nasareu ma úni ambe enga aiatspipka? (Números 6:5; ístu exe je imajenini).

⁷ (Arhinta je Números 6:5). Imeecheeri aiatsperakua jimbo, nasareuechaksï no úsïreendi kuinakuarhini. Ísïksï xarhatani jarhasïreendi eskaksï janhanharhisïreenga Tata Diosï Jeobaeri juramukuani. Enga israelita ma uánikua uéxurhini nasareu úkuarhienga, imeeri jauiri kánikua iórhasïreendi ka máteruechaksï sóntku kuenta íntskukuarhisïreendi eska nasareu máespka. Engaksï máteruecha janhanharhiauenga ka jarhuataani, sánderu fásilisïreendi nasareueni. Joperu profeta Amósiiri jurhiatikuecha jimbo, jarhasptiksï máru israeliteecha engaksï apostata úkuarhipka ka nóksï jukaparharaasïreendi ni janhanharhiani nasareuechani. Pori ejemplu, “kauikuaksï íntsaasïreendi” jamberi paraksï imeecha nóteru únia imani ambe engaksï aiatspienga (Amós 2:12). Ménichani kánikua úkua jukasïreendi ménderueniini, jimbosï kánikua balori uétarhiendi.

8. ¿Ambejtsï sánderu tsitiski Benjamíniiri ambe?

⁸ Tata Diosï Jeobaeri jarhuajperata jingoni, juchajtuchi uaaka ménderueniini nájkirukachi no xáni uandajka jimbokachi kʼuratsesïnga. Ju je exeni ambee enga úkuarhipka Benjamín jingoni, Noruega anapu Testigu ma enga 10 uéxurhini jatiriika. Imeeri eskuelarhu tánguarhikua ma úkuarhispti para Ucrania anapuechani apoiariuani guerra jimbo. Sapiichaksï jatsispti para pireni ka xásï xukuparhakuaksï jukantani eska bandereeri kolori na jásïka. Para no úni indeni ambe, Benjamíni no uékaspti andarhierauani. Joperu maestru ma iauani jati exespti ka jima uératini uandajpaspti: “¡Ju ixú juchantsïni jingoni! ¡Erokaxakaksïni!”. No sáni chéparini, andarhieraspti imeeri maestrani ka arhispti: “Ji no inchaparhakusïnga jimiisïsï. No inchaparhakusïnga politikarhisï.  Ka ístu uánikua Jeobaeri testiguechaksï ónhakata jarhasti jimbokaksï no nirasïnga uarhipeni”. Maestra jiókuarhispti ambe enga ima arhipka ka nóteru ambe ma arhisptia. Joperu máteru sapiichaksï ueenaspti kurhamarhini andisï ima no pirepi imeecha jingoni. Benjamíni kánikua chéspti enga jamberi uékeenga uerani. Joperu balori jingoni arhiaspti imeeri kompanieruechantu ambe enga arhipkia maestrani. Ísï tátsekua aianguaspti imeeri taatiichani eska Tata Diosï Jeoba jarhuataspka para ima ambe kuájpini ambe enga jakajkuenga.

9. ¿Nénachi uaa sési pʼikuastani Tata Diosï Jeobaeri mintsitani?

⁹ Engachi kurhajchajka Tata Diosï Jeobani, kʼuiripu úsïndi kuenta íntskukuarheni eskachi ménderueniiska. Balori uétarhisïndi parachi aianguani ánchikuarhitarhu o eskuelarhu anapuechani eskachi Jeobaeri testigueska. Ka jimbokaksï kʼuiripuecha sánhani arhixaka sánderu no sési jámani ka uandani, jiájkani sánderu úkua jukaati ísï irekani eskajtsïni Tata Diosï Jeoba na arhijka ka ístu aianhpini Reinueri ambe (2 Tim. 1:8; 3:13). Joperu ístuchi jatsiska para miáni eskachi tsíperasïnga Tata Diosï Jeobaeri mintsitani engachi balori jingoni xarhatajka eskachi ménderueniiska eskaksï máteruecha kʼuiripuecha (Prov. 27:11; Mal. 3:18).

