1, 2. ¿Na járhati uandanhiatechanksï jatsiasïni uánikua Testiguecha?

APOSTULI Pablu arhispti Timoteuni, ka máteru kristianuechani, eskaksï sési úpiringa imecheri ánchikuarhitani para aianhpini (2 Tim. 4:5). Iáminduechachi jánguarhintasïnga para ísï úni, joperu ménichani úkua jukasïndi. Uánikua erachichaksï uétarhinchasïndi balori para nirani aianhpini (2 Tim. 4:2). Por ejemplu, ima erachicha engaksï jimesïsï irekaka engajtsïni juramuticha no jurajkujka parachi aianhpini, imechaksï aianhpisïndi nájkirukaksï míteka eskaksï uáka ónhanhani.

² Jeobaeri marhuarichaksï mámaru járhati uandanhiatechanksï jatsiasïndi engaksï jimbo úpiringa chkétakuarhini. Uánikuechaksï jatsisïndi para chúskutani ánchikuarhini paraksï imani ambejku úni piáni engaksï meru uétarhinchajka. Uékapirindiksï sánderu aianhpini, peruksï tʼuini kuataratini jarhasïndia enga fini de semana niárajka. Máteruechaksï no úsïni xáni aianhpini jimbokaksï kʼérati pʼamenchakuechani kánguarhiasïnga, oksï jatirinia; máruksï nóteru jamberi úsïndia uérani imecheri kʼumanchikuecharhu. Ístuksï máru ísï pʼikuarherasïndi enajkiksï no ma ambe marhuajki. Pirenchi ma enga Oriente Medio anapueka ka enga Mary * arhinhajka, uandasïndi: “Jánguarhintasïnga parani no isï eratseni enajkini no ma ambe marhuajki ka inde ambe úsïndi eskani kánikua kuataraaka. Tátsekua no sési pʼikuarherasïnga jimbokani indeni ambe jimbo, nóteruni jatsisïngia tiempu ni uinhapikua parani nirani aianhpini”.

3. ¿Ambechi exea ini jorhenguarhikua jimbo?

³ Náki uéjki járhati uandanhiatechanchi jatsiani, Jeobajtsïni íntskuati uinhapikua parachi úni orhepani uérakuani ka parachi úni marhuakuni xáni eskachi xáni uáka. Ini jorhenguarhikua jimbo, exeakachi néna engajtsïni jarhuatajka Jeoba. Joperu orheta, exeakachi néna enga uinhaperantapka Pabluni ka Timoteuni paraksï  aianhpini nájkirukaksï uandanhiatechani jatsiapka.

4. ¿Náki kʼérati uandanhiatechani jatsiaspi Pablu?

⁴ Pablu uánikua ambe nitamanchaspti enga kánikua úkua jukapka. Kánikua uinhapikua uétarhinchaspti engaksï atapka tsakapkuerantani ka engaksï ónhapka (2 Kor. 11:23-25). Ka uandakuarhintaspti eska ménisï niárasïrenga chkétakuarhini (Rom. 7:18, 19, 24). Ístu, mintsita jingoni kómarhispti Tata Diosïni eska kénditakupiringa ambe ma enga ísïpka eska “chekamita ma” enga no sési pʼikuastenga (2 Kor. 12:7, 8).

5. ¿Ambe ka ambe úspi úni Pablu nájkiruka uandanhiatechani jatsiapka?

