1, 2. ¿Neespi Sadoki? (1 Crónicas 12:22, 26-28).

 ERANHASKA je arini ambe. Ma 340,000 achamasïichaksï tánguarhintaspti paraksï Dabidini rei úni Israeli. Inde acheetiichaksï tanimu jurhiatikua pakaraspti juáteecharhisï Ebróni no iauani, uandontskuarhesïreendiksï, terekuarhini ka pirekunksï Tata Diosï Jeobani (1 Crón. 12:39). Ka jima jarhaspti Sadoki, tumbi sapichu ma enga no jamberi xarhareenga xáni uánikua kʼuiripu jingoni. Joperu Tata Diosï Jeoba exespti, ka uékasïndi eskachi juchajtu míteaka eska ima tumbi sapichu jima jarhaspka (arhinta je 1 Crónicas 12:22, 26-28). ¿Peru neespi Sadoki?

² Sadoki saserdoti máespti enga ánchikuarhienga k’éri saserdoti Abiatari jingoni. Tata Diosï Jeoba íntskuspti Sadokini kánikua jánhaskakua ka ístu úsïreendi kurhanguni ambesï jaiapanhentajki Tata Diosïni (2 Sam. 15:27). Kʼuiripu nirasïreendi jirinhantani para konseju kurhakuni. Ístu achamasï máespti enga no sáni cheenga. Ka ini jorhenguarhikua jimbochi exeni jauaka na enga xáni balori jukapka.

3. a) ¿Andichisï jatsi para balori jukani? b) ¿Ambechi exea ini jorhenguarhikua jimbo?

³ Ini últimu jurhiatikuechani jimbo, Satanási sánderu no sési kámaxati Tata Diosïiri iretani (1 Ped. 5:8). Engachi jamberi erokuarhiaka eska Tata Diosï Jeoba kʼamajkuaka Satanásini ka imeeri parhakpini, jatsiskachi para balori jukani (Sal. 31:24). Ju je exeni tanimu ambe engachi uaaka úni parachi májkueni balori jukani eska Sadoki.

APOIARI JE TATA DIOSÏIRI REINUNI

4. ¿Andichisï balori uétarhinchajki parachi Tata Diosïiri Reinuni apoiarini? (Ístu exe je imajenini).

⁴ Jucha engachi Tata Diosï Jeobani marhuakujka mintsita jingonchi apoiarisïnga imeeri Reinuni, joperu parachi indeni  ambe úni uétarhisïndi balori jukani (Mat. 6:33). Pori ejemplu, ini parhakpinirhu enga xáni no sési jánhaskuarhini jaka, balori uétarhisïndi para kurhajchani Tata Diosïiri juramukuechani ka nirani aianhpini ambakiti aianhperakua Reinueri ambe (1 Tes. 2:2). Ístu, ini parhakpinini jimbo engaksï kʼuiripuecha no újka sési pájperani, úkua jukasïndi parachi no jámani politikarhisï inchamukuni (Juanu 18:36). Ka uánikua Jeobaeri testiguechaksï no sési nitamakuarhisïndi sentabu ambe jimbo, nóksï sési kánhani o astaksï ónhanhani jimbokaksï no uékasïnga politikarhisï inchamukuni ni ejersitu jingoni.

5. ¿Sadoki andisï jatsipi para balori jukani para úni jarhuatani Dabidi?

⁵ Sadoki no niraspti Ebróni nomasi para tsípikuarhini jiáni enga Dabidi rei únhapiringa. Preparadu niraspti para uarhipeni (1 Crón. 12:38). Sadoki jingontku jarhaspti para Dabidini chúxapani nani enga nipiringa uarhipeni ka kuájpini Israelini imeeri ikiatspitiicheeri. Jamberi no xáni jorhenapti uarhipeni, joperu kánikua balori jukaspti.

6. ¿Na jásï ma ejemplu íntskuspi Dabidi Sadokini paraka úpiringa balori jukani? (Salmo 138:3).

