SEMANA 25
PIREKUA 7 Jeobarini kuájchakusïndi ka uinhapikua íntskuni
Ju je no mirikurhini eska Jeoba jindeeska ima Tata Diosï enga tsípiti jaka
“¡Tata Diosï Jeoba tsípiti jarhasti!” (SAL. 18:46).
AMBE ENGACHI JORHENGUARHIAKA
Na engajtsïni marhuachejka miántani eska ima Tata Diosï engachi jucha marhuakujka tsípiti jarhaska.
1. ¿Ambejtsïni jarhuataa seguiriini kómarhini Tata Diosï Jeobani nájkirukachi uandanhiateechani jatsiauaka?
BIBLIA uandasïndi eska ini tiempu jimbo engachi irekani jaka “kánikua no sési jánhaskuarhiaka ka eska kánikua úkua jukaaka” (2 Tim. 3:1). Ini parhakpini jimbo, iáminduechaksï jatsiasïndi uandanhiateechani, joperu Tata Diosïiri marhuariicha ístuchi jatsiska para jánguarhintani orhepani uerani jiáni engachi no sési kánhani jauaka. Ambe uéjkichi nitamakuarhini jarhani ¿ambejtsïni jarhuataa parachi úni seguiriini kómarhini Tata Diosï Jeobani? Ma ambe jindeesti miántani eska Jeoba jindeeska ima Tata Diosï enga tsípiti jaka (Jer. 10:10; 2 Tim. 1:12).
2. ¿Néna xarhatasïni Tata Diosï Jeoba eska jindeeska Tata Diosï tsípiti ma?
2 Tata Diosï Jeoba meru jarhasti, jarhuatasïndijtsïni engachi uandanhiateechani jatsiajka ka exesïndi na engajtsïni jatini jarhuataaka (2 Crón. 16:9; Sal. 23:4). Ísï jimbo, engachi ísï exeska Jeobani komueska ima Tata Diosï enga tsípiti jaka, jarhuataatijtsïni ka íntskuatijtsïni uinhapikua parakachi tekaantani náki uéjki uandanhiatani engachi jatsiaka. Ju je exeni néna jarhuataspi i ambe rei Dabidini.
3. ¿Ambe arhikuekaxapi Dabidi enga uandapka: “¡Tata Diosï Jeoba tsípiti jarhasti!”?
3 Dabidi mítespti Tata Diosï Jeobani ka mintsikasïreendi imani. Kurhakuspti eska jarhuatapiringa jiáni enga rei Saúli ka máteruechaksï jirinhantani japka paraksï uándikuni (Sal. 18:6). Enga Dabidi exepka eska Tata Diosï Jeoba mókukuntaspka imeeri kómarhikuani ka pʼímutantani, uandaspti: “¡Tata Diosï Jeoba tsípiti jarhasti!” (Sal. 18:46). Ini uandakuecha jingoni, no solu uandaxapti eska meru jarhaska Tata Diosï. Libru ma uandasïndi eska ambe enga Dabidi uandapka xarhatasïnga eska ísï exesïreenga Tata Diosï Jeobani “komueska Tata Diosï ma enga tsípiti jaka ka enga méntkisï jarhuatajka imeeri iretani”. Dabidi exespti eska Tata Diosï Jeoba jarhuataspka ka inde úspti eska ima sánderu seguru japiringa eska Tata Diosï Jeoba tsípiti jarhaska ka inde ambe uinhaperantaspti paraka seguiripiringa marhuakuni ka kʼéri ambe arhini (Sal. 18:28, 29, 49).
4. ¿Nénajtsïni marhuachea seguru járhani eska Jeoba jindeeska Tata Diosï tsípiti ma?
4 Seguru jarhani eska Tata Diosï Jeoba tsípiti jarhaska jarhuatatijtsïni parachi tsípikua jingoni marhuakuni. Ístujtsïni uinhaperantaati parachi úni tekaantani náki uéjki uandanhiata ma ka jarhuataatijtsïni parachi mintsita jingoni marhuakuni. Ístujtsïni jarhuataati parachi no méni jurajkuni.
IMA TATA DIOSÏ ENGA TSÍPITI JAKA ÍNTSKUATIKSÏNI UINHAPIKUA
5. ¿Ambejtsïni jarhuataa mintsinharhikua jingoni orhepani uérakuani uandanhiateechani? (Filipusï 4:13).