⁵ Jeoba uinhaperantaspti Pabluni paraka aianhpepiringa nájkiruka uandanhiatechani jatsiapka. Ju je eranhaskani ambe enga xáni úpka. Por ejemplu, enga ónhakuarhitini japka Roma, kʼumanchikua ma jimbo, tsípikua jingoni aianguaspti ambakiti aianhperakuani judiuecheri orhejtsïkutichani ka jamberi máru imechani japarini engaksï juramukuarhu ánchikuarhienga (Uku. 28:17; Filip. 4:21, 22). Ístu, uandontskuarhekuaspti soldaduechani ka imechani engaksï jurheenga pʼorhembini (Uku. 28:30, 31; Filip. 1:13). Ima mismu tiempu jimbo, Tata Diosï úraspti Pabluni paraka karaapiringa kartechani máru enga kánikua marhuakuapka jiáni anapu kristianuechani ka ístu iásï anapuechani. Ka imeri ejemplu jimbo, úspti eskaksï erachicha engaksï Roma anapu kúnguarhikuarhu japka uinhapintapiringa ka balori jingonksï uandantani Tata “Diosïri uandakuani nómbe chéparini” (Filip. 1:14). Nájkiruka no méntkisï úpka xáni eska xáni uékapiringa, jánguarhintaspti na enga xáni úpka ka uandaspti eska imani ambe jimbo enga nitamakuarhini japka, úspka jarhuajpeni paraka ambakiti aianhperakua úpiringa etsakuarhini (Filip. 1:12).

6. Eska na arhijka 2 Korintu 12:9, 10, ¿ambe jarhuataspi Pabluni paraka úpiringa aianhpini?

⁶ Pablu mítespti eska no imeri uinhapikua jimbosï uénga aianhpini, sino Jeobaeri uinhapikua jimbo. Ísï jimbosï, karapti eska Tata Diosïri uinhapikua sési jimbo “uinhapitiska para ima enga sánderu debiliika” (arhinta je 2 Korintu 12:9, 10). Jeoba imeri espiritu santuni jimbo uinhaperantaspti Pabluni paraka úpiringa aianhpini nájkiruka uandanhiatechani jatsiapka, no sési kánhani ka ónhanhani.

7. Para Timoteu úni sési úni imeri ánchikuarhitani, ¿náki uandanhiatechani orhepani uérakuaspi?

⁷ Timoteu enga tumbi máepka, ístu uétarhinchaspti Tata Diosïri uinhapikuani para  sési úni imeri ánchikuarhitani. Por ejemplu, pámbetaspti Pabluni enga ima iauanisï nireenga aianhpini. Apostuli Pablu ístu axaspti Timoteuni paraka nipiringa pʼorhembiani ka uinhaperaantani máru kúnguarhikuechani (1 Kor. 4:17). Jamberi Timoteu isï pʼikuarherendi enajki no úpirini úni indeni ánchikuarhitani. Jamberi jimbosï Pablu arhipti: “Asïkini nema no janhanharhie jimbokari nótki jatirisïnga” (1 Tim. 4:12). Ístu, imani tiempuni jimbo, Biblia uandasïrendi eska Timoteu someni pʼamenchasïrenga ka eska inde ambe ísïspka komueska chekamita ma enga no sési pʼikuastenga (1 Tim. 5:23). Joperu Timoteu mítespti eska Jeobaeri espiritu santu uinhaperantapiringa paraka úpiringa aianhpini ambakiti aianhperakuani ka marhuakuani erachichani (2 Tim. 1:7).

8. ¿Nénajtsïni uinhaperantasïndi Jeoba iásï?

⁸ Iásï, Jeobajtsïni íntskusïndi “uinhapikua enga xáni kʼéri ambeka” parakachi seguiriuaka méntkisï marhuakuni (2 Kor. 4:7). Ju je exeni tʼámu ambe engajtsïni Jeoba íntskujka parajtsïni uinhaperantani ka jarhuatani parachi no méni jurajkuni: kómarhikua, Biblia, juchari erachicha ka aianhpikua.

9. ¿Nénajtsïni jarhuatasïni kómarhikua?