⁶ ¿Ambe jarhuataspi Sadokini xáni balori jukani? Jamberi kánikua jarhuatapti míteani ka exeani achamasï uinhapitiichani ka engaksï balori jukapka. Ma i jásï achamasï jindeespti Dabidi, ima kánikua balori jukaspka para “israelitecheri ejersituni orhejtsïkuni”, jimbosï iámu Israeli sési exepti eska Dabidi rei únhapiringa (1 Crón. 11:1, 2). Dabidi kánikua mintsikasïreendi Tata Diosï Jeobani ka imani kurhakusïreendi eska jarhuatapiringa imeeri ikiatspitiicha jingoni (Sal. 28:7; arhinta je Salmo 138:3). Ístu Sadoki jatsiaspti máteru ambakiti ejempluechani engaksï balori jukapka, komu Jeoiadá ka imeeri uájpa Benaia enga sondaduepka, ka 22 triburhu anapu orhejtsïkutiichani engaksï Dabidini jarhuatapka (1 Crón. 11:22-25; 12:26-28). Iáminduksï indeecha eratsetixapti Dabidini apoiarini paraka reipiringa.

7. a) ¿Náki ejempluechanchi jatsiaski engajtsïni balori íntskujka? b) ¿Ambeksïni jorhendasïni bideu erachi Nsilueri?

 ⁷ Kánikuajtsïni uinhaperantasïndi ka balori íntskuni engachi exeajka máteruecheri ejempluni engaksï apoiarijka Tata Diosïiri Reinuni. Komueska juchaari Rei tata Jesukristu, ima méntku no sáni uékaspti Satanásiiri juramukuani apoiarini (Mat. 4:8-11; Juanu 6:14, 15). Méntkisï mintsikaspti eska Tata Diosï Jeoba íntskupiringa uinhapikua. Ístuchi jatsiaska iásï anapu ejempluechani tumbiicheri engaksï no uékajka nirani ejersiturhu ni inchamukuni politikarhisï. Uaakajtsï jirinhantani ini eksperiensiechani jw.org jimbo. a

JARHUATAA JE ERACHIICHANI

8. ¿Na jatinksï uétarhinchasïni orhejtsïkutiicha balori jukani para jarhuataani erachiichani?

⁸ Tata Diosï Jeobaeri marhuariichaksï kánikua tsitisïndi jarhuajperani (2 Kor. 8:4). Joperu ménisï kánikua balori uétarhisïndi para ísï úni. Pori ejemplu enga guerra ma ueenajka úkuarhini, orhejtsïkutiichaksï mítesti eskaksï erachiicha uétarhinchaaka eskaksï uinhaperanhantaaka ka jarhuatanhani, ka jamberiksï uétarhinchaati eskaksï jatsiaka Biblia ma, publikasioni ambe, t’irekua ambe, nani pakarani o máteru ambe. Ka nájkiruka ménisï úkua jukaaka ini ambe úni, tsípikua jingonksï íntsaasïndi ambe engaksï uétarhinchajka jimbokaksï xénchaasïnga erachiichani ka pirenchiichani (Juanu 15:12, 13). Ini ambe jimboksï xarhatasïndi eskaksï májkueni balori jukaska eska Sadoki.