5 Engachi no méni mirikurhiska eska Jeoba jindeeska ima Tata Diosï enga tsípiti jaka ka eska méntkisï juchantsïni jingoni jarhasïnga parajtsïni jarhuatani, uaakachi tekaantani náki uéjki uandanhiatani no arhiparini na uéjki xáni kʼéni. Para ima, no ma uandanhiata úkua jukasti. Ima jindeesti Tata Diosï enga iámindu ambe újka úni ka uaatijtsïni uinhaperantani parachi úni tekaantani ambe uéjkichi nitamakuarhini jarhani (arhinta je Filipusï 4:13). Ísï jimbo, uánikua ambe jarhasti engachi jimbo uaaka mintsikani Tata Diosï Jeobani. Ka engachi exejka eskajtsïni jarhuatasïnga imani uandanhiateechani jingoni engaksï sapirhaka, jarhuatasïndijtsïni parakachi seguru jauaka eskajtsïni jarhuataaka kʼérati uandanhiateecha jingoni.
6. ¿Ambe nitamakuarhispi Dabidini enga tumbiipka ka enga jarhuatapka sánderu mintsikani Tata Diosï Jeobani?
6 Ju je exeni tsimani ambe enga Dabidi nitamakuarhipka ka enga jarhuatapka sánderu mintsikani Tata Diosï Jeobani. Enga tumbi sapichuepka, ima karichiichani eranguasïreendi, ka ma xanhari leoni ma jurhaspti ka karichi sapichuni ma páspti ka ísï tátsekua osu ma jurhaspti ka májkueni ambe úspti. Indeni tsimani xanharu jimbo, Dabidi balori jingoni chúngumaaspti ka euamukuantaspti karichiichani. Mítespti eska Tata Diosï Jeoba íntskuspka uinhapikua paraka indeni ambe úpiringa ka no uandaspi eska imeeri uinhapikua jimboespka (1 Sam. 17:34-37). Dabidi no méni mirikurhispti ambe enga nitamakuarhipka. Eratsentaspti indeni ambe ka ísï niáraspti sánderu seguru jarhani eska Tata Diosï Jeoba enga tsípiti jaka uinhaperantapiringa sánderu orhepatini.
7. ¿Ambe no méni mirikurhispi Dabidi ka néna jarhuataspi inde ambe para Goliatini jingoni uarhipeni?
7 Ka jiáni enga Dabidi nípka jima enga Israeli anapu ejersitu japka, peeka jiánipka enga ima útasï tumbi sapichu máepka. Ka enga na niárapkia, exespti eskaksï sondaduecha kánikua chéxapka jimboka jiganti filisteu ma enga Goliati arhinheenga uandaxapka: “¡Iásï teresmarhusïnga Israeli anapu ejersituni!” (1 Sam. 17:10, 11). Sondaduechaksï chéxapti jimbokaksï nomasi exexapka na enga xáni kʼépka Goliati ka ambe enga xáni arhiani japka (1 Sam. 17:24, 25). Joperu Dabidi ménderueni exespti, ísï exespti eska Goliati imani Tata Diosïiri ejersitunisï teresmarhuni japka enga tsípiti jaka ka no solu Israeli anapu ejersituni (1 Sam. 17:26). Ima méntkisï miásïreendi Tata Diosï Jeobani. Mintsikasïreendi Tata Diosïni enga jarhuatapka imeeri karichiicha jingoni ka seguru jarhaspti eska ménderu jarhuatapiringa. Tata Diosï Jeobaeri jarhuajperata jimbo, niraspti uarhipeni Goliatini jingoni ka eskachi na mítekia ¡andaspti filisteuni! (1 Sam. 17:45-51).
8. ¿Ambejtsïni jarhuataa sánderu mintsikani Tata Diosï Jeobani jiáni engachi no sési nitamakuarhini jauaka? (Ístu exe je imajenini).