⁹ Kómarhikua. Efesu 6:18 jimbo, Pablu uandaspti eskachi ‘méntkisï kómarhipiringa’ Tata Diosïni. Engachi isï uáka, imajtsïni uinhaperantaati. Jonnie, enga Bolivia irekaka, exespti na enga jarhuatapka Jeoba enga uánikua uandanhiatechani jatsiapka. Imeri táti jémbecha ka imeri témba májku tiempu jimbosï uinhamu pʼamenchaspti. Kánikua úkua jukanchaspti exeani. Imeri amamba uarhispti, ka imeri témba ka táti jémba ióni jimboksï sési pʼikuarherantaspti. Jonnie miásïndi: “Engani isï pʼikuarherenga enajkini nóteru úpirinia, ambe engareni jarhuatenga, jindeespti aiangukuarhini Tata Diosïni na engani pʼikuarherenga”. Jeoba íntskuspti uinhapikua paraka úpiringa tekaantani. Imani mismu paisi jimbo, kúnguarhikuarhu anapu orhejtsïkuti ma enga Ronald arhinhajka aiangunhaspti eska amamba kánseri pʼiraspka ka ma kutsï isï tátsekua uarhispti. ¿Ambe jarhuataspi para orhepani uérani? Ima uandantasïndi: “Kómarhikuarini jarhuatasïndi uénhikuarhini Jeobani jingoni. Míteska eskarini no nema sánderu sési kurhangucheaka eska ima”. Juchajtuchi úpiringa ménichani isï pʼikuarherani enajkichi nóteru uáia o nóchi míteni néna kómarhijpikuarhini, perujtsïni Jeoba pʼímarhisïndi parachi imani uandontskuarhekuni, nájkirukachi no míteaka náki uandakuechani úraani parachi aiangukuarhini néna engachi pʼikuarherajka (Rom. 8:26, 27).

10. Eska na arhijka Ebreu 4:12, ¿andisï jukaparhakue eskachi arhintaaka Bibliani ka eratsentani ambe engachi arhintajka?

¹⁰ Biblia. Májkueni eska Pablu, juchajtuchi uáka arhintani Bibliani parachi uinhapikuarhintani ka sési pʼikuarherantani (Rom. 15:4). Engachi arhintaaka ka eratsentani karakatani ma, Jeoba uáti úrani imeri espirituni parajtsïni jarhuatani kurhanguni ka exeni néna engajtsïni uáka jarhuatani imani ambe jingoni engachi nitamakuarhini jauaka (arhinta je Ebreu 4:12). Ronald, engachi máteru párrafurhu uandaka, uandasïndi: “Kánikua sési pʼikuarherasïnga engani pʼindeka Bibliani arhintani mándani chúri. Eratsentasïnga na enga jásï kʼuiripu máeka Jeoba ka na enga xáni xénchperakua jingoni kaajka imeri marhuarichani. Inde amberini meru uinhaperantasïndi”.

11. ¿Néna uinhaperantaspi Biblia pirenchini ma enga no sési nitamakuarhini japka?

¹¹ Engachi eratsentajka Tata Diosïri Karakateri ambe, jarhuatasïndijtsïni parachi isï exeani juchari uandanhiatechani eska Tata Diosï na exeajka. Ju je exeni ambe enga nitamanchapka  pirenchi ma enga tsïndi pakarapka. Kúnguarhikuarhu anapu orhejtsïkuti ma arhispti eska arhintapiringa libru de Job ka eska inde ambe jarhuatapiringa. Enga isï úpka, jirejiresï arhinchaspti Jobuni ka imeri eratsekua jingoni arhispti: “Jobu, ¡andirisï chíti ambejku uandanhiajki!”. Jiájkani exespti eska imajtu májkueni úxapka eska Jobu. Inde ambe jarhuataspti para nóteru isï eratsenia ka uinhaperantaspti para nóteru no sési pʼikuarherania engani isï tsïndi pakarapka.

12. ¿Néna úraasïni Jeoba erachichani parajtsïni uinhaperantani?