9. Eska na arhijka 2 Samuel 15:27-29, ¿Dabidi ambe arhispi Sadokini eska úpiringa? (Ístu exe je imajenini).

⁹ Absalóni enga Dabidi uájpeepka, uékasïreendi uándikuni Dabidini para ima reiini (2 Sam. 15:12, 13). Ísï jimbo, Dabidi jatsispti para sóntku sïpakuarhini Jerusaléni uératini. Ka arhiaspti imeeri jántspiriichani: “¡Juia je, jatsiskachi para sïpakuarhini, jimboka no nema uaaka tsípiti pakarani Absalóni jingoni!” (2 Sam. 15:14). Engaksï nirani japkia, Dabidi eratsespti eska nema jatsispka para pakarani Jerusaléni paraksï  úni míteni ambe enga eratseni japka úni Absalóni. Jimbosï arhipti Sadokini ka máteru saserdotiichani eskaksï kʼuanhatsentapiringa iretarhu paraksï úni aianguni ambe enga úkuarhini japiringa (arhinta je 2 Samuel 15:27-29). Jatsisptiksï para jingontku jámani jimboka i ánchikuarhita enga Dabidi íntsaapka kánikua úkua jukaspka, jamberiksï úpirindi uándikunhani. Absalóni achamasï máespti enga kánikua no ambakepka, no sési jámasïreendi ka no mintsinharhikueni. ¿Eranhaskasïntsï ambe úpirini úkuani Absalóni imani achamasïichani enga mítepiringa eskaksï ima jima jarhaspka paraksï iámindu ambe aianguni Dabidini ka ísïksï úni kuájchakuni?

10. ¿Nénaksï kuájchakuspi Dabidini Sadoki ka ima engaksï imani jingoni japka?

¹⁰ Dabidi eratsexapti úni ambe ma ka kurhakuspti Sadokini ka Usáini imeeri amigu jémbani eskaksï jarhuatapiringa (2 Sam. 15:32-37). Usái ísï úspti eska Dabidi na arhipka, jimbosï Absalóni ueenapti mintsinharhini Usáini ka Usái arhistakuspti Absalónini na engaksï úpiringa Dabidini andani. Tátsekua Usái iámu ambe aianguspti Sadokini ka Abiatarini (2 Sam. 17:8-16). Jiájkani íksï tsimarhani uandakua axakuspti Dabidini paraka ima mítetini japiringa ambe enga uékani japka úni Absalóni (2 Sam. 17:17). Tata Diosï Jeobaeri jarhuajperata jimbo, Sadoki ka máteru saserdotiichaksï úspti kuájchakuni Dabidini (2 Sam. 17:21, 22).

11. ¿Nénachi uaa májkueni balori jukani eska Sadoki engajtsïni kurhacheaka eskachi jarhuatauaka erachiichani?

¹¹ ¿Nénachi uaa májkueni balori xarhatani eska Sadoki engajtsïni arhiaka eskachi jarhuatauaka erachiichani jiáni enga no sési ambe úkuarhini jauaka? 1) Ju je ísï úni eskachi na arhinhaaka. Enga i ambe úkuarhini jauaka, jukaparhakuesti eskachi kurhandiraaka parachi úni májku k’éri jarhani, ísï jimbo, ísïchi uaaka eskachi na arhinhaaka Beteli uératini (Ebr. 13:17). Orhejtsïkutiichaksï jatsisti para sési jorhenguarhini ambe engaksï jatsika para úni paraksï listu jarhani para jiáni enga desastre ma úkuarhiaka (1 Kor. 14:33, 40). 2) Ju je balori jingoni jámani, joperu ístu jánhaskakua jingoni  (Prov. 22:3). Jatsiskachi para eratsentani ante de úni ambe ma. Nóchi jámaaka ísku jatini úni ambe ma engachi jimbo úpiringa no sési ambe úkuarhinchani. 3) Ju je mintsinharhini Tata Diosï Jeobani. Ima uandanhiasïndi iáminduecha jimbo ka uékasïndi eskachi sési jauaka, uaatijtsïni jarhuatani parakachi jucha uaaka jarhuataani erachiichani imani ambe jingoni engaksï uétarhinchani jauaka.

12, 13. ¿Ambeksïni jorhendasïni Víktoriiri ka Vitaliiri ejemplu? (Ístu exe je imajenini).