8 Ísï eska Dabidi, juchajtuchi uaaka orhepani uérakuani tsʼéjkukuechani engachi miántaska eska ima Tata Diosï enga tsípiti jaka listu jarhaska parajtsïni jarhuatani (Sal. 118:6). Uaakachi sánderu mintsikani engachi eratsentaska ambe enga úpka Tata Diosï Jeoba ióntki. Pori ejemplu, uaakachi arhiantani Bibliarhu anapu relatuechani engajtsïni exerajka na enga Tata Diosï Jeoba pʼímutaantapka imeeri marhuariichani (Is. 37:17, 33-37). Ístuchi uaaka arhintani informasionini enga jw.org jimbo jaka parachi exeni na enga Tata Diosï Jeoba jarhuataakia iásï anapu erachiichani, ka ístu na engajtsïni jarhuatakia juchantsïni. Ísïisti, juchachi no uándikuska osuni ma o leonini ma, joperu ju je miáni eska Tata Diosï Jeoba uánikua ambe úskia juchantsïni jimbo. Pori ejemplu, pʼímarhistijtsïni parachi imeeri amigueni (Juanu 6:44). Ka seguirixakachi jurhimbikuarhu jarhani jimbokajtsïni imasï jarhuatani jaka. Ísï jimbo, ¿andichisï no kurhakujki eskajtsïni jarhuataaka miántani na engajtsïni mókuchiantakia kómarhikuechani? ¿na engajtsïni jarhuatakia jiáni engachi sánderu uétarhinchani japka o jiáni engajtsïni jarhuatapka parachi orhepani uérakuani uandanhiateechani? Engachi eratsentaska ambe enga xáni úkia Tata Diosï Jeoba juchantsïni jimbo, jarhuataatijtsïni sánderu mintsikani eskajtsïni ima seguiriini jauaka jarhuatani.
Ambe engachi uaaka jiáni engachi uandanhiateechani jatsiauaka, uaati sési o no sési pʼikuastani Tata Diosïni. (Exea je párrafuechani 8 ka 9).
9. ¿Nénachi jatsiski para exeani uandanhiateechani? (Proverbios 27:11).
9 Míteni eska Tata Diosï Jeoba tsípiti jarhaska, jarhuatatijtsïni ísï exeani uandanhiateechani eska Tata Diosï Jeoba na exeajka. Jiáni engachi no sési nitamakuarhini jauaka, jatsiskachi para imani ambe miáni enga sánderu jukaparhakueka. Jimboka Noambakiti uandasïnga eska engachi no sési nitamakuarhini jauaka, jurajkuakachi Tata Diosï Jeobani (Job 1:10, 11; arhinta je Proverbios 27:11). Ísï jimbo engachi no jurajkuska Tata Diosïni, xarhatanchi jauaka eskachi xénchasïnga imani ka eska Satanási chkuandera máeska. Ka engajtsï no sési nitamakuarhini jaka gobiernuni jimbo, ojtsï no jatsini sentabu, ojtsï no sési pʼikuarherani jimbokaksï kʼuiripuecha no uékasïnga kurhaani Tata Diosïiri ambe ojtsï máteru ambe nitamakuarhini jarhani, miá je eska engajtsï tekaantaska uaakajtsï sési pʼikuastani Tata Diosï Jeobani. Ka asï mirikurhi je eska ima no jurajkuaka eskajtsï jukari tsʼéjkunhaaka (1 Kor. 10:13). Imaksïni íntskuati uinhapikua parajtsï úni tekaantani.
IMA TATA DIOSÏ ENGA TSÍPITI JAKA KÓNDENTAATIKSÏNI
10. ¿Ambe uaa Tata Diosï tsípiti imeecha jimbo engaksï marhuakujka?
10 Tata Diosï Jeoba kóndentasïndi imeechani engaksï kómarhijka (Ebr. 11:6). Iásïjtsïni íntskusïndi pínandikua ka úsïndi eskachi tsípini pʼikuarheraaka ka sánderu orhepani íntskuatijtsïni tsípikua para méntkisï. Seguruchi jarhaska eska ima uékasïnga ka eskajtsïni uaaka kóndentani. Inde ambejtsïni jarhuatasïndi parachi mintsita jingoni marhuakuni ísï eska ióntki anapu imeeri marhuariicha. Ju je exeni Timoteueri ambe (Ebr. 6:10-12).
11. ¿Ambe jarhuataspi Timoteuni tsípikua jingoni marhuani kúnguarhikuarhu? (1 Timoteu 4:10).