¹² Juchari erachicha. Ístu, Jeoba úraasïndi juchari erachichani parajtsïni uinhaperantani. Pablu karaspti eska uékaxapkia imeri erachicha jingoni jarhani paraksï uinhaperperantani (Rom. 1:11, 12). Mary, engachi párrafu 2 jimbo uandaka, kánikua tsitisïndi erachicha jingoni jarhani. Ima uandantasïndi: “Jeoba úraasti erachichani ka pirenchichani engaksï no jamberi mítepka ambe engani nitamanchani japka parakajtsïni jarhuatapiringa. Márujtsïni imani ambe arhispti engajtsïni uinhaperantapka ka máteruechajtsïni tarjetechani máru axacheaspti, meru inde ambesïni uétarhinchani japka. Ísturini jarhuatasïrendi pirenchichani jingoni uandontskuarheni engaksï májkueni ambe nitamanchapka eskani ji ka jorhenguarhini ima amberi engaksï imecha úka. Ka kúnguarhikuarhu anapu orhejtsïkutichaksï úsïndi eskani pʼikuarheraaka eskani kánikua jukaparhakueska kúnguarhikuarhu”.

13. ¿Nénachi uá uinhaperaantani máteruechani tánguarhikuecharhu?

¹³ Tánguarhikuecharhu úsïngachi uinhaperperantani ka uákachi jucha uénani uinhaperaantani juchari erachichani engachi arhiaska na engachi xáni xénchajka ka eskachi agradesidu pʼikuarherasïnga imani ambe jimbo engaksï újka. Por ejemplu, ante de uénani tánguarhikua ma, orhejtsïkuti ma enga Peter arhinhajka andarhieraspti pirenchini ma enga imeri uámba no Jeobaeri testigueka ka arhispti: “Kánikuachi sési pʼikuarherasïnga engaksïni tánguarhikuarhu exejka. Méntkisïjtsï listu jatsiasïnga chári seisi sapiichani ka ambakiti komentariuechaksï íntspiasïndi”. Ima pirenchi kánikua agradesidu pʼikuarheraparini ka uenhenchaparini mókukuspti: “Meru indeni ambesïni uékani japka kurhani iásï”.

14. ¿Nénajtsïni jarhuatasïni aianhpikua?

¹⁴ Aianhpikua. Kánikuajtsïni sési pʼikuastasïndi aianhpini ka uinhaperantasïndijtsïni, iá sea engaksï kʼuiripuecha kurhauaka o nómbe (Prov. 11:25). Pirenchi ma enga Stacy arhinhajka exespti eska inde ambe ísïska. Engaksï petantapka kúnguarhikuarhu imeri familiarhu anapuni ma, kánikua no sési pʼikuarheraspti. Méntku kurhamarhikuarhini jarhasïrendi ambe no úspi úni para jarhuatani. Indeni ambejku eratseni jarhasïrendi. ¿Ambe jarhuataspi paraka orhepani uérapiringa? Aianhpikua. Enga uénapka uérani aianhpini, jánguarhintaspti imani kʼuiripuechani jarhuatani engaksï uétarhinchani japka. Ima uandantasïndi: “Imani tiempuni, Jeobareni íntskuspti nemani parani Bibliaeri ambe jorhendani ka ima sóntku niáraspti marhuakuni Tata Diosïni, inde amberini kánikua uinhaperantaspti. Aianhpini uérani kánikuarini jarhuatasïndi”.

15. ¿Ambejtsïni jorhendasïni ima ambe enga Mary uandaka?