¹² Ju je exeni Víktoriiri ka Vitaliiri ejempluni, tsimani orhejtsïkutiicha engaksï itsï ka t’irekua pákuauenga Ucrania anapu erachiichani. Víktor uandantasïndi: “Iápurisïchi nirasïreenga t’irekua jirinhani ka ménichanchi kurhaasïreenga na engaksï kʼuiripuecha kʼuanirperani jarhenga jimeesïsï armeecha jingoni. Erachi ma uánikua ambe íntspispti, ka ini ambe jimbo, uánikua erachiichaksï úspti uánikua jurhiatikua jatsini ambe engaksï uétarhincheenga. Miásïnga eskachi ma xanhari jatsiraxapka ambe ma karrurhu, ka jima no iauani engachi japka ma 20 metrisï (66 pies), bomba ma uekorhespti joperu no charaspti. Ima jurhiatikua chúskutaspka kómarhini Tata Diosï Jeobani ka kurhakuni eskarini íntskupiringa balori engani uétarhinchani japka parani seguiriini jarhuataani erachiichani”.

¹³ Vitali uandantasïndi: “Kánikua balori uétarhisïreendi. Engani primeru xanhari nípka 12 ora jimbo niáraspka, interu xanharu kómarhipaspka Tata Diosï Jeobani”. Vitali kánikua balori jukaspti peru jánhaskakua jingoni jámaspti. Seguirisïndi uandantani: “Méntkisï kurhakusïreenga Tata Diosï Jeobani eskarini íntskupiringa jánhaskakua, eskarini jarhuatapiringa parani no úni imani ambe enga úpiringa eska ambe ma no sési uérapiringa. Ísï jimbo, jimajkuni ísï manejarispka engaksï juramutiicha uandapka eska ma úpiringa nirani. Engani exepka eskaksï iámindu erachiicha májku k’éri ánchikuarhixapka, juchiiti mintsikakua sánderu uinhapintaspti. Máru erachiichaksï ambantskantasïreendi xanharuecha jimbo parani ji úni nitamani. Máteruechaksï íntspisïreendi ambe ka máruksï jatsirasïreendi ambe ma karrurhu. Víktorini ka jíndentsïni íntskuxapti t’irekua ka ístu nani engachi úpiringa pakarani”.

ASÏ MÉNI JURAJKU JE JEOBANI

14. ¿Nénachi pʼikuarherasïni enga nema o enga familiari ma jurajkujka Tata Diosï Jeobani?

¹⁴ Ma ambe enga újka eskachi kánikua no sési pʼikuarheraaka jindeesti eska familiari ma o amigu ma jurajkuaka Tata Diosï Jeobani (Sal. 78:40; Prov. 24:10). Ka sánderu no sési pʼikuarherakuarhesti enga ma sési pájpereenga imani jingoni. Enga chá ini ambe nitamakuarhika, Sadokiiri ejempluksïni kánikua jarhuataati.

15. ¿Andisï Sadoki jatsipi para balori jukani para no méni jurajkuni Tata Diosï Jeobani? (1 Reyes 1:5-8).

¹⁵ Ka jiáni enga Dabidi kánikua tʼarhepipkia ka ante de uarhini, imeeri uájpa Adoníasi mámaru ambe úspti para reiini nájkiruka Tata Diosï Jeoba uandapka eska Salomónisï jindeepiringa rei (1 Crón. 22:9, 10). Sadoki no jurajkuspti Tata Diosï Jeobani nájkiruka Abiatari Adoníasi jingoni úkuarhipka (arhinta je 1 Reyes 1:5-8). Ini ambe úparini, Abiatari xarhataxapti eska nóteru kurhajchaxapkia Dabidini ka nijtu Tata Diosï Jeobani. ¿Úsïntsï eranhaskani na enga xáni no sési p’ikuarherani japka Sadoki? Tsimarhanksï jukari 40 uéxurhini ánchikuarhispti komueska saserdotiicha (2 Sam. 8:17). Májku k’ériksï páspti “Tata Diosï jurhimbitiiri Arkani” (2 Sam. 15:29). Méntkisïksï jarhuataspti Dabidini ka ístuksï uánikua ambe nitamakuarhispti engaksï marhuakuni japka Tata Diosï Jeobani (2 Sam. 19:11-14).

16. ¿Ambe jarhuataspi Sadokini para no méni jurajkuni Tata Diosï Jeobani?