JU JE ORHETKU PEERANI TATA DIOSÏ JEOBANI

10. ¿Andisï kánikua úkua jukapi para nasareu ma úni ambe enga Números 6:​6, 7 uandajka?

¹⁰ (Arhinta je Números 6:​6, 7). Nasareuechaksï no úsïreendi andarhierani uarhirini ma. Joperu ma úpirindi eratseni eska i ambe fásiliispka para nasareu ma. Joperu para nasareu ma i ambe kánikua úkua jukaspti ka sánderia enga familiari máepiringa enga uarhipiringa. ¿Andi? Jimboka israelita ma jatsisïreenga para jima jarhani nani enga uarhiri japiringa, ísï eskaksï na pʼindepka úni jiáni anapuecha (Juanu 19:​39, 40; Úku. 9:​36-40). Ka nasareu ma no úsïreendi jima jarhani. Ísï jimbo, enga nasareu ma sánderu jukaparhareenga ambe enga aiakuenga Tata Diosïni nájkiruka familia no sési nitamakuarhini japiringa, xarhatasïreendi eskaksï kánikua mintsikasïreenga Tata Diosïni Jeobani. Joperuchi uaaka seguru jarhani eska Tata Diosï Jeoba méntkisï imeecha jingoni jarhasïreenga para íntsaani uinhapikua engaksï xáni uétarhincheenga.

11. ¿Ambechi jatsiski para úni enga familiarhu úkuarhini jauaka ambe ma?

¹¹ Kristianuechachi kánikua jukaparharasïnga engachi aiakukuarhejka Tata Diosï Jeobani. Ka xarharasïndi imani ambe jimbo engachi erakujka úni ka ambe engachi újka juchaari  familiariicha jingoni. Jánguarhintasïnga jarhuatani familiani, joperuchi no méni orhetku peerasïnga indeni ambe ka eska Tata Diosï Jeobaeri ambe (Mat. 10:​35-37; 1 Tim. 5:8). Jamberichi ménisï nóteru xáni sési pájperaakia juchaari familiariicha jingoni jimbokachi sánderu uékasïnga jaiapanherantani Tata Diosï Jeobani.

12. Enga Alexandru úkua jukanchani japka imeeri familia jingoni, ¿ambe úspi joperu ístu ambe no úspi?

¹² Ju je exeni ambe engaksï úkuarhinchapka Alexandru ka imeeri témba Dorina. Engaksï ma uéxurhini páni japkia estudiarini Biblieri ambe, Dorina nóteru uékasptia estudiarini, ka uékasïreendi eska Alexandrujtu jurajkupiringa. Joperu Alexandru iatsitakuarhu ka uékperakua jingoni arhispti eska ima seguiriipiringa jorhenguarhini. Imeeri témba no sáni tsitispti indeni ambe ka jánguarhintaspti úni eska imajtu nóteru jorhenguarhipiringia. Alexandru jánguarhintasïreendi kurhangukuni témbani, joperu úkua jukanchasïreendi. Ménichani Dorina arhinchasïreendi ka no sési kamani, ka ima xáni no sési pʼikuarherasïreendi enga jamberi uékeengia iámu ambe jurajkuni. Joperu méntkisï orhetku peerasïreendi Tata Diosï Jeobaeri ambe, ka xénchperakua ka janhanharhikua jingoni kámani imeeri témbani. Tátsekua, Alexandrueri ejemplu jarhuataspti imeeri témbani para ménderu uéntani jorhenguarhini Biblieri ambe ka ístu jiókuarhini jurhimbikuani. (Exe je bideuni enga jw.org jimbo jaka, Alexandru ka Dorina Văcar: Ima enga uékpijka kánikua tekaantasïndi ka sési kámpini, partirhu “Kʼuiripuechaksï mójtakurhisïndi jurhimbikua ambe jimbo”).

13. ¿Nénachi uaa xarhatani eskachi xénchasïnga Tata Diosï Jeobani ka ístu juchaari familiani?