¹⁵ Úpiringachi isï pʼikuarherani eska, indeni ambe jimbo engachi nitamakuarhini jaka, nóchi uáka xáni aianhpini. Joperu ju je no mirikurhini, eska engachi úska xáni eskachi xáni uáka, Jeoba tsípini pʼikuarheraati juchantsïni jingoni. Enga Mary, engachi antesi uandakia, mótsepka máteru kúnguarhikuarhu enga máteru idioma jimboepka, isï exesïrendi enajki ima no ma ambe jarhuajpeni japi. Ima uandantasïndi: “Ma tiempu, solu arisku jásï komentariu ma íntspisïrenga o Bibliaeri bersikuluni ma arhintani o tratadu ma íntspini aianhpikuarhu”. Mary ísï pʼikuarherasïrendi  enajki no xáni kánikua ambe úpirindi úni komu máteruecha engaksï sési uandenga idiomani. Joperu tátsekua nóteru ísï eratsesïrendia, ka niáraspti exeni eska Jeoba úpiringa úrani nájkiruka nótki xáni sési uandani japka imani idiomani. Ima uandasïndi: “Bibliaeri jurhimbikua ambe no úkua jukaspti para kurhanguni ka úsïndi eska kʼuiripu mójtakurhiaka”.

16. ¿Ambe uá uinhaperantani imechani engaksï nóteru újkia uérani imecheri kʼumanchikuecharhu?

¹⁶ Asta engachi nóteru újkia uérani kʼumanchikuarhu, Jeoba exesïndi eskachi tsitisïnga aianhpini ka kánikua jukaparharasïndi. Ima uáti úni eskachi uandontskuarhekuauaka imechani engajtsïni exejka o doktorichani. Engachi terukutantaska na engachi xáni újka iásï imani jingoni engachi ióntki uénga, uákachi chkétakuarhini. Joperu engachi exeska na engajtsïni Jeoba jarhuatani jaka iásï, jatsiakachi uinhapikua parachi úni orhepani uérakuani na uéjki járhati tsʼéjkukuechani ka parachi seguirini marhuakuni Jeobani tsípikua jingoni.

17. Eska na xarhatajka Eclesiastés 11:6, ¿andichisï jatsi para seguirini aianhpini nájkiruka ísï xarharaaka eska no nema uékasïnga jorhenguarhini?

¹⁷ Nóchi míteska náki jurhimbikueri semiia engachi jucha ikaraaka uá sïrangua jukani ka tsikini (arhinta je Eclesiastés 11:6). Por ejemplu, pirenchi ma enga jukari 80 uéxurhini jatirikia ka enga Barbara arhinhajka, méntku aianhpini jarhasïndi telefonu jimbo ka karta jimbo. Sobri ma jimbo, jatsiraspti rebistani La Atalaya 1 de marsu 2014 anapu, enga jorhenguarhikua ma jataka enga arhinhajka “¿Qué ha hecho Dios por usted?”. No míteparini, axakuspti indeni kartani temungurhirini ma engaksï nóteru Jeobaeri testiguepkia. Imaksï méntku úndaspti arhintani. Uámba ísï pʼikuarheraspti enajki meru Jeoba uandajpani japi imani. Tsimarhanksï uéntaspti nirani tánguarhikuecharhu. Nájkiruka nitamapkia 27 uéxurhini, niárasptiksï ménderu jindeeni Jeobaeri testiguecha. ¿Úsïnchi eranhaskani na enga xáni uinhaperantapka Barbarani enga mítepka na enga xáni marhuakupka imani temungurhirini karta enga ima karapka?

18. ¿Ambechi jatsiski para úni parajtsïni Jeoba uinhaperantani?

¹⁸ Eskachi na exekia, Jeobajtsïni uánikua ambe íntskusïndi parajtsïni uinhaperantani komu kómarhikuani, Bibliani, juchari erachichani ka aianhpikuani. Engachi sési úraska ini ambe, xarhatakunchi jauaka eskachi mintsikasïnga eskajtsïni uáka jarhuatani ka eska uékasïnga ísï úni. Ju je méntkisï jarhuajperata kurhakuni juchari Táti auandarhu anapuni, jimboka ima uékasïnga “uinhapikua xarhatakuani imechani engaksï iámu mintsita jingoni marhuakujka” (2 Crón. 16:9).