¹⁶ Nájkiruka Abiatari jurajkupka Tata Diosï Jeobani, Sadoki no méni ísï úspti ka Dabidi mítespti eska méntkisï úpiringa mintsikani Sadokini. Engaksï na aiangupkia Dabidini ambe enga  eratsetini japka úni Adoníasi, Dabidi arhiaspti Sadoki, Natánini ka Benaiani eskaksï rei úpiringa Salomónini (1 Rey. 1:32-34). Ka ístu kánikua jarhuatapti Sadokini enga exeapka máteru Tata Diosï Jeobaeri marhuariichani, komueska Natáni enga no méni jurajkupka Tata Diosïni ka enga méntkisï jarhuatapka Dabidini (1 Rey. 1:38, 39). Enga Salomóni na rei únhapkia, saserdoti Sadokini íntskuspti Abiatariiri ánchikuarhitani (1 Rey. 2:35).

17. ¿Nénajtsï uaa májkueni úni eska Sadoki enga nema niáraska jurajkuni Tata Diosï Jeobani?

¹⁷ ¿Nénajtsï uaa chá májkueni úni eska Sadoki? Enga nema engajtsï kánikua xénchajka niáraska jurajkuni Tata Diosï Jeobani, xarhata je eskajtsï chá no méni jurajkuaka Tata Diosï Jeobani (Jos. 24:15). Tata Diosï Jeobaksïni íntskuati uinhapikua ka balori engajtsï uétarhinchaaka. Kómarhi je Tata Diosïni ka asï jarharia je erachiichani engaksï sési marhuakuni jaka. Tata Diosï Jeoba kánikua jukaparharasïndi engajtsï chá sési marhuakuni jaka ka imaksïni kóndentaati (2 Sam. 22:26).

18. ¿Ambeksïni jorhendasïni Marco ka Sidseri ejemplu?

¹⁸ Ju je exeni ambe engaksï nitamakuarhinchaka Marco ka imeeri uarhiiti Sidse, imeecheeri tsimani nanakeechaksï jurajkuspti jurhimbikuani engaksï na kʼérapkia. Marco uandantasïndi: “Jiáni engaksï chiiti sapiicha andajpenujka niárasïngari mintsita jingoni xénchaani. Uékasïngari méntkisï kuájchakuani. Ísï jimbo, engaksï jurajkujka Tata Diosï Jeobani, kánikuaksïni no sési pʼikuastasïndi”. Ístu uandasïndi: “Tata Diosï Jeoba méntkisïjtsïni jarhuatasïndi orhepani uérani. Engani ji no sési p’ikuarherani jarhajka indeni ambe jimbo engachi nitamakuarhika, Sidserini uinhaperantasïndi ka enga inde no sési p’ikuarherani jarhajka, jíjtuni májkueni úsïnga”. Sidse uandasïndi: “Tata Diosï Jeobaeri jarhuajperata jingonchisï újka orhepani uérani. Kánikua no sési pʼikuarherasïreenga jimbokani eratsesïreenga eskaksï nanakeecha juchiiti kulpa jimbosï jurajkupka Jeobani. Ísï jimbo, aiangukuarhispka Tata Diosï Jeobani. Ísï tátsekua, pirenchi ma engani ióni nóteru exepkia, andarhierasptirini ka arhisptirini: ‘Sidse, miá eska no chiiti kulpeska’. Tata Diosï Jeobaeri jarhuajperata jingoni úxaka seguiriini tsípikua jingoni marhuakuni”.

19. ¿Ambejtsï eratsetixaki úni?

¹⁹ Tata Diosï Jeoba uékasïndi eskachi iámindu imeeri marhuariicha ísï balori jukaaka eska Sadoki (2 Tim. 1:7). Joperu ima no uékasïndi eskachi juchajkumindu mintsinharhikuarhiaka, sino eskachi imani mintsikaaka. Engajtsï ambe ma nitamakuarhini jauaka enga uétarhiaka balori xarhatani, andarhiera je Tata Diosï Jeobani. Uaakajtsï seguru jarhani eskaksïni ima jarhuataaka balori jukani ísï eska Sadokini (1 Ped. 5:10).