Máru lebitecha engaksï no saserdotipka, uánikua máteru ánchikuarhita ambeksï úsïrendi templurhu, komu polisieni. Templurhu anapu kapitani exesïrendi imecheri ánchikuarhitani. Filón, karari ma enga judiueka, uandasïndi ambe engaksï uénga: “Máruksï puertarhu jamukutini jarhasïrendi, máteruksï incharini jarhasïrendi, Tata Diosïri pímbinhasï templurhu, paraksï no jurajkuni eska nema enga no sésikua jatsipka para inchani uékaparini o no uékaparini inchapiringa; máteruechaksï chúrikua ka jurhiakua jámasïrendi ma uirhipandani paraksï templuni kuáni, seguni eskaksï na tokaripiringa”.

I grupu polisiecheri, jindesptiksï para imani ambe úni engaksï jusgadurhu anapuecha arhiapiringa. Roma anapu gobiernu, solu i grupuni judiuecheri íntskuspti sésikua paraksï úni espada ambe kámani.

Inbestigadori Joachim Jeremias, uandasïndi eskaksï templurhu anapu polisiechespka engaksï jupikapka Jesusini, sino ima no úpirindi arhiani jiáni engaksï jupikapka eska ima pauani pauani uaxakasïrenga templurhu jamukutini para jorhentpini ka no nema jupikani (Juanu 7:32, 45, 46). Ísï tátsekua, kapitanini ka polisiechanksï juramukuaspti paraksï Jesusiri chúxapatichani jusgadurhu paani. Peekaksï ístu templurhu anapu polisiechepka engaksï Pabluni antsikuparini petantapka templurhu uératini (Uku. 4:1-3; 5:17-27; 21:27-30).