11 (Arhinta je Timoteu 4:10). Timoteu mintsikaspti imani Tata Diosïni enga tsípiti jaka. Seguru jarhaspti eska ima kóndentapiringa. Jimbosï xáni jánguarhintapti para marhuakuni Tata Diosï Jeobani ka máteruechani. ¿Ambe úspi? Apostoli Pablu arhispti eska jánguarhintapiringa ambakiti jorhentpiri máeni aianhpikuarhu ka kúnguarhikuarhu, ka ambakiti ejemplu máeni para erachiicha engaksï tumbiipka ka ístu para imeecha engaksï jatiriipkia. Ístu kʼérati responsabilidadiichani intsïnhaaspti, komu konseju ma íntskuni nemani ísï eska na uétarhinchani japiringa ka uékperakua jingoni (1 Tim. 4:11-16; 2 Tim. 4:1-5). Timoteu úpirindi seguru jarhani eska Tata Diosï Jeoba kóndentapiringa nájkiruka no nema exepiringa imeeri ánchikuarhitani o no nema jukaparharani (Rom. 2:6, 7).
12. ¿Ambe jarhuataua orhejtsïkutiichani paraksï uinhamu ánchikuarhini? (Ístu exe je imajenini).
12 Májkueni eska Timoteu, orhejtsïkutiichaksï uaati seguru jarhani eska Tata Diosï Jeoba exesïnga ka jukaparharani imeecheeri ánchikuarhitani. Indeechaksï no solu exesïndi kúnguarhikuani, jorhentpini ka aianhpini, ístuksï jarhuajpesïndi konstruksionirhu, ánchikuarhitarhu para jarhuajpeni. Máteruechaksï marhuasïndi Grupuecharhu engaksï Testiguechani Pʼorhembiajka engaksï Pʼamenchani jaka o Grupuecharhu engaksï Jarhuataajka Testiguechani engaksï Uétarhinchajka Tratamientu ma. Orhejtsïkutiichaksï mítesti eska kúnguarhikua Tata Diosï Jeobaeriiska ka no kʼuiripueri ma, jimboksïsï mintsita jingoni ánchikuarhijti ka seguruksï jarhasti eska Tata Diosï kóndeantauaka (Kol. 3:23, 24).
Ima Tata Diosï enga tsípiti jaka, kóndentaatiksïni jimbokajtsï kánikua ánchikuarhisïnga kúnguarhikuarhu. (Exea je párrafuechani 12 ka 13).
13. ¿Néna pʼikuarherasïni Tata Diosï Jeoba enga exejka na engachi xáni jánguarhintajka marhuakuni?
13 Nóchi iáminduecha uaaka orhejtsïkutiini, joperuchi iáminduecha uaaka íntskuni ambe ma Tata Diosï Jeobani. Ima kánikua jukaparharasïndi na engachi xáni jánguarhintajka parachi íntskuni ambe engachi jucha uaaka úni. Pori ejemplu, ima jukaparharasïndi donasionini enga chá íntspijka para aianhpikua enga interu parhakpini úkuarhijka, nájkirukajtsï sántku íntspiaka. Ístu tsípisïndi engajtsï chá jánguarhintajka tarhatani jájkini para komentarini nájkirukajtsï no xáni uandariuaka. Ka kánikua tsípisïndi enga chá puákuntajka nemani engaksïni no sési pʼikuastaka. Miá je eska Tata Diosï Jeoba kánikua jukaparharasïnga ambe engajtsï újka úni imani jimbo. Ka nájkirukajtsï chá ísï exeaka eskajtsï no uánikua ambe úsïnga imani jimbo, imaksïni xénchasïndi ka kóndentaatiksïni indeni ambe jimbo (Luk. 21:1-4).
JU JE NO JURAJKUNI IMANI TATA DIOSÏNI ENGA TSÍPITI JAKA
14. ¿Nénajtsïni jarhuataa no jurajkuni Tata Diosï Jeobani engachi sési jásï pájperakua ma jatsiska imani jingoni? (Ístu exe je imajenini).
14 Engachi ísï exeska Tata Diosï Jeobani komueska nema enga tsípiti jaka, sánderu fásiliuati parachi no jurajkuni. Ju je exeni Joséeri ejempluni, ima no uékaspti ísku jándikua ambe niátani, jimboka mítespka eska Tata Diosï tsípiti jarhaska ka no uékasïreendi no sési pʼikuastani (Gén. 39:9). Parakachi juchajtu uaaka ísï exeni Tata Diosïni eska José, jatsiskachi para arhutani tiempu parachi kómarhini ka jorhenguarhini imeeri Uandakuani. Ísïchi niáraaka sánderu sési pájperani imani jingoni. Ísï jimbo, engachi juchajtu sési pájperakua ma jatsiaka Tata Diosï Jeobani jingoni, nóchi méni uaaka imani ambe enga no sési pʼikuastaaka (Sant. 4:8).