¹³ Tata Diosï kueraasti familiani ka uékasïndi eskaksï tsípikua jingoni irekaaka (Éfes. 3:​14, 15). Engachi meromindu uékaaka tsípikua jingoni irekani, jatsiskachi para úni ambe enga Tata Diosï Jeoba uandajka. Ima exesïndi ka jukaparharaasïndi imani ambe engachi újka para imani marhuakuni ka engachi ístu jánguarhintajka kuidariuani juchaari familiariichani ka xénchperakua ka janhanharhikua jingoni kaani (Rom. 12:10).

JU JE JARHUAJPERANI PARACHI ÍSÏINI ESKAKSÏ NASAREUECHA

14. ¿Neechanchi jatsiski para sánderu uinhaperantaani?

¹⁴ Iáminduecha engachi uéjka iásï marhuakuni Tata Diosï Jeobani, jatsiskachi para uékperakua jingoni úni ambe ma. Ka no méntkisï fásiliisïndi. ¿Nénachi uaa jarhuajperani parachi sánderu marhuakuni Tata Diosï Jeobani? Sési ambe arhiani máteruechani (Job 16:5). ¿Jarhaski nema chaari kúnguarhikuarhu enga uékani jaka jurajkuni máru ambe para sánderu marhuakuni  Tata Diosï Jeobani? ¿Míteskijtsï tumbini ma enga balori jingoni jánguarhintani jaka ménderueniini eskuelarhu nájkiruka no fásiliika? ¿Eratsexakijtsï erachini ma o Biblieri jorhenguarhirini ma enga imeeri familia jimbo úkua jukanchani jaka marhuakuni Tata Diosï Jeobani? Méntkisï engachi uaaka, ju je uinhaperaantani ka arhiani eskachi kánikua jukaparharasïnga imani balorini engaksï xarhatani jaka ka ambe engaksï úni jaka Tata Diosï Jeobani jimbo (Filem. 4, 5, 7).

15. ¿Ambeksï úsïni máru erachiicha paraksï jarhuataani imeechani engaksï tiempu kompletueri marhuakuni jaka Tata Diosïni?

¹⁵ Ménichanchi uaaka arhiani imani erachiichani engaksï tiempu kompletueri marhuani jaka eskachi uaaka jarhuataani (Prov. 19:17; Ebr. 13:16). Indeni ambesï úpti pirenchi ma enga jatiriikia ka enga Sri Lanka irekani jaka. Ka jimboka i pirenchi sánderu sáni intsïnhasïreengia sentabu gobiernueri, eratsespti jarhuataani tsimani pirenchiichani engaksï uátsïipka parakaksï úpiringa seguiriini prekursoreeni. Ísï jimbo, mándani kutsï arhutasïreendi sáni sentabu para jarhuataani telefonueri maiampini. ¡Xáni ambakiti ambe enga úni japka i pirenchi!

16. ¿Ambejtsïni jorhendasïni nasareuecheeri ejemplu?

¹⁶ ¿A no eskachi uánikua ambe jorhenguarhisïnga nasareuecheeri ambe? Joperu ístuchi jorhenguarhiska juchaari Taati auandarhu anapueri ambe enga jindeeka Tata Diosï Jeoba. Ima mítesti eskachi iámu juchaari mintsita jingoni uékasïnga jaiapanherantani ka eskachi uékasïnga úni máru ambe o ístu jurajkuni máru ambe parachi úni kumpliriini ambe engachi aiakuka. Ka ístu, íntskusïndijtsïni imani sésikua parachi xarhatakuni na engachi xáni xénchajka (Prov. 23:​15, 16; Mar. 10:​28-30; 1 Juanu 4:19). Nasareuecheeri ejemplujtsïni xarhatachesïndi eska Tata Diosï Jeoba exesïnga ambe engachi újka imani jimbo ka kánikua jukaparharasïndi. Ísï jimbo, ju je seguiriini marhuakuni Tata Diosï Jeobani ka méntkisï mintsita jingoni íntskuni sánderu jukaparhakua ambe engachi jatsika.