Engajtsï úraska ambe engachi xáni jatsika para inbestigarini internetirhu, uaakajtsï exentani kánikua informasioni mámaru jásï temeeri ambe. Máru ambe engachi úrajka para inbestigarini pʼurhe jimbo jarhasti, komueska Jarhuajperata paraksï Jeobaeri testiguecha estudiarini. Peru uánikua máteru idiomeecha jimbo jarhasti Glosario ma, Perspicacia para comprender las Escrituras, ka Índice de las publicaciones Watch Tower.

BIBLIOTEKA INTERNETIRHU Watchtower ístujtsïni marhuachesïndi parachi jirinhantani imani ambe engachi úrajka para inbestigarini. Engajtsï karaska ambe ma rekuadrurhu enga jindeeka para jirinhantani ambe ma, kétsekua uéraati uánikua ambe engajtsï uaaka exeni. Enga inde ambe engajtsï jirinhantani jaka, indeni jarhuajperateecha jimbo jaka engachi úrajka para inbestigarini, jima máekandu xarharaati uandakua “Tema”.

Tsʼéjku je ini ambe: Kara je “Jeoba” rekuadrurhu enga jindeeka para jirinhantani ambe ma (A). Imani eraku je enga arhijka “Jeoba” ka jima jaiasku je enga arhijka “Tema” (B). Jimajtsï exentaaka imani jarhuajperateechani engachi úraajka para inbestigarini engaksï indeeri ambe uandajka engajtsï jirinhantani jaka.