Engajtsï sánderu xénchaska imani Tata Diosïni enga tsípiti jaka, jarhuataatiksïni parajtsï sánderu kurhajchani imani. (Exea je párrafuechani 14 ka 15).
15. ¿Ambechi uaa jorhenguarhini israeliteecheeri ambe engaksï desierturhu japka? (Ebreu 3:12).
15 Imeecha engaksï nóteru xáni mintsikajkia Tata Diosï Jeobani, niárasïndiksï jurajkuni. Ju je eratsentani ambe engaksï úkuarhinchapka israeliteecha engaksï desierturhu japka. Mítesptiksï eska Tata Diosï Jeoba jarhaska, joperuksï ueenaspti nóteru mintsikania eska ima íntsaapiringa ambe engaksï uétarhinchapiringa ka jimboksïsï uandapti: “¿Tata Diosï Jeoba juchantsïni jingoni jarhaski o nómbe?” (Éx. 17:2, 7). Tátsekuaksï jurajkuspti Tata Diosïni. Joperu juchachi no uékasïnga májkueni úni eska imeecha, ¿a no? (arhinta je Ebreu 3:12).
16. ¿Ambe úpirini úni eskachi nóteru xáni mintsikaakia Tata Diosïni?
16 I parhakpini úsïndi eskachi úkua jukanchaaka seguiriini jarhani marhuakuni Tata Diosï Jeobani. Uánikua kʼuiripuechaksï uandasïndi eska Tata Diosï no jarhaska, ka ístu ísï xarharasïndi enajki kánikua sési nikuajki imani kʼuiripuechani engaksï no marhuakujka Tata Diosï Jeobani. Ka jimbokachi ini ambe exesïnga, úpiringachi nóteru xáni mintsikania Tata Diosïni. Ka nájkirukachi jakajkujka eska Tata Diosï jarhaska, úpiringachi eratseni sintsïni jarhuataa o nómbe. Ini ambesï ueenapti eratseni ima enga Salmo 73 karaka. Ima exespti eska kánikua sési nikuasïreenga imeechani engaksï no kurhajcheenga Tata Diosïni. Ka inde ambe úspti eska kurhamarhikuarhipiringa sini sési jimbo marhuasïreni marhuakuni Tata Diosï Jeobani o nómbe (Sal. 73:11-13).
17. ¿Ambejtsïni jarhuataa no jurajkuni Tata Diosï Jeobani?
17 ¿Ambe jarhuataspi salmistani ménderueni eratseni? Miáni ka eratsentani ambe engaksï úkuarhinchapiringa imeecha engaksï jurajkupiringa Tata Diosï Jeobani (Sal. 73:18, 19, 27). Ístu eratsentaspti na enga xáni sésiika imani marhuakuni (Sal. 73:24). Juchajtuchi uaaka eratsentani ambe enga xáni úkia Tata Diosï Jeoba juchantsïni jimbo ka terukutantani na engachi irekuarhipiringa engachi no marhuakuni japiringa imani. Engachi ísï úska, jarhuatatijtsïni parachi no méni jurajkuni Tata Diosï Jeobani ka parachi úni májkueni uandani eska salmista: “Kánikua sésisti para ji, Tata Diosïni andarhierani” (Sal. 73:28).
18. ¿Andichisï no jatsi para chéni imani ambe jimbo enga úkuarhiaka sánderu orhepatini?
18 Ísï jimbo, uaakachi orhepani uérakuni náki uéjki uandanhiatani ma ini últimu jurhiatikuechani jimbo, jimbokachi jántspikuxaka “imani Tata Diosïni enga tsípiti jaka ka enga sési jimboeka” (1 Tes. 1:9). Tata Diosï Jeoba kʼuiripu máesti enga uandanhiajka juchantsïni jimbo ka méntkisï juchantsïni jingoni jauati parajtsïni jarhuatani. Ísï ústia ióntki imeeri marhuariichani jingoni ka seguiriini jauati ísï úni iásï juchantsïni jingoni. Nájkiruka nóteru ióni jimbo kʼuiripu ueenaakia kánikua no sési nitamakuarhini, juchachi no jandiajku jauaka (Is. 41:10). Ísï jimbo, “ju je no sáni chéparini uandani: Tata Diosï Jeobareni jarhuatasïndi. ‘Méntkuni no sáni chéaka’” (Ebr. 13:5, 6).
PIREKUA 3 Jeoba, tʼuri jíndeni jingoni jarhaska
